16 January 2013

6 ວຽກໃຫຍ່ທີ່ ສປປ ລາວ ຈະເລັ່ງປະຕິບັດພາຍຫລັງ ເຂົ້າ WTO



         ​ໃນ​ໂອກາດ​ທີ່​ທ່ານ ດຣ. ທອງ​ລຸນ ສີ​ສຸ​ລິດ ຮອງ​ນາ ຍົກລັດຖະມົນຕີ, ລັດຖະມົນຕີ​ວ່າການ​ກະຊວງ​ການ​ຕ່າງ ປະ​ເທດ ​ໄດ້​ໃຫ້​ກຽດ​ເຜີຍ​ແຜ່​ການ​ກະກຽມ ພາຍຫລັງ ສປປ ລາວ ​ໄດ້​ເຂົ້າ​ເປັນ​ສະມາຊິກ​ອົງການ​ການ​ຄ້າ​ໂລກ (WTO) ​ໃນ​ວັນ​ທີ 14 ມັງກອນ​ນີ້ ຢູ່​ສູນ​ການ​ຮ່ວມ​ມື​ສາກົນ ລາວ-ຍີ່ປຸ່ນ (ITCT) ນະຄອນ ຫລວງ​ວຽງ​ຈັນ ທ່ານ​ໄດ້​ເນັ້ນວ່າ: ​ແຜນ​ງານ​ສຳຄັນ​ພາຍຫລັງ​ການ​ເຂົ້າ​ເປັນ​ສະມາ ຊິກ​ອົງການ​ການ​ຄ້າ​ໂລກ​ແມ່ນ​ມີ 6 ວຽກ​ໃຫຍ່ ຄື​ການ​ປັບ ປຸງ​ນິຕິ​ກຳ, ພັດທະນາ​ກົງຈັກ​ລັດ, ພັດທະນາ​ໂຄງ​ລ່າງ​ພື້ນ ຖານ, ​ເສີມ​ສ້າງ​ຈິດ​ສຳນຶກ ​ແລະ ການ​ສ້າງ​ຄວາມ​ສາ ມາດ​ດ້ານ​ວິຊາ​ການ, ສ້າງ​ຄວາມ​ສາມາດ​ໃຫ້​ພາກສ່ວນ​ກ່ຽວຂ້ອງ ​ແລະ ຈັດຕັ້ງອົງການ​ຕາງໜ້າ ສປປ ລາວ ຢູ່​ອົງການ​ການ​ຄ້າ​ໂລກ.
    ທ່ານ​ຮອງ​ນາຍົກລັດຖະມົນຕີ ທອງ​ລຸນ ສີ​ສຸ​ລິດ ອະທິບາຍ​ວ່າ: ການ​ປັບປຸງ​ນິຕິ​ກຳ​ແມ່ນ​ສຸມ​ໃສ່ ການຈັດຕັ້ງ ປະຕິບັດ​ນິຕິ​ກຳ​ໃຫ້​ແທດເໝາະ​ກັບ​ພັນທະ​ສັນຍາ​ຂອງ ອຄລ ​ແລະ ຂໍ້​ຜູກ​ພັນ​ດ້ານ​ສິນຄ້າ ​ແລະ ດ້ານ​ການ​ບໍລິການ ​ເພື່ອອຳ ນວຍ​ຄວາມ​ສະດວກ​ຕໍ່​ການ​ຄ້າ ​ແລະ ​ເພີ່ມ​ທະວີ​ການ​ຜະລິດ​ພາຍ​ໃນ ກໍ​ຄື​ການ​ສ້າງ​ສິ່ງ​ແວດ​ລ້ອມ​ທີ່​ເອື້ອອຳນວຍ​ແກ່​ການ​ລົງທຶນ ​ເພື່ອ​ໃຫ້​ມີ​ການຈັດຕັ້ງປະຕິບັດ​ນິຕິ​ກຳ​ໃຫ້​ມີ​ປະສິດທິ​ຜົນ​ໃນ​ໄລຍະ​ຍາວ

