7 February 2013

ທ່ານນາຍົກລັດຖະມົນຕີຕ້ອນຮັບປະທານຄະນະກຳມະການອະນຸລັກທຳມະຊາດຍີ່ປຸ່ນ



        ໃນ​ວັນ​ທີ 6 ກຸມພາ 2013 ຢູ່ຫ້ອງ​ວ່າ​ການ​ລັດຖະບານ, ທ່ານ ທອງ​ສິງ ທຳ​ມະ​ວົງ ນາຍົກລັດຖະມົນຕີ ແຫ່ງ ສາທາລະນະ​ລັດ ປະຊາທິປະ​ໄຕ ປະ ຊາຊົນລາວ ​ໄດ້​ໃຫ້​ກຽດ​ຕ້ອນຮັບ​ການ​ເຂົ້າ​ຢ້ຽມ​ຂ່ຳນັບ​ ຂອງທ່ານ ມາ​ຊາ​ໂຕ​ຊິ ຊາ​ໂຕ (Masatoshi SATO),ປະທານ​ຄະນະ​ກຳມະການ​ອະນຸລັກ​ທຳ​ມະ​ຊາດ kaeidanren ທັງ​ເປັນ​ປະທານ​ບໍລິສັດປະກັນ​ໄພ Sompo ​ແຫ່ງ​ປະ​ເທດ​ຍີ່ປຸ່ນພ້ອມ​ດ້ວຍຄະນະ. ​ໃນ​ໂອກາດ​ທີ່​ເດີນທາງ​ມາ​ຢ້ຽມ ຢາມ ​ແລະ ​ເຮັດ​ວຽກ​ຢູ່ ສປປ ລາວ ​ແຕ່​ວັນ​ທີ 2-7 ກຸມພາ 2013.
          ທ່ານ​ນາຍົກລັດຖະມົນຕີ​ ໄດ້​ສະ​ແດງ​ຄວາມ​ຍິນ​ດີ​ຕ້ອນຮັບ ​ແລະ ​ຕີ​ລາຄາ​ສູງ​ຕໍ່​ທ່ານ ມາ​ຊາ​ໂຕ​ຊິ ຊາ​ໂຕ ທີ່​ໄດ້​ນຳພາ​ຄະນະ​ເດີນທາງ​ມາ​ຢ້ຽມຢາມ ​ແລະ ​ເຮັດ​ວຽກ​ຢູ່ ສປປ ລາວ ​ໃນ​ຄັ້ງນີ້ ຊຶ່ງ​ເປັນ​ການ​ປະກອບສ່ວນ​ສຳຄັນ​ເຂົ້າ​ໃນ​ການ​ເພີ່ມ​ທະວີ​ການ​ພົວພັນ​ຮ່ວມ​ມື ລະຫວ່າງ​ ປະ​ເທດ ສປປ ລາວ ​ແລະ ຍີ່ປຸ່ນ ໃຫ້​ນັບ​ມື້ ກວ້າງຂວາງ ​ແລະ ແຕກ​ດອກ​ອອກ​ຜົນ​ຍິ່ງ​ໆຂຶ້ນ.
        ໃນ​ໂອກາດ​ດຽວ​ກັນ, ທ່ານ ມາ​ຊາ​ໂຕ​ຊິ ຊາ​ໂຕ ​ໄດ້​ຕ່າງ​ໜ້າ​ໃຫ້​ຄະນະ​ ສະ​ແດງ​ຄວາມ​ຂອບ​ອົກ​ຂອບ​ໃຈ​ ຕໍ່​ການ​ຕ້ອນຮັບ​ອັນ​ອົບ​ອຸ່ນ​ຂອງ ທ່ານນາຍົກລັດຖະມົນຕີ ທອງ​ສິງ ທຳ​ມະ​ວົງ ພ້ອມ​ທັງ​ແຈ້ງ​ໃຫ້​ຊາບ​ເຖິງ​ຈຸດປະສົງ​ຂອງ​ການ​ມາ​ຢ້ຽມຢາມ ​ແລະ ​ເຮັດ​ວຽກ​ຢູ່ ສປປ ລາວ ​ໃນ​ຄັ້ງນີ້.

