ທ່ານ ສຸລິດ ຈິນດາມະນີ ຫົວຫນ້າໃລັດວິສາຫະກິດນ້ຳ
ປະປາ ແຂວງຫລວງພະບາງ ໄດ້ລາຍງານຕໍ່ນັກຂ່າວ ໜັງສີ ພິມແຂວງໃນວັນທີ 2 ເມສາ ນີ້ ວ່າ: ເພື່ອກະກຽມໃຫ້ແກ່ບຸນ
ປີໃໝ່ລາວພສ 2556ທີ່ຈະມາ ເຖິງນີ້,ລັດວີສາຫະກິດນ້ຳປະ ປາ ແຂວງຫລວງພະບາງໄດ້ ມີວິທີແກ້ໄຂການຂາດເຂີນນ້ຳບໍລິໂພກຂອງປະຊາຊົນຢູ່ບາງ
ຈຸດພາຍໃນເທສະບານ ເມືອງ ຫລວງ ພະບາງເປັນຕົ້ນປະຊາຊົນຢູ່ເຂດສູງ, ຊານເມືອງ, ລັດວິສາຫະກິດນ້ຳປະປາ
ກໍໄດ້ມີລົດສະແຕ໊ກເສີມ 1 ຄັນສາມາດບັນຈຸນ້ຳໄດ້ 10 ແມັດ ກ້ອນຕາງນ້ຳໄປແຈກຢາຍໃຫ້ປະຊາຊົນທີ່ຂາດເຂີນໂດຍຄິດໄລ່
ເອົາແຕ່ຄ່ານ້ຳມັນລົດ, ສ່ວນຄ່ານ້ຳແມ່ນບໍ່ໄດ້ຄິດໄລ່ ເອົານຳປະຊາຊົນ.
ປັດຈຸບັນ,ແຂວງຫລວງ ພະບາງໄດ້ມີໂຮງງານຜະລິດນ້ຳ
ປະປາ ຢູ່ 3 ແຫ່ງຄື ຈາກແຫລ່ງ ນ້ຳພູພຶງ,ນ້ຳຄານ ແລະນ້ຳຂອງ (ມະຫາວິທະຍາໄລສຸພານຸວົງ), ສາມາດຜະລິດນ້ຳໄດ້
22 ພັນ ແມັດກ້ອນຕໍ່ມື້,ໃນນີ້ກຳລັງການ ຜະລິດຢູ່ພູພຶງມ່ນ 7 ພັນແມັດ ກ້ອນຕໍ່ມື້ໃນລະດູແລ້ງ,ສ່ວນລະດູຜົນ
ແມ່ນ 15 ພັນແມັດກ້ອນຕໍ່ມື້. ສະ ເພາະຢູ່ໂຮງງານຜະລິດນ້ຳປະປານ້ຳຄານ ແລະ ມະ ຫາວິທະຍາໄລສຸພານຸວົງ
(ນ້ຳຂອງ) ແມ່ນສາມາດຜະລິດໄດ້ 22 ພັນແມັດກ້ອນ ຕໍ່ມື້.ດັ່ງນັ້ນກ່ອນບຸນປີໃໝ່ລາວ ນີ້ທ່ານຈຶ່ງ
ຮຽກຮ້ອງພໍໍ່ແມ່ປະຊາຊົນໃຫ້ກະກຽມຖັງບັນຈຸນ້ຳໄວ້ ແລະ ບໍ່ໃຊ້ນ້ຳຟຸມເຟືອຍເປັນ ຕົ້ນແມ່ນລ້າງລົດ,
ຫົດຜັກ ແລະ ອື່ນໆ.
ສຳລັບແຜນການຕໍ່ໜ້ານີ້, ລັດວິສາຫະກິດນ້ຳປະປາແຂວງ
ຫລວງພະບາງໄດ້ເຊັນສັນຍາຊື້- ຂາຍກັບບໍລິສັດເອເຊຍນ້ຳ ປະປາຫລວງພະບາງ 5 ພັນແມັດກ້ອນ ຕໍ່ມື້ເພື່ອແຈກຢາຍຊ່ວຍຕົວເມືອງຫລວງພະບາງ
ແລະບ້ານ ຈັດສັນ ໃໝ່ພ້ອມນັ້ນຍັງ ມີແຜນວາງທໍ່ໄປ ທາງປາກເຊືອງ ແລະ ຂົວນ້ຳ ຄານໃໝ່.ປັດຈຸບັນນີ້ສາມາດຂະຫຍາຍໄດ້
4 ສາຂາ ຄື ເມືອງ ນານ, ຊຽງເງິນ, ນ້ຳບາກ ແລະ ເມືອງງອຍ ແລະ ພວມກໍ່ສ້າງສາຂາຢູ່ເມືອງໂພນໄຊຕື່ມອີກ.
No comments:
Post a Comment