ເພື່ອເຮັດໃຫ້ການສະເຫລີມ ສະຫລອງບຸນປີໃໝ່ລາວ
ພສ 2556 (ປີມະເສັງ) ເຊິ່ງເປັນບຸນປະເພນີປະຈຳຊາດຂອງ ສປປ ລາວ ທີ່ຈະໝູນວຽນມາບັນຈົບຄົບຮອບອີກວາລະໜຶ່ງ
ໃຫ້ດຳເນີນໄປດ້ວຍບັນຍາກາດເບີກ ບານມ່ວນຊື່ນ, ຮັກສາໄດ້ມູນເຊື້ອ ວັດທະນະທຳ
ແລະ ຮີດຄອງປະເພນີອັນດີງາມທີ່ເປັນເອກະລັກຂອງຊາດ ຮັບປະກັນຄວາມສະຫງົບສຸກ,
ຄວາມປອດໄພ ຄວາມເປັນລະບຽບຮຽບຮ້ອຍ ແລະ ສະອາດຈົບງາມຂອງຕົວເມືອງ. ດັ່ງນັ້ນ
ເມື່ອມໍ່ມານີ້, ເຈົ້າຄອງນະຄອນຫລວງວຽງຈັນ ຈຶ່ງໄດ້ອອກຄຳສັ່ງແນະນຳເຖິງບັນດາເຈົ້າເມືອງ,ຫົວໜ້າກອງບັນຊາການທະຫານ,
ປກສ, ອົງການຈັດຕັ້ງ ມະຫາຊົນ, ຫົວໜ້າພະແນກການ, ຫົວໜ່ວຍທຸລະກິດຕ່າງໆ ຕະ ຫລອດຮອດປະຊາຊົນບັນດາເຜົ່ານະຄອນຫລວງວຽງຈັນທຸກທົ່ວໜ້າໂດຍມີເນື້ອໃນສຳຄັນວ່າ:
ການສະເຫລີມສະຫລອງບຸນປີໃໝ່ລາວ ພ.ສ 2556 ແມ່ນໃຫ້ດຳເນີນໄປຄືປີຜ່ານມາ, ເປັນການປົກປັກຮັກສາ,
ສົ່ງເສີມວັດ ທະນະທຳຮີດຄອງປະເພນີອັນດີ ງາມຂອງຊາດ,ຮັກສາໄດ້ມູນເຊື້ອວັດທະນະທຳອັນດີງາມທີ່ເປັນເອກະລັກຂອງຊາດລາວທີ່ສືບທອດກັນມາດົນນານ
ທັງເປັນການສະຫລຸບຍ້ອງຍໍຜົນງານດີເດັ່ນຂອງທ້ອງຖິ່ນ,ກົມກອງ ແລະ ຄອບຄົວໃນ
ປີຜ່ານມາ,
ເສີມສ້າງຄວາມສາມັກຄີຮັກແພງ,ຄວາມກະຕັນຍູຮູ້ບຸນຄຸນ,ອວຍພອນຜູ້ນຳພັກ-ລັດ, ຜູ້ອາວຸໂສ,ພໍ່ແມ່
ແລະ ອວຍ ພອນເຊິ່ງກັນ ແລະ ກັນ ທັງເປັນການສ້າງຂະບວນການຮັບຮ້ອນວັນບຸນໃຫຍ່ສຳຄັນຂອງພັກ,
ຂອງຊາດ ແລະ ເຫດການປະ ຫວັດສາດສຳຄັນຕ່າງໆ, ປຸກລະດົມຊຸກຍູ້ຂະບວນການໃຫ້ມີບັນຍາກາດຟົດຟື້ນ.