ສະພາແຫ່ງຊາດໄດ້ຮັບລົດຖ່າຍທອດໂທລະພາບຈາກ ສ.ເກົາຫລີ



         ພິທີມອບ-ຮັບລົດຖ່າຍທອດ ໂທລະພາບ ແລະ ອຸປະກອນ ຕ່າງໆ ​ເພື່ອຮັບໃຊ້ການຖ່າຍ​ທອດ​ສົດ​ເຫດການ​ສຳຄັນ​ຕ່າງ​ໆຈາກ ລັດຖະບານ ສ ເກົາຫລີ ໃຫ້ແກ່ ຫ້ອງວ່າການສະພາແຫ່ງຊາດ ລາວ ມູນຄ່າ 1 ລ້ານກວ່າໂດລາ ຊຶ່ງເປັນທຶນຊ່ວຍເຫຼືອລ້າທີ່ຄະນະ ບໍລິຫານງານໂທລະພາບ ລັດຖະ ບານ ສ ເກົາຫລີ ໃຫ້ການຊ່ວຍ ເຫຼືອ ໄດ້ມີຂຶ້ນ ໃນວັນທີ 6 ກຸມພາ ນີ້ ຢູ່ນະຄອນຫລວງ​ວຽງ​ຈັນ ລະ ຫວ່າງ ທ່ານ ດຣ ອຸ່ນແກ້ວ ວຸດທິລາດ ຫົວໜ້າຫ້ອງວ່າການສະພາ ແຫ່ງຊາດ ແລະ ທ່ານ ສຈ ດຣ ກິມ ກວານ ຊາງ ປະທານຄະນະ ກຳມາ ທິການບໍລິຫານໂທລະພາບ ລັດຖະບານ ສ. ເກົາຫລີ ໂດຍ ການ​​ໃຫ້​ກຽດເຂົ້າຮ່ວມຂອງ ທ່ານ ສົມພັນ ແພງຄ ຳມີ ຮອງປະທານ ສະພາແຫ່ງຊາດ ​ແລະ ທ່ານ ນາງ ບຸນເພັງ ມູນໂພໄຊ ສະມາ ຊິກສະພາແຫ່ງຊາດ, ລັດຖະ ມົນ ຕີປະຈຳຫ້ອງວ່າການລັດຖະ ບານເຂົ້າຮ່ວມນຳ​ດ້ວຍ.

ລາວ​ເຂົ້າ​ເປັນ​ສະມາຊິກອົງການ​ການ​ຄ້າ​ໂລກ​ຈະ​ດຶງ​ດູດ​ການ​ລົງທຶນເຂົ້າປະ​ເທດ​ຫລາຍ​ຂຶ້ນ



