ກະແສການຕັ້ງລາຄາສິນ ຄ້າຕາມທ້ອງຕະຫລາດ
ແລະ ສຳລະສະສາງ ໂດຍການນຳໃຊ້ສະ ກຸນເງິນຕາຕ່າງປະເທດຍັງເປັນບັນຫາຊຳເຮື້ອຄຽງຄູ່ກັບສັງຄົມລາວມາດົນແລ້ວ,
ເຖິງວ່າ ສປປ ລາວ ຈະມີສະກຸນເງິນແຫ່ງຊາດ ແລະ ມີເອກະລັກຂອງຄວາມເປັນຊາດມາແຕ່ຫລາຍທົດສະວັດແລ້ວກໍຕາມ.
ຜ່ານມາທະນາຄານແຫ່ງ ສປປ ລາວ ໄດ້ສຸມທຸກຄວາມພະ
ຍາຍາມໃນການປຸກລະດົມໃຫ້ທົ່ວປວງຊົນ ບໍ່ວ່າຈະເປັນອົງການຈັດຕັ້ງພາກລັດ, ເອກະຊົນ,
ຊາວ ຄ້າຂາຍ ຕະຫລອດເຖິງພໍ່ແມ່ປະ ຊາຊົນໃຫ້ຫັນມາອອມເງິນ ແລະ ຊົມໃຊ້ແຕ່ເງິນກີບຂອງຊາດລາວໃນການສຳລະສະສາງຄ່າບໍລິ
ການ ແລະ ໃຊ້ຈ່າຍໃນຊີວິດປະ ຈຳວັນ.
ການລົງທຶນຂອງທະນາຄານ ລັດເຂົ້າໃສ່ກິດຈະກຳໂຄສະນາ
ບໍ່ວ່າຈະເປັນປ້າຍຕ່າງໆທີ່ຕັ້ງຢູ່ຕາມຈຸດທີ່ສຳຄັນ ແລະ ຜ່ານສື່ເກືອບທຸກປະເພດຄົງຈະບໍ່ມີຜົນສັກສິດຫຍັງ
ຖ້າຫາກວ່າບັນດາກະຊວງ, ສຳນັກງານ ແລະ ອົງ ການຕ່າງໆທັງພາກລັດຍັງຕິດຄ່າບໍລິການປະຊາຊົນ
ແລະ ຮຽກເກັບການຊຳລະສະສາງເປັນເງິນ ຕາຕ່າງປະເທດແທນທີ່ຈະເປັນເງິນກີບ
ເນື່ອງຈາກວ່າມັນອາດສ້າງຄວາມສັບສົນໃຫ້ແກ່ສັງຄົມ ເຮັດໃຫ້ຄວາມເຊື່ອໝັ້ນໃນເງິນຕາແຫ່ງຊາດຫລຸດໜ້ອຍລົງແລະ
ຍິ່ງ ໄປກວ່ານັ້ນ ກໍເປັນເງື່ອນໄຂໃຫ້ພາກສ່ວນອື່ນຖືເປັນແບບຢ່າງຫັນມານຳໃຊ້ສະກຸນເງິນທີ່ບໍ່ແມ່ນຂອງຊາດລາວຫລາຍຂຶ້ນ.
ຫລາຍທ່ານຄົງຈະຮູ້ສຶກໜັກໃຈບໍ່ໜ້ອຍທີ່ລາຍຮັບຂອງຄອບຄົວ
ບໍ່ວ່າເງິນເດືອນ, ຄ່າແຮງງານ ແລະ ຜົນກຳໄລຈາກການດຳເນີນທຸລະກິດລ້ວນແຕ່ແມ່ນເງິນກີບ,
ແຕ່ພໍມີເງິນສະສົມພຽງພໍເພື່ອຈະຊື້ດິນ, ເຮືອນ ຫລື ພາຫະນະ ກໍບໍ່ຮູ້ວ່າຈະຊອກຊື້
ຊອກຂາຍເງິນຕາຕ່າງປະເທດຄືແນວໃດ. ບໍ່ສະເພາະປະຊາຊົນລາວທີ່ປະສົບກັບບັນຫາດັ່ງກ່າວ,
ນັກທ່ອງທ່ຽວຊາວຕ່າງປະເທດກໍຕ້ອງຮູ້ສຶກງົງເຊັ່ນດຽວກັນ ເມື່ອຕ້ອງຖືກຮຽກເກັບຄ່າບໍລິການເປັນເງິນຕາ
ທັງທີ່ມີເງິນກີບຢູ່ໃນມື ກໍບໍ່ສາມາດຈ່າຍໄດ້ ເພາະພະ ນັກງານບໍລິການຈຳນວນໜຶ່ງມັກຈະບໍ່ຮັບເງິນກີບ
ເພາະຄ່າບໍລິ ການໄດ້ຖືກຕັ້ງເປັນເງິນຕາຢູ່ ແລ້ວ.
ໃນໄລຍະທີ່ທະນາຄານແຫ່ງ ສປປ ລາວ ມີຄວາມເຂັ້ມງວດໃນການຊື້-ຂາຍເງິນຕາຂອງທະນາ
ຄານທຸລະກິດຕ່າງໆທີ່ດຳເນີນກິດ ຈະການໃນລາວ ມັນຍິ່ງມີຄວາມຈຳເປັນ ແລະ ເຖິງເວລາທີ່ອົງ
ການຈັດຕັ້ງ ແລະ ໜ່ວຍງານຕ່າງໆພາກລັດທີ່ເຮັດໜ້າທີ່ບໍລິ ການປະຊາຊົນຈະຫັນມາຕິດຄ່າບໍລິການ
ແລະ ຮຽກເກັບການຊຳ ລະສະສາງຕ່າງໆເປັນສະກຸນເງິນແຫ່ງຊາດທີ່ບັນພະບູລຸດ ແລະ
ບັນດານັກປະຕິວັດຜູ້ເສຍສະລະໄດ້ສ້າງໄວ້ ເພື່ອເປັນໜຶ່ງໃນສັນ ຍະລັກຂອງຄວາມເປັນຊາດລາວ
ແລະ ເປັນມໍລະດົກແຫ່ງຄວາມພາກພູມໃຈ ເຮັດໃຫ້ຄຸນຄ່າ ແລະ ສະຖຽນລະພາບຂອງເງິນກີບໄດ້ຮັບການຍົກສູງຂຶ້ນກວ່າເກົ່າ.
No comments:
Post a Comment