ຫາລືຄວາມພ້ອມການເປັນເຈົ້າພາບກອງປະຊຸມທ່ອງທ່ຽວອາຊຽນຄັ້ງທີ 32



           ບັນດາອະນຸກຳມະການ ຈັດກອງປະຊຸມ ທ່ອງທ່ຽວອາຊຽນ (ATF) ເຂົ້າຮ່ວມກອງປະຊຸມໃນ ວັນທີ 15 ມັງກອນ 2012 ທີ່ກະຊວງຖະແຫລງ ຂ່າວ-ວັດທະນະທຳ ແລະ ທ່ອງທ່ຽວ ໂດຍ ພາຍໃຕ້ ການເປັນປະທານຂອງທ່ານ ສຈ. ດຣ. ບໍ່ແສງຄຳ ວົງດາລາ ລັດຖະມົນຕີວ່າການກະຊວງ ຖະແຫລງ ຂ່າວ, ວັດທະນະ ທຳ ແລະ ທ່ອງທ່ຽວ ເພື່ອປຶກສາ ຫາລື ແລະ ລາຍງານການກະ ກຽມຄວາມພ້ອມ ໃຫ້ແກ່ກອງປະຊຸມທ່ອງທ່ຽວອາ ຊຽນ ຄັ້ງທີ 32 ທີ່ ສ.ປ.ປ. ລາວ ເປັນເຈົ້າພາບຈັດຂຶ້ນແຕ່ວັນທີ 18-24 ມັງກອນ 2013 ທີ່ນະຄອນຫລວງວຽງ ຈັນ.
         ໃນກອງປະຊຸມ ບັນດາອະ ນຸກຳມະການຕ່າງໆ ໄດ້ລາຍງານ ການກະກຽມ ແລະ ຄວາມພ້ອມ ໃນການ ຈັດກອງປະຊຸມທ່ອງ ທ່ຽວອາຊຽນ ຄັ້ງທີ 32 ຊຶ່ງການ ກະກຽມໃນແຕ່ລະໜ້າ ວຽກນັ້ນ

