ໃນວັນທີ 1 ສິງຫານີ້, ທ່ານ ສົມມາດ ພົນເສນາ ລັດຖະມົນຕີ ວ່າການກະຊວງໂຍທາທິການ
ແລະ ຂົນສົ່ງ ຂອງລາວ ໄດ້ນຳ ພາຄະນະຜູ້ແທນລັດຖະບານຈາກ ຣາຊະອານາຈັກໄທ, ມຽນມາ ແລະ
ຣາຊະອານາຈັກກໍາປູເຈຍ ເດີນທາງຢ້ຽມຢາມແຂວງບໍ່ແກ້ວ ເພື່ອຕິດຕາມກວດກາຄວາມຄືບ ໜ້າການກໍ່ສ້າງຂົວຂ້າມແມ່ນໍ້າ
ຂອງມິດຕະພາບ ແຫ່ງທີ 4 ລະ ຫ່ວາງຫ້ວຍຊາຍ ແຂວງບໍ່ແກ້ວ ສປປ ລາວ ກັບອໍາເພີຊຽງຂອງ ແຂວງຊຽງຣາຍ
ປະເທດໄທ ໂດຍໄດ້ຮັບການຕ້ອນຮັບຈາກ ທ່ານ ຄໍາໝັ້ນ ສູນວິເລີດ ເຈົ້າແຂວງບໍ່ແກ້ວ ແລະ ພາກສ່ວນກ່ຽວຂ້ອງ.
ການຢ້ຽມຢາມເທື່ອນີ້, ຄະນະຜູ້ແທນດັ່ງກ່າວໄດ້ທ່ຽວຊົມ
ສະຖານທີ່ຕ່າງໆຂອງໂຄງການ ເປັນຕົ້ນໂຄງການກໍ່ສ້າງຂົວຫ້ວຍຊາຍ-ຊຽງຂອງ, ໂຄງການກໍ່
ສ້າງສະໜາມກ໊ອບ ແລະ ໂຄງ ການກໍ່ສ້າງຫໍຫລັກເມືອງ ແຂວງບໍ່ແກ້ວ. ພ້ອມທັງໄດ້ຮັບຟັງການລາຍງານສະພາບການໂດຍຫຍໍ້
ຈາກຄະນະຮັບຜິດຊອບໂຄງການ ເຊິ່ງມາຮອດປັດຈຸບັນ ໂຄງການກໍ່ສ້າງຂົວດັ່ງກ່າວໄດ້ດຳເນີນກໍ່
ສ້າງສຳເລັດແລ້ວ 94% ຂອງໜ້າວຽກ ແລະ ໂອກາດດຽວກັນນີ້, ທ່ານ ສົມມາດ ພົນເສນາ ກໍໄດ້ຕີລາຄາສູງ
ແລະ ໃຫ້ ທິດຊີ້ນໍາແກ່ບໍລິສັດຮັບເໝົາກໍ່ສ້າງໃຫ້ເລັ່ງລັດສຶບຕໍ່ດຳເນີນການກໍ່ສ້າງ
ເພື່ອໃຫ້ສໍາເລັດຕາມກຳນົດເວລາ ແລະ ໃຫ້ໄດ້ເປີດການ ນໍາໃຊ້ຕາມທີ່ກຳນົດໄວ້.
No comments:
Post a Comment