ພ້ອມທັງ ຈັດຕັ້ງຜັນຂະຫຍາຍ 6 ສ ທີ່ຕິດພັນກັບການແກ້ໄຂປາກົດການຫຍໍ້ທໍ້, ການສ້າງບ້ານ,ກຸ່ມບ້ານພັດທະນາໃຫ້ເປັນຮູບປະທຳ
ແລະ ດຳເນີນໄປດ້ວຍຈິດໃຈປະ ຢັດມັດ ທະຍັດ,ບໍ່ຫລິ້ນກິນຟຸມເຟືອຍ, ການໃຊ້ຈ່າຍວັດຖຸເງິນຄຳຕ້ອງໃຫ້ເໝາະສົມຖານະເສດຖະກິດຄອບຄົວ,
ກົມກອງຕົນເອງ, ການຫົດສົງ (ຫົດນ້ຳ) ອວຍພອນຕ້ອງສະແດງທ່າທີສຸພາບ, ມີມາລະ ຍາດ
ແລະ ເຄົາລົບນັບຖືເຊິ່ງກັນ ແລະ ກັນ,ການຫົດສົງຕ້ອງໃຊ້ນ້ຳສະອາດ ຫລື ນ້ຳອົບ,ນ້ຳ
ຫອມຍິ່ງເປັນການດີ,ການຈັດ ຕັ້ງ ຄົບງັນມ່ວນຊື່ນ ແລະ ສະຖານທີ່ຫລິ້ນບຸນຫົດນ້ຳໃຫ້ຈັດຢູ່ຕາມເຮືອນ,ບ້ານ,ສຳນັກງານ
ແລະ ສະຖານທີ່ຕ່າງໆທີ່ໄດ້ກຳນົດເຊັ່ນ:ຢູ່ຕາມວັດ,ສະຖານທີ່ແຫລ່ງ ທ່ອງທ່ຽວ,
ສວນວັດທະນະທຳ, ຫາດຊາຍຕາມແມ່ນ້ຳງື່ມ ແລະ ນ້ຳຂອງໂດຍອະນຸຍາດໃຫ້ຈັດຕັ້ງ ຫລິ້ນບຸນເມືອງລະ
1 ແຫ່ງ.ສຳ ລັບນະຄອນຫລວງວຽງຈັນ ແມ່ນກຳນົດເອົາສະຖານທີ່ສວນວັດທະນະທຳບັນດາເຜົ່າ,ສູນການຄ້າລາວ-ໄອເຕັກ,
ບໍລິເວນຄຸ້ມຕົວເມືອງເກົ່າ,ຫາດຊາຍແຄມຂອງທ່າວັດຈັນເປັນຈຸດລວມສູນໃນການຫລິ້ນປີໃໝ່
ພ.ສ 2556. ພ້ອມນັ້ນກໍໃຫ້ເອົາໃຈໃສ່ຍູ້ແຮງຂະບວນການອອກແຮງງານອະນາ ໄມ,ປະດັບປະດາສຳນັກງານ,
ອົງການ, ເຮືອນ, ບ້ານ,ວັດວາອາຮາມ,ຖະໜົນຫົນທາງ ແລະ ສວນ ສາທາລະນະ ໃຫ້ສະອາດຈົບງາມ
ແລະ ໃຫ້ເພີ່ມທະວີສະຕິລະວັງຕົວຕໍ່ກົນອຸບາຍມ້າງເພທຳລາຍຂອງກຸ່ມຄົນບໍ່ດີທີ່ຈະກໍ່ຂຶ້ນ,ເອົາໃຈໃສ່ປ້ອງກັນຊາຍແດນ,ເຮືອນ,ສຳ
ນັກງານ-ອົງການພັກ-ລັດ, ຫົວ ໜ່ວຍທຸລະກິດ,ໂຮງຈັກ-ໂຮງ ງານ,ຕະຫລາດ, ສູນການຄ້າ ແລະສະຖານທີ່ສຳຄັນອື່ນໆຂອງ
ພາກລັດ ແລະ ເອກະຊົນໃຫ້ມີຄວາມສະຫງົບປອດໄພ,ມີສະຕິລະວັງຕົວສະກັດກັ້ນບໍ່ໃຫ້ມີເຫດ
ການບໍ່ດີເກີດຂຶ້ນເຊັ່ນ:ອັກຄີໄພ, ການກໍ່ສຽງແຕກ,ຂີ້ລັກ-ງັດແງະ, ປຸ້ນຈີ້-ຊີງຊັບ,ການກໍ່ອາລະວາດຕີກັນ,ສະ
ກັດກັ້ນບັນຫາອຸປະຕິເຫດຕາມທ້ອງຖະໜົນຢ່າງເຂັ້ມງວດ ແລະ ສິ່ງສຳຄັນອີກຢ່າງແມ່ນໃຫ້ຈັດຕັ້ງການປ້ອງກັນເວນຍາມ
ແລະ ປະຈຳການຕະຫລອດ 24 ຊົ່ວໂມງ ແລະ ຈັດຕັ້ງລະບົບກວດ ກາ,ຈັດສັນສະຖານທີ່ຈອດລົດໃນ
4 ຈຸດສຸມຈັດງານ, ປະສານງານຕິດຕໍ່ພົວພັນເຊິ່ງກັນ ແລະ ກັນ ເພື່ອແກ້ໄຂບັນຫາເກີດຂຶ້ນເຖິງເປົ້າໝາຍຕົວຈິງຢ່າງວ່ອງໄວ
ແລະ ທັນເວລາ.