ເຈົ້າຄອງ​ນະຄອນຫລວງ​ວຽງ​ຈັນ​ລົງ​ຕິດຕາມ​​ໂຄງການ​ພັດທະນາເມືອງ​ໃໝ່​ໜອງ​ປີງ



       ທ່ານ ສຸ​ກັນ ມະຫາລາດ ​ເຈົ້າ ຄອງ​ນະຄອນຫລວງ​ວຽງ​ຈັນ ພ້ອມ​ຄະນະ ​ໄດ້​ລົງ​ຕິດຕາມ​ເບິ່ງ​ໂຄງການ​ທີ່​ໄດ້​ຮັບ​ອະນຸມັດ​ສຳ​ປະ ທານ ​ແລະ ​ໂຄງການ​ທີ່​ໄດ້​ອະນຸ ມັດ​ເຊັນ​ບົດ​ບັນທຶກ​ຄວາມ​ເຂົ້າ​ໃຈ ​ເພື່ອ​ສຶກສາ​ຄວາມ​ເປັນ​ໄປ​ໄດ້​ສຳ ລັບການ​ສຳ​ປະທານ​ເນື້ອທີ່​ດິນ​ຢູ່​ເຂດ​ພັດທະນາ​ຄຸ້ມ​ເມືອງ​ໃໝ່ ​ເມືອງ​ຈັນທະ​ບູລີ ນະຄອນຫລວງ​ວຽງ​ຈັນ ​ໃນ​ວັນ​ທີ 15 ມັງກອນ​ນີ້.
     ​ໂຄງການ​ດັ່ງກ່າວ​​ເຊິ່ງມີ 5 ບໍລິສັດ ຈະ​ລົງທຶນ​ສ້າງ, ​ໃນ​ນັ້ນ 3 ບໍລິສັດ ​ແມ່ນ​ເອກະ​ຊົນ​ພາຍ​ໃນ ​ແລະ 2 ບໍລິສັດ ຈາກ ສປ ຈີນ​ ຄື​ສະ​ເພາະ​ສ່ວນ​ໜຶ່ງ​ແມ່ນ​ບໍລິສັດ​ໄຮ​ຊິງ​ອິນ​ເວສ​ເມັນ ​ແລະ ການ​ພັດ ທະນາ​ລາວ​ຈຳກັດ ​ແລະ ບໍລິສັດ​ເອ​ເຊຍ​ລົງທຶນ ​ແລະ ບໍລິການ​ຈຳ ກັດ ຈະ​ພັດທະນາ​ເນື້ອທີ່​ປະມານ 100 ​ເຮັກຕາ, ມີ​ມູນ​ຄ່າ 50 ລ້ານ​ໂດ​ລາ​ສະຫະລັດ ​ເພື່ອ​ສ້າງ​ສູນ​ການ​ຄ້າ, ຄຸ້ມ​ບ້ານ​ທັນ​ສະ​ໄໝ, ​ໂຮງ​ແຮມ, ​ໂຮງຮຽນ, ​ໂຮງໝໍ, ​ເຂດ​ຂຽວ, ສູນ​ການ​ຄ້າ ​ແລະ ອື່ນໆ. ສ່ວນ​ທີ​ສອງ​ ມີ​ເນື້ອທີ່​ປະ ມານ 100 ​ເຮັກຕາ ແມ່ນ​ບໍລິສັດ​ພອນ​ສະຫວັນ​ກໍ່ສ້າງ​ຈຳ​ກັດ ຈະ​​ເປັນຜູ້ພັດທະນາ ​ໃນມູນ​ຄ່າ​ການ​ລົງທຶນ​ປະມານ 50 ລ້ານ​ໂດ​ລາ​ສະຫະລັດ ​ເພື່ອ​ສ້າງ​ເຂດ​ບໍລິການ​ເຊັ່ນ: ​ໂຮງ​ແຮມ, ສູນ​ບັນ​ເທີ​ງ, ຮ້ານ​ຄ້າ​ປອດ​ພາສີ, ​ເຂດ​ພັກຜ່ອນ,

ບໍລິສັດ ລັດວິສາຫະກິດລາວໂທລະຄົມ ອຸປະຖຳຄອມພິວເຕີ 2 ຊຸດ ແລະເຄື່ອງພິມ 1 ໜ່ວຍໃຫ້ວິທະຍາຄານ ໄກສອນ ພົມວິຫານ



     ບໍລິສັດ ລັດວິສາຫະກິດ ລາໂທລະຄົມ ອຸປະຖໍາ ຄອມພິວເຕີ 2 ຊຸດ ແລະ ເຄື່ອງພິມ 1 ໜ່ວຍ ໃຫ້ວິທະຍາ ຄານ ໄກສອນພົມ ວິຫານ     ໃນວັນທີ 15 ມັງກອນ ນີ້ທີ່ ຫ້ອງ ຮັບແຂກ ຄະນະຄູວິທະຍາຄານ ໄກສອນພົມ ວິຫານ ( ວປກ ) ລາວ ໂທລະຄົມ ໄດ້ມອບຄອມພິວເຕີ Note book ຈໍານວນ 1 ໜ່ວຍ ແລະ ຄອມພິວເຕີ ຕັ້ງໂຕະ ພ້ອມ ດ້ວຍ UPS ຈໍານວນ 1 ຊຸດ ແລະ ເຄື່ອງພິມ ຈໍານວນ 1 ໜ່ວຍ ໃຫ້ ຄະນະຄູວິທະຍາ ຄານ ດັ່ງກ່າວ ລວມ ມູນຄ່າ 9 ລ້ານກວ່າກີບ ໃຫ້ ກຽດມອບໂດຍ: ທ່ານ ຖາວອນ ສົມສະກຸນ ຫົວໜ້າພະແນກ ບໍລິ ຫານ ບໍລິສັດ ລັດວິສາຫະ ກິດ ລາວ ໂທລະຄົມ ແລະ ໃຫ້ກຽດຮັບ ແມ່ນ ທ່ານ ດຣ ພັທ. ພົມມີ ສິນທະ ວົງ ເລຂາ ໜ່ວຍພັກ ຄູເຫຼົ່າຮົບ     ( ວປກ ) ພ້ອມດ້ວຍພະນັກງານ ທັງ ສອງຝ່າຍເຂົ້າຮ່ວມ. ຈຸດປະ ສົງໃນການມອບໃນຄັ້ງນີ້ແມ່ນ ເພື່ອຮັບໃຊ້ເຂົ້າໃນການເຮັດວຽກ ງານການສຶກສາ ຢູ່ພາຍໃນວິທະ ຍາຄານ ໄກ ສອນພົມວິຫານ ເພື່ອ ໃຫ້ມີຄວາມສະດວກ ສະບາຍ ໃນ ການເຮັດວຽກງານວິທະຍາຄານດັ່ງກ່າວ.