      ຕາມ​ຂ່າວ​ໜັງສືພິມ​ລຽນ​ເຫີ​ຈາວ​ປ້າວ ຂອງ​ສິງກະ​ໂປ ອອກ​ຂ່າວ​ວ່າ: ​ໃນ​ຖານະ​ເປັນ​ສະມາຊິກ​ຂອງ​ອົງການ​ການ​ຄ້າ​ໂລກ​ຂອງ​ລາວ​ໄດ້​ມີ​ຜົນ​ບັງຄັບ​ໃຊ້​ໃນ​ວັນ​ທີ 2 ກຸມພາ​ນີ້ ​ແລະ ລາວ​ກໍ​ໄດ້​ກາຍ​ເປັນ​ສະມາຊິກ​ອົງການ​ການ​ຄ້າ​ໂລກ​ຖາວອນ​ທີ 158 ຢ່າງ​ເປັນ​ທາງ​ການ.
    ຕາມ​ການ​ວິ​ເຄາະ, ການ​ພັດທະນາ​ຕະຫລາດ​ສຳຄັນ​ທີ່​ລາວ​ໃຫ້​ຄຳ​ໝັ້ນສັນຍາ​ຕໍ່​ອົງການ​ການ​ຄ້າ​ໂລກ ລວມທັງ​ຈຳກັດ​ອັດຕາ​ພາສີ​ທີ່​ປະຕິບັດ​ໃນ​ປັດຈຸບັນ, ອັດຕາ​ພາສີ​ສະ​ເລ່ຍຂອງ​ສິນຄ້າ​ນຳ​ເຂົ້າ ທັງ​ໝົດ​ບໍ່​ຫລາຍ​ກວ່າ 18,8% ​ແລະ ​ເປີດ 10 ຂົງ​ເຂດ​ຂະ​ແໜງ​ການ​ບໍລິການ, ປົກ​ປ້ອງ​ເຖິງ 79 ຂະ​ແໜງ​ການ​ຍ່ອຍ, ອະນຸມັດ​ໃຫ້​ວິ​ສາ​ຫະກິດ​ຕ່າງປະ​ເທດ​ເຂົ້າຮ່ວມ​ການ​ພັດທະນາ​ເສດຖະກິດ​ຂອງ​ລາວ. ພ້ອມ​ກັນນັ້ນ ພາຍຫລັງ​ລາວ​ເປີດ​ຕະຫລາດ​ແລ້ວ, ການ​ແຂ່ງຂັນ​ດ້ານ​ການ​ລົງທຶນ​ຢູ່​ລາວ​ຂອງ​ບັນດາ​ປະ​ເທດ​ອ້ອມ​ຂ້າງ​ກໍ​ຈະ​ເພີ່ມ​ຂຶ້ນ​ເຊັ່ນ: ຫວຽດ ນາມ, ຈີນ ​ແລະ ​ໄທ ຈະ​ແມ່ນ​ຄູ່​ແຂ່ງຂັນ​ສຳ ຄັນ​ດ້ານ​ການລົງທຶນ​ຢູ່​ລາວ.
     ນັກວິ​ເຄາະ​ທີ່​ກ່ຽວຂ້ອງ​ເຫັນ​ວ່າ: ນີ້ບໍ່​ພຽງ​ແຕ່​ສາມາດ​ເພີ່ມ​ທະວີ​ບົດບາດ​ຂອງອາ​ຊຽນ​ໃນ​ລະບົບ​ການ​ຄ້າ​ໂລກ ທັງ​ແມ່ນ​ບາດກ້າວ​ສຳຄັນ​ໜຶ່ງ​ໃນ​ການ​ພັດ ທະນາ​ຂອງ​ລາວ. ລາວ​ຕ້ອງ​ປັບ ປຸງ​ນະ​ໂຍບາຍ ​ແລະ ອົງການ​ທີ່​ກ່ຽວ​ພັນ​ກັບ​ການ​ຄ້າ ​ແລະ ການ​ລົງທຶນ ​ເພື່ອ​ສອດຄ່ອງ​ກັບ​ຄວາມ​ຕ້ອງການ​ຂອງ​ຂໍ້​ກຳນົດ​ຂອງ​ອົງ ການ​ການ​ຄ້າ​ໂລກ ​ແລະ ສ້າງ​ເງື່ອນ​ໄຂ​ເພື່ອ​ອຳນວຍ​ຄວາມ​ສະດວກ​ໃຫ້​ແກ່​ນັກ​ລົງທຶນ​ຕ່າງປະ​ເທດ​ທີ່​ຈະ​ເຂົ້າມາ​ດຳ​ເນີນ​ການ​ຄ້າ ​ແລະ ການ​ລົງທຶນ​ຢູ່​ລາວ​ໃນ​ອະນາຄົດ.

