4 April 2013

ອົງການພະຍຸສັດສາກົນຊ່ວຍຢາປ້ອງກັນພະຍາດປາກເປື່ອຍລົງເລັບໃຫ້ແກ່ລາວ



          ພະຍາດປາກເປື່ອຍລົງເລັບເປັນພະຍາດທີ່ຮ້າຍແຮງເຊິ່ງໄດ້ສ້າງຄວາມ ເສຍ ຫາຍອັນໃຫຍ່ຫລວງຕໍ່ການຜະລິດສະ ບຽງອາຫານຂອງໂລກເວົ້າລວມ ເວົ້າສະເພາ ະຢູ່ ສປປ ລາວແມ່ນໄດ້ມີຜົນກະທົບອັນໃຫຍ່ຫລວງຕໍ່ການພັດທະນາການລ້ຽງ ສັດ ຊຶ່ງເປັນໜຶ່ງໃນລາຍຮັບຕົ້ນຕໍຂອງພໍ່ແມ່ປະຊາຊົນບັນດາເຜົ່າທີ່ໄດ້ແກ່ຍາວ ມາເປັນເວ ລາຫຼາຍສິບປີຍ້ອນເຫັນຄວາມສຳຄັນດັ່ງກ່າວ ໃນວັນທີ 2 ເມສາ 2013 ນີ້ຢູ່່ພະ ແນກກະສິກຳ ແລະ ປ່າໄມ້ ເມືອງມໍລະດົກໂລກຫລວງພະບາງ, ອົງການພະຍຸສັດສາ ກົນຈຶ່ງໄດ້ມອບຢາປ້ອງກັນພະຍາດປາກເປື່ອຍລົງເລັບໃຫ້ກະຊວງກະສິກຳ ແລະ ປ່າໄມ້ຂອງລາວ ໂດຍການໃຫ້ກຽດມອບ ຂອງທ່ານດຣ.ເດີກ ເອແກນ ຮອງຫົວໜ້າປະສານ ງານ ອົງການພະຍຸສັດສາກົນປະ ຈຳພາກພື້ນອາຊີຕາເວັນອອກ ສ່ຽງໃຕ້ ເຊິ່ງມີສຳນັກງານຕັ້ງ ຢູ່ບາງກອກ ປະເທດໄທ ແລະ ກ່າວຮັບເອົາໂດຍທ່ານ ດຣ ພວງ ປາຮິສັກ ປຣະວົງວຽງຄຳ ລັດຖະ ມົນຕີ ຊ່ວຍວ່າການກະຊວງກະສິ ກຳ ແລະ ປ່າໄມ້ ເຂົ້າຮ່ວມີທ່ານ ດຣ ບົວຄົງ ນາມມະວົງ ຮອງເຈົ້າ ແຂວງຫລວງພະບາງ, ທ່ານ ດຣ ບຸນຂວາງ ຄຳບຸນເຮືອງ ຫົວຫນ້າ ກົມລ້ຽງສັດ ແລະ ການປະມົງ, ພະນັກງານພະ ແນກກະສິກຳ ແລະ ປ່າໄມ້ແຂວງຫລວງພະ ບາງ ແລະ ແຂກຖືກເຊີນເຂົ້າ ຮ່ວມຢ່າງພ້ອມພຽງ.    

ເຈົ້າຄອງນະຄອນຫລວງວຽງຈັນອອກຄຳສັ່ງແນະນຳການ ຫລິ້ນບຸນປີໃຫມ່ລາວຕ້ອງຮັບປະກັນຄວາມສະຫງົບປອດໄພ ແລະ ວັດທະນະທຳອັນດີງາມຂອງຊາດ