ໂຄງການ​ໄຟຟ້າເທີນ-ຫີນ​ບູນກຽມ​ຍົກຍ້າຍ​ປະຊາຊົນ 1.000 ກວ່າ​ຄອບຄົວ ໄປ​ຢູ່​ບ່ອນ​ຈັດ​ສັນ​ໃໝ່



      ​ໂຄງການ​ໄຟຟ້າ​​ເທີນ-ຫີນ​ບູນ ພວມ​ວາງ​ແຜນ​ຍົກຍ້າຍ​ປະຊາຊົນ​ຈຳນວນ 13 ບ້ານ, 1.026 ຄອບ ຄົວໄປ​ຢູ່​ເຂດ​ຈັດ​ສັນ​ໃໝ່​ຂອງ​ໂຄງ ການ ຍ້ອນບັນດາ​ບ້ານ​ດັ່ງກ່າວ ອາ​ໄສ​ຢູ່​ແຄມ​ນ້ຳຫີນ​ບູນຕອນ​ກາງ ​ເຊິ່ງ​ເປັນ​ເຂດ​ທີ່​ອາດຈະ​ເກີດ​ຜົນ​ກະທົບ​ຈາກ​ນ້ຳຖ້ວມ​ໄດ້.
    ​ຜູ້​ຮັບຜິດຊອບໂຄງການ ​ໃຫ້​ຮູ້​ວ່າ: ​ແຜນການ​ຍົກຍ້າຍ​ປະຊາຊົນ​ຈຳນວນ​ດັ່ງກ່າວ​ຈະ​ເລີ່​ມ​ແຕ່​ປີ 2013 ​ແລະ ​ໃຫ້​ສຳ​ເລັດ​ໃນ​ປີ 2017 ​​ເຊິ່ງປັດຈຸບັນ ບໍລິສັດ​ໄດ້​ສຳ​ເລັດ​ການ​ກໍ່ສ້າງ​ລະບົບ​ພື້ນຖານ​ໂຄງ​ລ່າງ​ເຊັ່ນ: ຫົນທາງ, ​ໄຟຟ້າ, ນ້ຳ ປະປາ, ສ້າງ​ເຮືອນ, ​ໂຮງຮຽນ, ​ໂຮງໝໍ ​ແລະ ລະບົບ​ຊົນລະປະ ທານ​ເປັນ​ຈຳນວນ​ຫລາຍ​ແລ້ວ.
    ​​ເມື່ອ​ປີ 2009 ​ເປັນຕົ້ນມາ, ​ໂຄງ ການ​ໄດ້​ສຳ​ເລັດ​ການ​ຍົກຍ້າຍ​ປະ ຊາຊົນຈຳນວນ 598 ຄອບຄົວ ​ໃນ 13 ບ້ານ ​ຢູ່​ເຂດ​ອ່າງ​ເກັບ​ນ້ຳຍວງ ​ແລະ ສຳ​ເລັດ​ການ​ຍົກຍ້າຍ 11 ບ້ານ ​ໃນ​ເຂດ​ລຸ່ມ​ເຮືອນ​ຈັກ​ນ້ຳຫີນ​ບູນຕອນ​ເທິງ ປະມານ 598 ຄອບ ຄົວ.