ຕຳ​ຫລວດສາມາດມ້າງ​ແກ໊ງຄ້າຂາຍ​ຢາ​ເສບ​ຕິດລາຍ​ໃຫຍ່



      ຫ້ອງ​ຕຳຫລວດກອງ​ບັນຊາ​ການ ປກສ ນະຄອນຫລວງ​ວຽງ​ຈັນ ​ໃຫ້​ຮູ້​ວ່າ: ​ໃນ​ອາທິດ​ຜ່ານ​ມາ, ​ເຈົ້າໜ້າ​ທີ່​ສະກັດ​ກັ້ນ ​ແລະ ປາບ​ປາມ​ຢາ​ເສບ​ຕິດ​ໄດ້​ນຳ​ກຳລັງ​ເຂົ້າຈັບ​ກຸມ​​ແກ໊ງມົ້ວສຸມ ​ແລະ ຄ້າ ຂາຍ​ຢາ​ເສບ​ຕິດ​ທີ່​ເປັນ​ເປົ້າໝາຍ​ອັນຕະລາຍໃນ​ຂອບ​ເຂດ​ນະຄອນ ຫລວງ​ວຽງ​ຈັນ ​ເຊິ່ງສາມາດ​ຈັບ​ຜູ້​ຕ້ອງ​ຫາ​ໄດ້​ຫລາຍ​ຄົນ ​ພ້ອມ​ຂອງ ກາງ​ເປັນຢາ​ບ້າ​ຫລາຍ​ພັນ​ເມັດ  ​ແລະ ອຸປະກອນ​ການ​ຜະລິດຈຳ ນວນ​ໜຶ່ງ ຄື​ໃນ​ວັນ​ທີ 30 ມັງກອນ ຜ່ານ​ມາ,​ເຈົ້າໜ້າ​ທີ່​ໄດ້​ກັກ​​ທ້າວ ກູ​ປະ​ສິດ ​ໄຊ​ຍະ​ສິດ ອາຍຸ 37 ປີ, ນາງ ສຸ​ມົນທຽນ ບຸດຕະລາສີ ອາ ຍຸ 27 ປີ ຢູ່​ບ້ານ​ໜອງ​ດ້ວງ ​ເມືອງ​ສີ​ໂຄດ​ຕະບອງ ນະຄອນຫລວງ​ວຽງ​ຈັນ ພ້ອມ​ຢາ​ບ້າ 7.000 ​ເມັດ, ຈັບ​ກຸມ​ທ້າວ ຊາຍ ​ໄຊ​ສົງຄາມ ອາຍຸ 22 ປີ ​ແລະ ນາງ ​ເຈນ​ນີວື ອາຍຸ 22 ປີ (ທັງ​ສອງ​ເປັນ​ຜົວ​ເມຍ​ກັນ) ຢູ່​ບ້ານ​ຫລັກ 52 ​ເມືອງ​ໂພນ​ໂຮງ ​ແຂວງ​ວຽງ​ຈັນ ພ້ອມ​ຂອງ​ກາງ​ຢ້າບ້າ 22 ພັນ​ເມັດ. ນອກ ຈາກ​ນີ້,ເຈົ້າໜ້າ​ທີ່​ຍັງ​ໄດ້​ສືບສວນ​ຜູ້​ຕ້ອງ​ຫາ​ທີ່​ຖືກ​ຈັບ​ກຸມ​ດັ່ງກ່າວ ​ເພື່ອ​ຂະຫຍາຍ​ຜົນ​  ​ແລະ ​ມື້ຕໍ່​ມາ​ຈຶ່ງ​ໄດ້​ລົງ​ກວດຄົ້ນ​ເຮືອນ​ຜູ້​ຕ້ອງ​ຫາ ຄື​ທ້າວ ຊາຍ ​ໄຊ​ສົງຄາມ ຢູ່​ບ້ານ​ຫລັກ 52 ​ເມືອງ​ໂພນ​ໂຮງ ​ແຂວງ​ວຽງ​ຈັນ ຈຶ່ງ​ພົບ​ເຫັນ​ຢາ​ບ້າ​ຕື່ມ​ຈຳນວນ​ໜຶ່ງ ​ແລະ ​ເຄື່ອງປ້ຳ ຢາບ້າ 1 ​ເຄື່ອງ ​ແລະ ກວດຄົ້ນ​ເຮືອນ​ຂອງ​ນາງ ສຸ​ມົນທຽນ ຢູ່​ບ້ານ​ໜອງ​ດ້ວງ ​ພົບ​ຢາ​ບ້າ​ຕື່ມ​ຈຳນວນ 12.400 ​ເມັດ ​ແລະ ຢາ​ໄອ​ຈຳນວນ 1 ຖົງ. ນອກຈາກ​ນີ້ ​ເຈົ້າໜ້າ​ທີ່​ໄດ້​ກັກ​ນາງ ພູ​ຄຳ ວົງ​ພະຈັນ ອາຍຸ 25 ປີ ຢູ່​ບ້ານ​ທາດຫລວງ​ໃຕ້ ​ເມືອງ​ໄຊ​ເສດ​ຖາ ນະຄອນຫລວງ​ວຽງ​ຈັນ ພ້ອມ​ຂອງ​ກາງ​ຢາ​ບ້າ 500 ​ເມັດ ​ໂດຍ​ຜູ້​ຕ້ອງ​ຫາ​ທັງ​ໝົດ​ແມ່ນ​ເຈົ້າໜ້າ​ທີ່​ຈະ​ໄດ້​ສົ່ງ​ສຳນວນ​ຄະດີໃຫ້​ໄອ​ຍະ​ການ ​ເພື່ອ​ດຳ​ເນີນ​ຄະດີ​ຕາມ​ລະ ບຽບ​ກົດໝາຍ​ຕໍ່​ໄປ.