ຢູ່ສວນວັດທະນະທຳບັນດາເຜົ່າໃຫ້ຈັດຕັ້ງພິທີປະກວດນາງສັງຂານນະຄອນຫລວງວຽງຈັນ,
ມອບໃຫ້ພະແນກຖະແຫລງຂ່າວ, ວັດທະນະທຳ ແລະ ທ່ອງທ່ຽວ ຮັບຜິດຊອບຈັດຕັ້ງປະຕິບັດ
ແລະ ຈັດຂະບວນແຫ່ນາງສັງຂານນະ ຄອນຫລວງວຽງຈັນຕາມແຜນ ການວາງອອກ ແລະ ຕະ ຫລາດ
ນັດຜະລິດຕະພັນລາວໂດຍໃຫ້ເອົາຜະລິດຕະພັນຂອງຄົນລາວເທົ່ານັ້ນໄປວາງ ສະແດງ
ແລະ ຂາຍສິນຄ້າ ໂດຍໃຫ້ເອົາຕົວແທນຜູ້ປະກອບການທົ່ວນະຄອນ ຫລວງວຽງຈັນເຂົ້າຮ່ວມ.ສ່ວນຢູ່ສູນການຄ້າລາວ-ໄອເຕັກໃຫ້ຈັດຕັ້ງງານວາງສະແດງ
ແລະ ຂາຍສິນຄ້າທົ່ວໄປມີລັກສະນະປະສົມປະສານຜະລິດຕະພັນລາວ ແລະ ສາກົນ ອາດຈະເຊີນເອົາປະເທດເພື່ອນບ້ານໃກ້ຄຽງທີ່ມີເງື່ອນໄຂເຂົ້າມາຮ່ວມນຳເຊັ່ນ:ຫວຽດ
ນາມ, ຈີນ, ມຽນມາ, ກຳປູເຈຍ, ໄທ. ສຳ ລັບກິດຈະກຳຢູ່ຫາດດອນຈັນໃຫ້ຈັດຕັ້ງການແຂ່ງຂັນກິລາຫາດຊາຍ,ຈັດຕັ້ງການຕົບພະທາຍຕາມຮີດຄອງປະເພນີເພື່ອຊຸກຍູ້ການທ່ອງທ່ຽວ.ສ່ວນຈຸດຫລິ້ນນ້ຳແມ່ນໃຫ້ເນັ້ນໜັກຈັດໃສ່ໃນເຂດຄຸ້ມເມືອງເກົ່າຂອງກຸ່ມວັດຈັນເຊື່ອມຈອດໃສ່ບ້ານທາດຂາວ,ບ້ານເພຍວັດ;
ໃຫ້ຄອບຄົວ ຫລື ການຈັດຕັ້ງຢູ່ເຂດນີ້ກຳນົດຈຸດຫົດນ້ຳ,ເວລາຄົນທຽວໄປທຽວມາໃຫ້ມີຂະບວນຟ້ອນເຊີ້ງ
ຕາມຮີດຄອງປະເພນີ ເພື່ອສ້າງບັນຍາກາດເບີກບານມ່ວນຊື່ນ,ມີຫລາຍສີສັນທັງຫົດນ້ຳໃສ່ກັນ,
ທັງຟ້ອນເຊີ້ງໄປພ້ອມສະຫລັບກັບວັດທະນະທຳຂອງທ້ອງຖິ່ນ ແລະ ການຫົດນ້ຳໃຫ້ດຳເນີນໄປ
3 ມື້ ຄືນັບແຕ່ວັນທີ 14, 15, 16 ເມສາ 2013 ເລີ່ມແຕ່ເວລາ 09:00 ໂມງ ເຖິງ
18:00 ໂມງແລງ ຂອງແຕ່ລະມື້.ສຳລັບການຈັດບຸນໃຫຍ່ຄົບງັນມ່ວນຊື່ນໂດຍສິລະ ປະດົນຕີ
ຕ້ອງໄດ້ຮັບອະນຸຍາດຈາກເຈົ້າເມືອງໂດຍຜ່ານການຈັດ ຕັ້ງ ທີ່ກ່ຽວຂ້ອງຕາມລຳດັບ.