ບໍລິສັດສະຢາມຄູໂບຕ້າມອບເສື້ອກັນໜາວ3000ຜືນໃຫ້ປະຊາຊົນ​ຜູ້​ທຸກ​ຍາກພື້ນທີສ່ຽງໄພໜາວ



         ວັນທີ 15 ມັງກອນນີ້ຢູ່ບໍລິ ສັດຕົວແທນຈຳໜ່າຍສະຢາມຄູຸ ໂບຕ້າ ບ້ານໜອງດ້ວງ ​ເມືອງ​ສີ​ໂຄດ​ຕະບອງນະຄອນຫຼວງວຽງ ຈັນໄດ້ຈັດພິທີມອບເສື້ອກັນໜາວ ຈຳນວນ3ພັນຜືນມູນຄ່າຫຼາຍກ່ວາ 7 ແສນບາດໃຫ້ກັບປະຊາຊົນທີ​ອາ​ໄສ​ຢູ່ເຂດທ້ອງຖິ່ນ​ເຂດ​ຫ່າງ​ໄກ​ສອກຫຼີກພື້ນທີສ່ຽງໄພໜາວ​ໃນ​ຂອບ​ເຂດ​ທົ່ວ​ປະ​ເທດ,ໃຫ້ກຽດ ມອບ ໃນພິທີໂດຍທ່ານບຸນນະວົງ ທະນາສິລິກຸນຜູ້ຈັດການຝ່າຍຂາຍ ຕ່າງປະ ເທດຂອງບໍລິສັດ ສະຢາມ ຄູໂບຕາຈຳກັດແລະເປັນຕົວແທນ ຮັບໂດຍທ່ານທອງວັນວິໄລເຮືອງ ຮອງຫົວ ໜ້າຄະນະພັດທະນາຊົນ ນະບົດແລະລືບລ້າງຄວາມທຸກ ຍາກຂັ້ນສູງ,​ໂດຍເສື້ອກັນໜາວຈຳນວນດັ່ງກ່າວແມ່ນ ະ ນຳໄປ ມອບໃຫ້ບັນດາ ປະຊາຊົນ​ຜູ້​ທຸກ​ຍາກພື້ນທີສ່ຽງໄພຄື:ແຂວງວຽງ ຈັນຈຳນວນ 1 ພັນຜືນ ແລະ ອີກພັນຜືນ ແມ່ນຈະນຳໄປມອບໃຫ້ ແຂວງ ຫຼວງພະບາງ, ອຸດົມໄຊ ແລະໄຊຍະບູລີ,ໃນພິທັງດັ່ງກ່າວ ທ່ານບຸນນະວົງທະ ນາສິລິກຸນໄດ້ ກ່າວວ່າ:ຄູໂບ ຕ້າມີຄວາມມຸງມັ້ນ ທີຈະຈັດກິດຈະກຳຊ່ວຍເຫຼືອ ແລະ ຕອບແທນສັງຄົມໃນ ຫຼາຍໆດ້ານ ເປັນຕົ້ນແມ່ນດ້ານການ ກະເສດ, ການສຶກສາ,ວັດທະນະທຳລວມ ໄປເຖິງການ​ຊ່ວຍ​ເຫຼືອ​ບັນ​ເທົາ​ທຸກ​ຈາກໄພພິບັດທາງທຳມະຊາດຕ່າງໆ.

ສົກປີ 2012-2013 ລັດຖະບານແບ່ງ ງົບຫລາຍກວ່າ 3 ພັນຕື້ກີບ ເພື່ອຍົກຄຸນນະພາບການສຶກສາຂອງລາວ



