ເພື່ອປະຕິບັດຍຸດທະສາດການ ຄຸ້ມຄອງແຮງງານໃຫ້ມີປະສິດທິຜົນ.
ໃນຜ່ານມາຂະແໜງແຮງງານ ແລະ ສະຫວັດດີການສັງຄົມລາວ (ຮສສ) ໄດ້ປະສານສົມທົບ ກັບອົງການໄຕພາຄີ
ແລະ ຂະແໜງການກ່ຽວຂ້ອງ ອື່ນໆ ໄດ້ເອົາໃຈໃສ່ລົງຕິດຕາມ, ກວດກາ ແຮງງານຢູ່ຕາມຫົວໜ່ວຍທຸລະກິດ ແລະ ໂຄງການຕ່າງໆໄດ້ 2.672 ແຫ່ງ ໃນນີ້ ມີຜູ້ອອກແຮງ ງານທັງໝົດ 70.374 ຄົນ ແລະ ລົງເຜີຍແຜ່ກົດໝາຍວ່າດ້ວຍແຮງງານ ຕາມຫົວ ໜ່ວຍແຮງງານຕ່າງໆໄດ້ 255 ແຫ່ງ. ນອກຈາກນີ້ ຍັງໄດ້ໄກ່ເກ່ຍຂໍ້ຂັດແຍ່ງ 74 ກໍລະນີ ແລະ ສາມາດໄກ່ເກ່ຍ ຕົກລົງກັນໄດ້ 51 ກໍລະນີ; ໄດ້ປັບປຸງຄ່າແຮງງານຕ່ຳສຸດສຳລັບຜູ້ອອກແຮງງານທີ່ເຮັດວຽກຢູ່ຫົວໜ່ວຍທຸລະກິດ,
ການຜະລິດ ແລະ ການບໍລິການ ເຊິ່ງໄດ້ຍົກລະດັບຂຶ້ນຈາກ 348.000 ກີບ ມາເປັນ 626.000 ກີບ ເພີ່ມຂື້ນ
80% ແລະ ຍັງໄດ້ເອົາໃຈໃສ່ຂຶ້ນທະບຽນຜູ້ ຕ້ອງການວຽກເຮັດງານທຳໄດ້ 15.944 ຄົນ, ຍິງ
5.454 ຄົນ
ໃນນີ້ ຂະແໜງການກະສິກຳກວມ 1.762 ຄົນ, ຍິງ 800 ຄົນ; ອຸດສາ ຫະກຳ 9.557 ຄົນ,
ຍິງ 2.894 ຄົນ ແລະ ຂະແໜງການບໍລິການ 4.625 ຄົນ, ຍິງ 1.760 ຄົນ. ສິ່ງດັ່ງ ກ່າວ ເປັນການປະກອບສ່ວນສຳຄັນໃຫ້ແກ່
ການປົກປ້ອງສິດ, ຜົນປະໂຫຍດ ແລະ ຍົກລະດັບຊີວິດການເປັນຢູ່ຂອງຜູ້ອອກແຮງງານໃຫ້ດີຂຶ້ນເທື່ອລະກ້າວ.
ໃນປີ 2012 ສັງເກດເຫັນວ່າ: ປະຊາກອນຂະຫຍາຍຕົວເພີ່ມຂຶ້ນໃນລະດັບ
2% ອັນໄດ້ເຮັດໃຫ້ພົນລະເມືອງ ລາວເພີ່ມເປັນ 6,5 ລ້ານກວ່າຄົນແລ້ວ, ໃນນັ້ນ ກຸ່ມອາຍຸ
ລະຫວ່າງ 15-64 ປີ ກວມເອົາ 59% ແລະ ໃນນີ້ ກຳລັງ ແຮງງານ ກວມເອົາ 49,36%, ເທົ່າກັບ
3,21 ລ້ານກວ່າຄົນ ແລະ ປັດຈຸບັນ ອັດ ຕາການວ່າງວຽກຢູ່ລາວມີປະ ມານ 2%. ສັດສ່ວນແຮງງານໃນ
ຂົງເຂດກະສິກຳໄດ້ຫຼຸດລົງຈາກ 74,1% ມາເປັນ 73,1%, ຂົງເຂດອຸດສາ ຫະກຳ-ກໍ່ສ້າງ ເພີ່ມຂຶ້ນ
ຈາກ 6,3% ມາເປັນ 6,5% ແລະ ຂົງເຂດການບໍລິການເພີ່ມຂຶ້ນ ຈາກ 19,5% ມາເປັນ 20,4%.
No comments:
Post a Comment