ໄວ​ໜຸ່ມ​ກັບ​ຄວາມ​ຫຼົງ​ໄຫຼ ແລະ ຄວາມ​ເຂົ້າ​ໃຈ​​ຜິດໃນ​ວັນ​ແຫ່ງ​ຄວາມ​ຮັກ

         ​ວັນ​ 14 ກຸມ​ພາ ​​ເຊິ່ງຜ່ານ​ມານີ້ ຊາວ​ໜຸ່ມ​ລາວ​ຈຳນວນ​ໜຶ່ງ​ກໍ​ເຫີ່ກັບ​ວັນ​ດັ່ງກ່າວ ​ເຊິ່ງພວກ​ເຂົາ​ເອີ້ນວ່າ: ວັນ​ແຫ່ງ​ຄວາມ​ຮັກ ​ແລະ ຄິດ​ວ່າ​ເປັນ​ວັນ​ສຳຄັນ​ທີ່ສຸດ ຂອງຄວາມຮັກ.ຕໍ່ບັນຫາດັ່ງ ກ່າວ,ທ່ານນາງ ດາໄລວັນ ແກ້ວ ນະຄອນ ຫົວໜ້າສູນສຸຂະພາບ ແລະ ພັດທະນາໄວໜຸ່ມໄດ້ອະທິ ບາຍຕໍ່ນັກຂ່າວໜັງສືພິມລາວພັດ ທະ ນາຂອງພວກເຮົາວ່າ:ບໍ່ຢາກໃຫ້ທຸກຄົນເຂົ້າໃຈຜິດ ແລະ ຫຼົງໄຫຼຕໍ່ວັນທີ 14 ກຸມພາຫຼາຍຈົນ ເກີນໄປໂດຍສະ ເພາະແມ່ນໄວໜຸ່ມ. ສຳລັບວັນແຫ່ງ ຄວມຮັກໃນເມື່ອກ່ອນຢູປະເທດລາວຂອງພວກເຮົາແມ່ນບໍ່ມີ, ວັນແຫ່ງ ຄວາມຮັກເຂົ້າມາລາວ ຂອງພວກເຮົາໄດ້ປະມານ 10 ປີ ທີ່​ນຳ​ມາປະຕິບັດຕາມຕ່າງປະເທດ​ເອີຣົບ. ໃນເມື່ອກ່ອນວັນແຫ່ງ ຄວາມຮັກບໍ່ໄດ້ນຳມາປະຕິບັດຄືປັດຈຸບັນ,​ ເຊັ່ນພໍຮອດວັນດັ່ງກ່າວກໍຈະມີການຊື້ດອກໄມ້, ຂອງ ຂວັນໃຫ້ເຊິ່ງກັນແລະກັນ, ຊວນກັນໄປຫຼິ້ນໄປທ່ຽວ, ມີການສະຫຼອງດື່ມເຫຼົ້າເມົາສຸລາເປັນຕົ້ນ ແລະການສະ ແດງຄວາມຮັກສ່ວນຫຼາຍກໍຈະເປັນລັກສະນະຊູ້ສາວ​ຫລາຍ​ກວ່າ, ສ່ວນການສະແດງ ຄວາມຮັກຕໍ່ພໍ່ແມ່, ອ້າຍ ນ້ອງແລະ ຄູບາອາຈານແບບເມື່ອກ່ອນສ່ວນ​ໜຶ່ງແມ່ນຖືກລືມໄປແລ້ວແລະໃນ ອິກບໍ່ທໍ່ໃດມີ້ຂ້າງໜ້າກໍຈະແມ່ນ ວັນແຫ່ງຄວາມຮັກຫຼາຍໆຄົນບໍ່ວ່າຈະຢູ່ບ່ອນໃດ,ແຂວງໃດສ່ວນຫຼາຍກໍຈະມີການກະກຽມນັດຄູ່ຮັກ ແລະ ຄິດ

ເອກອັກຄະລັດຖະທູດແຫ່ງ ສປປ ລາວ ປະ​ຈໍາ​ປະ​ເທດ​ ໄທອວຍພອນ​ປີ​ໃໝ່​ເອກ​ອັກຄະ​ລັດຖະທູດສສ.ຫວຽດນາມ