     ​ໃນ​ສົກ​ປີ 2012-2013, ລັດຖະບານ​ໄດ້​ຈັດ​ແບ່ງ​ງົບປະມານ ຈຳນວນ 3.484 ຕື້ກີບ ​ເທົ່າ​ກັບ 18,63% ຂອງ​ງົບປະມານ​ແຫ່ງ​ຊາດ ​ເພື່ອ​ສຸມ​ພັດທະ ນາ ​ແລະ ຍົກ​ສູງ​ຄຸນ​ນະພາ​ບ​ວຽກ​ງານ​ສຶກສາ ​ແລະ ກິລາຂອງ​ລາວ​ເຮົາ​ໃຫ້​ດີ​ຂຶ້ນກວ່າ​ເກົ່າ. ຂະນະ​ທີ່ກະຊວງ​ສຶກສາ ​ແລະ ກິລາ ​ເຫັນ​ວ່າ: ງົບປະມານ​ຈຳນວນ​ດັ່ງກ່າວ​ຍັງ​ບໍ່​ພຽງພໍ​ຕໍ່​ຄວາມ​ຕ້ອງການ​ຕົວ​ຈິງ​ຂອງ​ວຽກ​ງານ ​ເມື່ອ​ທຽບ​ໃສ່​ປະ​ເທດ​ໃກ້​ຄຽງ. ​ແຕ່​​ເຖິງ​ຢ່າງ​ໃດ​ກໍ​ຈະ​ໝູນ​ໃຊ້​​ໃຫ້​ເກີດ​ປະ​ໂຫຍ​ດສູງ​ສຸດ.
         ຕົວ​ເລກ​ດັ່ງກ່າວ​ໄດ້​ມີ​ການ​ເປີດ​ເຜີຍ​ໃນ​ກອງ​ປະຊຸມ​ຂອງ​ຄະ ນະ​ກຳມາ​ທິການ​ປະຕິ​ຮູບ​ການ​ສຶກສາ​ແຫ່ງ​ຊາດ ທີ່​​ໄດ້ຈັດ​ຂຶ້ນ​ເມື່ອ​ວັນ​ທີ 10-11 ມັງກອນ​ນີ້ ຢູ່​ສູນ​ເຝິກອົບຮົມ​ສາກົນ ລາວ-ຍີ່ປຸ່ນ (ITCT) ນະຄອນຫລວງ​ວຽງ​ຈັນ ​ໂດຍ​ການ​ເປັນ​ປະທານ​ຂອງ​ທ່ານ ດຣ. ພັນ​ຄຳ ວິພາ​ວັນ ລັດຖະມົນຕີ​ວ່າການ​ກະຊວງ​ສຶກສາ​ທິການ ​ແລະ ກິລາ.

ສື່ມວນຊົນແລກປ່ຽນຂໍ້ມູນຂ່າວສານຜ່ານລະບົບອິນເຕີເນັດຂອງສຳນັກຂ່າວສານປະເທດລາວ



         ຕອນເຊົ້າວັນທີ 15 ມັງກອນ 2013 ນີ້ ທີ່ສຳນັກຂ່າວສານປະ ເທດລາວ ໄດ້ຈັດຊຸດສຳມະນາ ກ່ຽວກັບການ ຮັບ-ສົ່ງຂໍ້ມູນຂ່າວ ສານ ຜ່ານລະບົບ ອິນເຕີແນັດ (FTP) ຂອງສຳນັກຂ່າວສານປະ ເທດ ລາວ ເຊິ່ງມີທ່ານ ເຂັມທອງ ຊານຸບານ ຮອງຜູ້ອຳນວຍການ ສຳນັກຂ່າວສານ ປະເທດລາວ, ຜູ້ຊີ້ນຳວຽກງານຂ່າວພາສາລາວ, ທ່ານ ສິນປັນຍາ ຣັດຕະນະວົງ ຮອງຜູ້ອຳນວຍການ ສຳນັກຂ່າວ ສານປະເທດລາວ, ຜູ້ຊີ້ນຳວຽກ ງານຂ່າວພາສາ ຕ່າງປະເທດ, ມີ ບັນດາ ຫົວໜ້າພະແນກ, ຮອງພະ ແນກ, ຫົວໜ້າບັນນາທິການ, ຮອງບັນນາທິການ ແລະ ນັກ ຂ່າວ ຈາກສື່ຕ່າງໆ ເຂົ້າຮ່ວມ.
          ທ່ານ ເຂັມທອງ ຊານຸບານ ກ່າວວ່າ: ການຈັດຊຸດສຳມະນາ ກ່ຽວກັບການ ຮັບ-ສົ່ງຂໍ້ມູນຂ່າວ ສານ ຜ່ານລະບົບ FTP ຄັ້ງນີ້ ແມ່ນເປັນຄັ້ງທີ 2 ແລະ ເຫັນວ່າມີຄວາມສຳຄັນຫຼາຍໃນການແລກປ່ຽນຂໍ້ມູນຂ່າວ ສານ ເພື່ອເຮັດ ໃຫ້ມີຄວາມສະດວກໃນການຕິຕໍ່ພົວພັນ, ການສະໜອງຂໍ້ມູນຂ່າວສານເຊິ່ງກັນ ແລະ ກັນ.