     ​ເພື່ອ​ເຮັດ​ໃຫ້ການ​ສະ​ເຫລີ​ມ ສະຫລອງ​ບຸນປີ​ໃໝ່​ລາວ ພສ 2556 (ປີ​ມະ​ເສັງ) ​ເຊິ່ງ​ເປັນ​ບຸນ​ປະ​ເພນີ​ປະຈຳ​ຊາດ​ຂອງ ສປປ ລາວ ທີ່​ຈະ​ໝູນວຽນ​ມາ​ບັນຈົບ​ຄົບຮອບ​ອີກ​ວາລະ​ໜຶ່ງ ​ໃຫ້​ດຳ​ເນີນ​ໄປ​ດ້ວຍ​ບັນຍາກາດ​ເບີກ ບານ​ມ່ວນ​ຊື່ນ, ຮັກສາ​ໄດ້​ມູນ​ເຊື້ອ ວັດທະນະທຳ ​ແລະ ຮີດຄອງ​ປະ​ເພນີ​ອັນ​ດີງາມ​ທີ່​ເປັນ​ເອກະລັກ​ຂອງ​ຊາດ ຮັບປະກັນ​ຄວາມ​ສະຫງົບ​ສຸກ, ຄວາມ​ປອດ​ໄພ ຄວາມ​ເປັນ​ລະບຽບ​ຮຽບຮ້ອຍ ​ແລະ ສະອາດ​ຈົບ​ງາມ​ຂອງ​ຕົວ​ເມືອງ. ດັ່ງນັ້ນ ​ເມື່ອ​ມໍ່ມານີ້,​ ເຈົ້າຄອງ​ນະຄອນຫລວງ​ວຽງ​ຈັນ ຈຶ່ງ​ໄດ້​ອອກ​ຄຳ​ສັ່ງ​ແນະນຳ​ເຖິງ​ບັນດາ​​ເຈົ້າ​ເມືອງ,ຫົວໜ້າ​ກອງບັນຊາ​ການທະຫານ, ປກສ, ອົງການ​ຈັດຕັ້ງ ມະຫາຊົນ, ຫົວໜ້າ​ພະ​ແນ​ກການ, ຫົວໜ່ວຍ​ທຸລະ​ກິດ​ຕ່າງໆ ຕະ ຫລອດ​ຮອດ​ປະຊາຊົນ​ບັນດາ​ເຜົ່າ​ນະຄອນຫລວງ​ວຽງ​ຈັນ​ທຸກ​ທົ່ວ​ໜ້າໂດຍ​ມີ​ເນື້ອ​ໃນ​ສຳຄັນ​ວ່າ: ການສະ​ເຫລີ​ມສະຫລອງ​ບຸນປີ​ໃໝ່​ລາວ ພ.ສ 2556 ​ແມ່ນ​ໃຫ້​ດຳ​ເນີນ​ໄປ​ຄື​​ປີຜ່ານມາ, ​ເປັນ​ການ​ປົກ​ປັກ​ຮັກສາ, ສົ່ງ​ເສີມ​ວັດ ທະນະທຳ​ຮີດຄອງ​ປະ​ເພນີ​ອັນ​ດີ ງາມ​ຂອງ​ຊາດ,ຮັກສາ​ໄດ້​ມູນ​ເຊື້ອວັດທະນະທຳ​ອັນ​ດີງາມ​ທີ່​ເປັນ​ເອກະລັກ​ຂອງ​ຊາດ​ລາວ​ທີ່​ສືບ​ທອດ​ກັນ​ມາ​ດົນ​ນານ ທັງ​ເປັນ​ການ​ສະ​ຫລຸບ​ຍ້ອງຍໍ​ຜົນງານ​ດີ​ເດັ່ນຂອງ​ທ້ອງ​ຖິ່ນ,ກົມ​ກອງ ​ແລະ ຄອບຄົວ​ໃນ​