          ໃນວັນທີ 5 ກຸມພານີ້, ທ່ານ ຫລີ ບຸນຄໍ້າ, ເອກອັກຄະລັດຖະທູດແຫ່ງ ສປປ ລາວ ປະຈໍາລາຊະ ອານາ ຈັກໄທ ພ້ອມດ້ວຍພະນັກງານສະຖານທູດລາວ ໄດ້ເຂົ້າອວຍພອນ ທ່ານ ໂງດຶກຖັງ, ເອກອັກ ຄະລັດຖະທູດແຫ່ງ ສສ. ຫວຽດນາມ ປະຈໍາລາຊະອານາຈັກໄທ ເນື່ອງໃນໂອກາດປີໃໝ່ຂອງປະຊາຊົນຫວຽດນາມ.
          ໂອກາດດັ່ງກ່າວ, ທ່ານເອກອັກຄະລັດຖະທູດລາວ ໄດ້ກ່າວຄໍາອວຍພອນປີໃໝ່, ສົ່ງຄໍາອວຍພອນໄຊອັນ ປະເສີດແດ່ຜູ້ນໍາພັກ-ລັດ ເວົ້າລວມ, ເວົ້າສະເພາະ ທ່ານເອກອັກຄະລັດຖະທູດຫວຽດນາມ ພ້ອມດ້ວຍພະນັກງານ ຈົ່ງມີແຕ່ຄວາມສຸກໂຊກດີປະສົບຜົນສໍາເລັດໃນໜ້າທີ່ວຽກງານ, ນໍາພາປະເທດ ຫວຽດນາມ ກ້າວສູ່ຄວາມສໍາເລັດໃນທຸກດ້ານ, ອວຍພອນໃຫ້ສາຍພົວພັນແບບພິເສດ ແລະ ການຮ່ວມ ມືຮອບດ້ານລະຫວ່າງລາວ-ຫວຽດນາມ ຈົ່ງຈະເລີນງອກງາມຍິ່ງໆຂຶ້ນ.

ເກີດອີກແລ້ວອຸປະຕິເຫດຢູ່ຂົວດອນແດງ ມີຜູ້ເສຍຊີວິດໜຶ່ງຄົນ



           ເສັ້ນທາງຂົວດອນແດງ ເມືອງຈັນທະບູລີ ຍັງມີອາຖັນ ແລະ ມັກເກີດອຸປະ ຕິເຫດຂຶ້ນ​ເລື້ອຍໆຄື​ຫລ້າສຸດ ເມື່ອບໍ່ດົນ ານີ້ ກໍໄດ້ເກີດອຸປະຕິເຫດຢູ່ ບ່ອນດັ່ງກ່າວ ຊຶ່ງເຮັດໃຫ້ມີຜູ້ເສຍຊີວິດຄາທີ່ໜຶ່ງຄົນ.
         ເຈົ້າໜ້າທີ່ຈະລາຈອນ ນະຄອນຫຼວງວຽງຈັນໃຫ້ຮູ້ວ່າ: ໃນ ຄ່ຳຄືນ ວັນທີ 5 ກຸມພານີ້ ຢູ່ເສັ້ນ ທາງຂົວ ດອນແດງ ເມືອງຈັນທະບູລີ ນະຄອນຫຼວງວຽງຈັນ ໄດ້ເກີດອຸປະຕິເຫດລົດເກັງໝາຍ ເລກທະບຽນ ກຄ 2188 ຂັບຂີ່ ໂດຍທ້າວ ສີສຸກ ທອງປະສາ ອາຍຸ 36 ປີ ຢູ່ບ້ານໜອງດ້ວງ ເມືອງ ຈັນທະບູລີ ນະຄອນຫຼວງ ວຽງຈັນ ຊຶ່ງຂັບຂີ່ລົດມາແຕ່ໂຮງກາຍະສິນມຸ່ງໜ້າໄປທາງບ້ານດອນແດງ. ພໍມາເຖິງຈຸດເກີດເຫດຢູ່ທາງໂຄ້ງຫົວຂົວ ດອນແດງໄດ້ເກີດອຸ ປະຕິເຫດຕຳກັບລົດຈັກໝາຍເລກທະບຽນ ຈຜ 4195 ຂັບ ຂີ່ໂດຍ ທ້າວ ຄຳເລ້ ອາຍຸ 25 ປີ ຢູ່ບ້ານໜອງທາໃຕ້ ເມືອງຈັນ ທະບູລີນະຄອນຫຼວງວຽງຈັນ  ຊຶ່ງອຸປະຕິເຫດດັ່ງກ່າວໄດ້ເຮັດໃຫ້ຜູ້ຂັບຂີ່ລົດຈັກເສຍຊີວິດຄາທີ່ໂດຍສາເຫດຂອງການເກີດອຸປະ ຕິເຫດ, ທາງເຈົ້າໜ້າທີ່ຍັງສືບສວນ-ສອບ ສວນ.