ການກໍ່ສ້າງເສັນທາງສວນມອນ- ດອນນົກຂຸ້ມ, ດົງສະຫວາດ-ສ້າງເຫວີຍ-ຈອມເພັດປະຕິບັດໄດ້ແລ້ວ 40%



          ການ​ກໍ່ສ້າງ​ເສັ້ນທາງ ​ສວນ​ມອນ-ດອນນົກ​ຂຸ້ມ-ດົງ​ສະຫວາດ- ສ້າງ​ເຫວີຍ-ຈອມ​ເພັດ ມີຄວາມ ຍາວ 8 ກິໂລແມັດ, ກວ້າງ 11 ແມັດ ປະຈຸບັນ ປະຕິບັດໄດ້ແລ້ວ 40% ແລະ ມີກຳນົດ​ການ​ກໍ່ສ້າງ 24 ເດືອນ, ມູນ ຄ່າ ການກໍ່ສ້າງ ທັງໝົດ 18 ລ້ານ ໂດລາສະຫະລັດ ຄາດວ່າຈະສຳ ເລັດ ໃນເດືອນ​ກໍ ລະກົດ 2013 ນີ້.
         ທ່ານ  ມານະຈິດ ຟອງສຸວັນ ປະທານບໍລິສັດເອເຊຍຮ່ວມພັດ ທະນາກໍ່ສ້າງ-ຂົວທາງ ແລະ ເຄ ຫາຈຳກັດ ໄດ້ໃຫ້ສຳພາດຕໍ່ ນັກ ຂ່າວປະເທດ ລາວ ໃນວັນທີ 14 ມັງກອນນີ້ວ່າ: ການ​ກໍ່ສ້າງ​ເສັ້ນ ທາງ​ສວນ​ມອນ-ດອນ ນົກ​ຂຸ້ມ-ດົງ​ສະຫວາດ-ສ້າງ​ເຫວີຍ-ຈອມ​ເພັດ​ ແມ່ນໄດ້ລົງມືກໍ່ສ້າງມາແຕ່ກາງ ເດືອນສິງຫາ 2011 ຜ່ານມາ, ປະ ຈຸບັນ ປະຕິບັດໄດ້ 40%, ໃນນີ້ ວຽກເບຕົງ ສຳເລັດແລ້ວ 2 ກິໂລ ແມັດ, ຄິດເປັນ 25%, ວຽກໜ້າດິນ 50%,