ເນື້ອໃນການສະແດງຕ້ອງສ່ອງແສງໃຫ້ເຫັນໄດ້ລັກສະນະຊາດ, ວັດທະ ນະທຳອັນດີງາມຂອງຊາດ,
ວຽກດີຄົນເດັ່ນ, ຜົນງານຫົວຄິດປະດິດສ້າງໃໝ່ຂອງເມືອງ, ຄອບຄົວ, ບ້ານ ແລະ ກຸ່ມບ້ານພັດທະນາ.
ແຈ້ງການດັ່ງກ່າວຍັງໄດ້ລະບຸເຖິງຂໍ້ຫ້າມຕ່າງໆທີ່ຕ້ອງເອົາໃຈໃສ່
ຄືຫ້າມເດັດຂາດບໍ່ໃຫ້ກໍ່ສຽງແຕກທຸກປະເພດ, ບໍ່ໃຫ້ຈູດໝາກ ກະໂພກ, ບັ້ງໄຟດອກທຸກຊະນິດຢ່າງເດັດຂາດ,
ບໍ່ໃຫ້ຈັດບຸນໃສ່ສະຖານທີ່ກີດຂວາງການສັນ ຈອນໄປມາຂອງລົດ ແລະ ຄົນ; ຫ້າມບໍ່ໃຫ້ຂັບລົດໃນເວລາມຶນເມົາ
ແລະ ຖ້າຂີ່ລົດຈັກຕ້ອງໃສ່ໝວກກັນກະທົບ (ຜູ້ລະເມີດຈະຖືກດຳເນີນຕາມລະບຽບກົດ
ໝາຍຈະລາຈອນ) ປະຕິບັດຕາມກົດຈະລາຈອນ, ກົດໝາຍທາງຫລວງຢ່າງເຄັ່ງຄັດ; ຫ້າມບໍ່ໃຫ້ໃຊ້ນ້ຳສີ,
ຄັນຄາຍ ແລະ ນ້ຳເປິເປື້ອນຫົດໃສ່ກັນ; ຫ້າມສາດນ້ຳ ແລະ ໃຊ້ຖົງຢາງ ຫລື ເຄື່ອງສີດນ້ຳທີ່ມີຄວາມດັນແຮງໃສ່ຜູ້ຂັບຂີ່
ແລະ ຜູ້ສັນ ຈອນຕາມທ້ອງຖະ ໜົນ; ຫ້າມບໍ່ໃຫ້ເອົານ້ຳກ້ອນ ຫລື ຮ່າຍນ້ຳໃສ່ຖົງຢາງແກ່ງໃສ່ລົດ
ຫລື ໃສ່ຄົນໄປມາ; ຫ້າມບໍ່ໃຫ້ນຸ່ງເຄື່ອງຍົ້ວຍວນ, ສັ້ນເຂີນເຂົ້າວັດສົງພະ
ແລະ ສະຖານທີ່ຊຸມຊົນຕ່າງໆ; ຫ້າມບໍ່ໃຫ້ສວຍໂອກາດຫລິ້ນການພະນັນທຸກປະເພດ
ແລະ ຫ້າມບໍ່ໃຫ້ຫລິ້ນທ່ຽວແບບລາມົກອານາຈານຢ່າງເດັດຂາດ.
No comments:
Post a Comment