ສະພາບລັກລົດຍັງເພີ່ມຂຶ້ນ



           ສະພາບ​ລົດ​ເສຍ​ຢູ່​ຕົວ​ເມືອງ​ຕ່ງໆໃນ​ນະຄອນຫລວງ​ວຽງ​ຈັນ​ຍັງ​ມີ​ທ່າ​ອ່ຽງ​ເພີ່ມ​ຂຶ້ນ. ສະ​ເພາະ​ໜຶ່ງ​ອາທິດ​ຜ່ານ​ມາ ມີ​ລົດ​ເສຍ 10 ກວ່າ​ຄັນ​, ​ໃນ​ນັ້ນ ຢູ່​ມະຫາວິທະຍາ​ໄລ​ແຫ່ງ​ຊາດ​ເສຍ​ຫລາຍ​ກວ່າ​ໝູ່.
      ກອງ​ບັນຊາ​ການ ປກສ ນະຄອນ ຫລວງ​ວຽງ​ຈັນ ລາຍ​ງານ​ໃຫ້​ຮູ້​ວ່າ: ສະພາບ​ການ​ລັກ​ລົດ​ແມ່ນ​ປາກົດການ​ຫຍໍ້​ທໍ້​ທາງ​ສັງຄົມ​ໜຶ່ງ​ທີ່​ເຫັນ​ວ່າ​ມີ​ທ່າ​ອ່ຽງ​ເພີ່ມ​ຂຶ້ນ ​ຄື​ໃນ​ອາທິດ​ຜ່ານ​ມາ​ເຈົ້າໜ້າ​ທີ່​ໄດ້​ຮັບ​ແຈ້ງ​ຈາກ​​ເຈົ້າຂອງ​ລົດ​ຜູ້​ເສຍ​ຫາຍ​ຫລາຍ​ເຖິງ 12 ກໍລະນີ ຄື​ລົດຈັກ​ເສຍ​ຢູ່​ມະຫາວິທະຍາ​ໄລ​ແຫ່ງ​ຊາດ​ມີ 5 ກໍລະນີ, ລົດຈັກ​ເສຍ​ຢູ່ເຂດ​ບ້ານ​ດົງ​ໝ້ຽງ, ​​ບ້ານ​ໂພນ​ສະຫວາດ, ຮ້ານ​ອາ ຫານ​ພາ​ເຂົ້າລາວ, ຢູ່​ເຂດ​ໜ້າ​ໂຮງ​ແຮມ​ລ້ານ​ຊ້າງ ​ແລະ ລົດ​ກະບະ​ຮຸນ​ໄດ​ເສຍ​ຫາຍ 2 ຄັນ ຢູ່​​ເຂດ​ບ້ານ​ໜອງ​ໄຮ ​ແລະ ຢູ່​ຮ້ານ​ອາ ຫານ​ຊົມ​ດາວ. ນອກຈາກ​ນີ້ ຍັງ​ມີ​ກໍລະນີ​ງັດ​ລົດ​ໂຕ​ໂຍຕາ​ແລນ​ກຣູ​ເຊີ​ຕື່ມ​ອີກ 1 ​ເຫດການ ຢູ່​​ບ້ານ​ສີ​ສັງວອນ ​ເມືອງ​ໄຊ​ເສດ​ຖາ ນະ ຄອນຫລວງ​ວຽງ​ຈັນ. ຈາກ​ສະ ພາບ​ຄື​ດັ່ງກ່າວ​ສະ​ແດງ​ໃຫ້​ເຫັນ​ວ່າ: ຢູ່​ 4 ຕົວ​ເມືອງ​ໃນນະຄອນ ຫລວງ​ວຽງ​ຈັນ ​ຍັງ​ເກີດ​ມີ​ຂຶ້ນ ຫລາຍ ​ແລະ ມັກ​ເກີດ​ຢູ່​​ເຂດ​ທີ່​ມີ​ຜູ້​ຄົນ​ຢູ່​ເປັນ​ຈຳນວນ​ຫລາຍ ​ແລະ ຍາກ​ຕໍ່​ການ​ຕິດຕາມ​ຂອງ​ເຈົ້າໜ້າ​ທີ່. ​ແນວ​ໃດ​ກໍ​ຕາມ ​ເພື່ອ​ສະກັດ​ກັ້ນ​ບັນຫາ​ດັ່ງກ່າວ​ຫລຸດ​ລົງ ຈຶ່ງ​ຮຽກຮ້ອງ​ໃຫ້​ເຈົ້າຂອງ​ລົດ​ທຸກ​ຄົນ​ຈົ່ງ​ມີ​ສະຕິ​ໃນ​ການ​ຈອດ​ລົດ​ຂອງ​ຕົນ​ໃນ​ທີ່​ມີ​ຄວາມ​ປອດ​ໄພ ​ແລະ ​ໃຫ້​ບຸກຄົນ​ໃນ​ສັງຄົມ​ຈົ່ງ​ຊ່ວຍ​​ເປັນ​ຫູ​ເປັນຕາ ພ້ອມ​ກັນ​ສະກັດ​ກັ້ນ ​ແລະ ປາບ​ປາມ​ກຸ່ມ​ຄົນ​ບໍ່​ດີ​ດັ່ງກ່າວ​ໃຫ້​ໝົດ​ໄປ.