ການສ້າງເສັ້ນທາງນາແພງ-ວັງ ເຮືອ-ນ້ຳເລິກ ຄືບຫນ້າປະມານ 30%



    ຈາກການລົງຕິດຕາມກວດກາ ການທະລຸ ແລະ ຍົກລະດັບເສັ້ນ ທາງນາແພງ-ວັງເຮືອ-ນ້ຳເລິກ ແຕ່ເມືອງທຸລະ ຄົມ-ເມືອງຮົ່ມ ແຂວງວຽງຈັນ ຂອງທ່ານ ສົມ ມາດ ພົນເສນາ ລັດຖະມົນຕີວ່າ ການກະຊວງໂຍທາທິການ ແລະ ຂົນສົ່ງ, ທ່ານ ຄຳເມິງ ພົງທະດີ ເຈົ້າແຂວງວຽງຈັນ ແລະ ທ່ານ ພົນຈັດຕະວາ ສຸວອນ ເລືອງບຸນມີ ຫົວໜ້າກົມ ໃຫຍ່ເສນາທິການ ກອງທັບ ພ້ອມດ້ວຍຄະນະ ໃນ ວັນທີ 13 ມັງກອນນີ້ ໂດຍໄດ້ຮັບ ຟັງການລາຍງານຈາກທ່ານ ພຸດ ສະດຸ ອິນທະວົງ ປະທານກຸ່ມບໍລິ ສັດມາລີນີຈຳກັດ ໃນນາມຜູ້ຮັບ ເໝົາກໍ່ສ້າງ ໃຫ້ຮູ້ວ່າ: ການທະລຸ ແລະ ຍົກລະດັບເສັ້ນທາງນາ ແພງ-ວັງເຮືອ-ນ້ຳເລິກ ໄດ້ດຳ ເນີນມາແຕ່ປີ 2009 ເຊິ່ງແມ່ນ ແຂວງວຽງຈັນເປັນເຈົ້າຂອງ ໂຄງການ ແລະ ມາໃນປີ 2010 ໄດ້ຖືກໂອນໃຫ້ກະຊວງປ້ອງກັນ ປະເທດເປັນເຈົ້າຂອງໂຄງການ ເພາະເສັ້ນທາງ ດັ່ງກ່າວເປັນເສັ້ນ ທາງຍຸດທະສາດຮັບໃຊ້ເຂົ້າໃນ ວຽກງານ ປກຊ-ປກສ; ເສັ້ນທາງ ດັ່ງກ່າວມີຄວາມຍາວ 60 ກິໂລ ແມັດ, ມີມູນຄ່າກໍ່ສ້າງປະມານ 200 ຕື້ກວ່າກີບ, ໄລຍະການກໍ່ ສ້າງ 3 ປີໃຫ້ສຳເລັດ ໂດຍແມ່ນບໍ ລິສັດເປັນຜູ້ລົງ

ໂຮງຫມໍ 103 ກອງທັບ ສຳ​ເລັດ​ການຜ່າຕັດ​ຄໍຫນຽງ​ຍັກ



      ໃນຕົ້ນເດືອນມັງກອນປີ 2013 ໂຮງຫມໍ 103 ກອງທັບປະຊາຊົນລາວ ໄດ້ຮັບ ແລະ ປິ່ນປົວ ຄົນເຈັບກໍລະ ນີພິເສດຜູ້ຫນຶ່ງທີ່ຊື່ ວ່າ : ລຸງ ຝາແຢ້ຊົ່ງ ອຳພູ ອາຍຸ 53 ປີ, ປະຊາຊົນເຜ່ົາມົ້ງ ຢູ່ບ້ານພູ ກະທະ ເມື່ອງຮົ່ມ ແຂວງ ວຽງຈັນ   ໂດຍຜູ້ກ່ຽວເປັນພະຍາດຄໍໜຽງ  ໃຫຍ່ມາໄດ້ ຫລາຍສິບປີແລ້ວ ຫລື ສັບການແພດເອີ້ນວ່າ : “ ຄໍໜຽງ ຍັກ ( Giant goiter ).
       ໄລຍະຜ່ານມາຜູ້ກ່ຽວໄດ້ໄປ ກວດ ແລະ ປິ່ນປົວຢູ່ໂຮງຫມໍ ໃຫຍ່ຫລາຍແຫ່ງ ແຕ່ແພດຫມໍບໍ່ ກ້າ ຕັດສິນໃຈ ຜ່າຕັດໃຫ້ຍ້ອນມີຄວາມສ່ຽງສູງ, ຈຶ່ງຕັດສິນໃຈ ກັບບ້ານໄປຊອກປິ່ນປົວດ້ວຍຢາພື້ນເມືອງ ແລະ ອາໄສດ້ານໄສ ຍະສາດອື່ນໆ ແຕ່ກໍບໍ່ໄດ້ຮັບຜົນ, ກົງການຂ້າມຄໍໜຽງໃຫຍ່ຂຶ້ນເລື້ອຍໆ