ຫລວງນ້ຳທາຂະຫຍາຍເສັ້ນທາງ 4 ເລນສຳເລັດ 80%



            ແຫລ່ງຂ່າວຈາກແຂວງ ຫລວງນ້ຳທາລາຍງານໂດຍ ອ້າງຕາມການເປີດເຜີຍຂອງ ທ່ານ ອານຸສອນ ຈັນທະວິສິດ ຫົວໜ້າຂະແໜງຄຸ້ມຄອງທາງບົກ-ທາງນ້ຳ ພະແນກໂຍທາທິການ ແລະຂົນສົ່ງແຂວງ ຕົນໃນວັນທີ 4 ກຸມພານີ້ວ່າ:ເສັ້ນທາງ 4 ເລນແຕ່ ສາມແຍກ ປກສ ຫາສາມແຍກ ສະໝາມບິນນັ້ນມາ ຮອດປັດຈຸບັນ ການກໍ່ສ້າງສຳເລັດແລ້ວ 80% ຂອງໜ້າວຽກທັງໝົດ.
        ຜູ້ໃຫ້ຂ່າວລາຍງານຕື່ມວ່າ: ເສັ້ນ ທາງດັ່ງກ່າວໄດ້ຂະຫຍາຍ ໜ້າ ທາງອອກເບຶ້ອງລະ 3,5 ແມັດ, ຍົກ ລະດັບໜ້າທາງ ແລະ ປູຢາງ 2 ຊັ້ນ ໃນຄວາມຍາວ 5.500 ແມັດ ແລະມີມູນຄ່າກໍ່ສ້າງ 59 ຕື້ກີບໂດຍນຳ ໃຊ້ງົບປະມານ ຂອງລັດຖະບານ 100%. ແນວ ໃດກໍດີ,ບໍລິສັດຈະເລີນ ກໍ່ສ້າງຈຳ ກັດ ທີ່ຮັບເໜົານັ້ນໄດ້ລົງ ທຶນກ່ອນ 100% ແລະ ໄດ້ເລີ່ມກໍ່ສ້ງແຕ່ ວັນ ທີ 22 ເມສາ 2011 ເປັນຕົ້ນ ໂດຍ ຄາດວ່າການກໍ່ສ້າງຈະສຳ ເລັດ ກ່ອນບຸນປີໃໝ່ລາວ ພສ 2556 ທີ່ຈະມາເຖິງນິ້.  
       ຫົວໜ້າຂະແໜງດັ່ງກ່າວ ເປີດເຜີຍຕື່ມວ່າ:ແນວໃດກໍດີ,ເສັ້ນ ທາງຍ່ານໃດທີ່ມີນ້ຳອັ່ງຈະສືບຕໍ່ ສ້ອມ ແປງຄືນຕື່ມ ແລະ ຮຽກ ຮ້ອງໃຫ້ຜູ້ໃຊ້ລົດໃຊ້ຖະໜົນ ຈົ່ງ ລະມັດລະວັງຕໍ່ການສັນຈອນ ໄປ ມາແລະ ເປັນເຈົ້າ ການຮ່ວມກັນ ເພື່ອເຮັດໃຫ້ການ ສັນຈອນໄປມາ ສະດວກກວ່າເກົ່າ.