ສຳເລັດອັນຍິ່ງໃຫຍ່ຂອງການຮ່ວມມືຕ້ານຢາເສບຕິດລາວ-ຈີນ



       ພາຍຫລັງ​ຄະດີ​ແກ໊ງຄ້າຂາຍ​ຢາ​ເສບ​ຕິດ​ລາຍ​ໃຫຍ່​ທ້າວ ໜໍ່​ຄຳ ​ໄດ້​ສິ້ນສຸດ​ລົງ ​ໂດຍ​ການ​ປະສານ​ສົມທົບ​ຮ່ວມ​ໄມ້​ຮ່ວມ​ມື​ຢ່າງ​ສະໜິດ​ແໜ້ນ​ລະ ຫວ່າງ​ກຳລັງ​ປ້ອງ​ກັນ​ຄວາມ​ສະຫງົບ ລາວ-ຈີນ ສາມາດ​ຈັບ​ທ້າວ ໜໍ່​ຄຳ ພ້ອມ​ພັກ​ພວກ​ສົ່ງ​ໃຫ້​ສານ​ປະຊາ ຊົນ​ແຂວງ​ຢຸນນານ ສປ ຈີນ ຕັດສິນ​ປະ ຫານ​ຊີວິດ​ເຈົ້າພໍ່​ມາ​ເຟຍ ​ແລະ ພວກ​ສັງຫານ​ໂຫດ​ດັ່ງກ່າວ ​ແລະ ​ໃນ​ວັນ​ທີ 19 ມີນາ 2013 ຜ່ານ​ມານີ້ ກໍ​ໂດຍ​ການ​ຮ່ວມ​ມື​ຢ່າງ​ສະໜິດ​ແໜ້ນ​ຂອງ​ກຳລັງ​ປ້ອງ​ກັນ​ຄວາມ​ສະຫງົບລາວ-ຈີນ ສາມາດ​ຈັບ​ຂະ​ບວນ ການ​ຂົນ​ສົ່ງ​ຢາ​ເສບຕິດ​ລາຍ​ໃຫຍ່​ຢູ່​ຕາມ​ແມ່ນ້ຳຂອງ​ຕອນ​ເໜືອ​ຂອງ​ລາວ ​ເຊິ່ງມີ​ຜູ້​ຕ້ອງ​ຫາ​ເປັນ​ຊາວ​ຕ່າງ​ຊາດ​ຈຳນວນ 5 ຄົນ ​ແລະ ສາ ມາດ​ຍຶດຂອງ​ກາງ​ເປັນ​ຢາ​ບ້າ​ຈຳນວນ 20 ​ເປົາ ລວມມີ ນ້ຳໜັກ 579 ກິ​ໂລກຣາມ ​ໃນ​ເຮືອ​ຂົນ​ສົ່ງ​ສິນຄ້າ​ລຳ​ໜຶ່ງ​ຂອງ​ຈີນ​ຢູ່​ທີ່​ຫາດ​ປາ​ແລວ ​ເຂດ​ບ້ານ​ດອນ​ມຸມ ຂຶ້ນກັບ​ເມືອງ​ເມິງ ​ແຂວງ​ບໍ່​ແກ້ວ.
        ​ເຈົ້າໜ້າ​ທີ່​ສະກັດ​ກັ້ນ ​ແລະ ຕ້ານ​ຢາ​ເສບ​ຕິດ​ແຂວງ​ບໍ່​ແກ້ວ ​ໃຫ້​ຮູ້​ວ່າ: ​ໃນ​ມື້ນັ້ນ​ຈາກ​ການ​ປະ ສານ​ງານ​ລະຫວ່າງ​ທະຫານ​ປ້ອງ​ກັນຊາ​ຍ​ແດນ​ຂອງ​ລາວ​ທີ່​ປະຈຳ ການ​ຢູ່​ບ້ານ​ມອມ ​ເມືອງ​ຕົ້ນ​ເຜິ້ງ ​ແຂວງ​ບໍ່​ແກ້ວ ກັບ​ຕຳຫລວດ​ແຂວງ​ຢຸນນານ ສປ ຈີນ ​ໄດ້​ອອກ​ລາດຕະ​ເວນ​ຕາມ​ນ້ຳຂອງຂຶ້ນ​ເມືອ​ທາງ​ເໜືອ ​ເພື່ອ​ຕາມ​ຫາ​ເຮືອ​ຕ້ອງ​ສົງ​ໄສ​ຂົນ​ສົ່ງ​ຢາ​ເສບ​ຕິດ​ໜຶ່ງ ພໍ​ລາດຕະ​ເວນ​ຮອດ​ເຂດ​ບ້ານນ້ຳ ບັງ​ລະຫວ່າງ​​ກິ​ໂລ​ແມັດ​ທີ 24-25 ​ເບື້ອງຝັ່ງ​ລາວ​ແມ່ນ​ບ້ານ​ດອນ​ມຸມ ​ເມືອງ​ເມິງ ​ແລະ ​ເບື້ອງຝັ່ງ​ມຽນ ມາ​ແມ່ນ​ຫາດ​ປາ​ແລວ ກໍ​ໄດ້​ພົບ​ເຫັນ​ເຮືອ​ຂົນ​ສົ່ງ​ສິນຄ້າ​ທີ່​ຕ້ອງ​ສົງ​ໄສ​ດັ່ງກ່າວ. ​ເຮືອ​ລາດຕະ​ເວນ​ຂອງ​ກຳລັງ​ຮັກສາ​ຄວາມ​ສະ ຫງົບ​ຈຳນວນ 5 ລຳ ​ໄດ້​ເຂົ້າ ສະກັດ​ເຮືອ​ຕ້ອງ​ສົງ​ໄສ​ລຳ​ນັ້ນ ​ແລະ ກວດຄົ້ນພົບ​ເຫັນ​ຢາ​ເສບ​ຕິດ​ປະ​ເພດ​ຢາ​ບ້າ​ຈຳນວນ 20 ​ເປົາ ລວມມີນ້ຳໜັກ

ບີ​ລາຍເປີດ​ສູນ​ບໍ​ລິ​ການລູກ​ຄ້າແຫ່ງ​ໃໝ່​ຕື່ມອີກຢູ່ບ້ານອານຸ



     ບໍ​ລິ​ສັດ ວິມ​ແປວ​ຄອມ (ບີ​ລາຍ) ຍັງສືບຕໍ່ເປີດສູນບໍລິການແຫ່ງ ໃໝ່ໃນນະຄອນ ຫຼວງວຽງຈັນ ເພື່ອຮອງຮັບການບໍລິກາ ນລູກ ຄ້າທີ່ນັບມື້ນັບເພີ່ມຂຶ້ນເຊິ່ງເປັນ ແຫ່ງທີ 3 ທີ່ບີລາຍຂະຫາຍ ສູນບໍ ລິການຢູ່ນະຄອນຫຼວງວຽງ ຈັນ ພາຍໃນປີ 2013 ນີ້ ຫຼັງ ໄດ້ເປີດໃຫ້ການບໍລິການໄປແລ້ວສອງ ແຫ່ງຢູ່ບ້ານໜອງບອນ ແລະ ບ້ານ ຫັດສະດີ ເມື່ອບໍ່ດົນມານີ້ ພິທີເປີດສູນບໍລິການ ລູກຄ້າແຫ່ງ ໃໝ່ນີ້ມີຂຶ້ນໃນຕອນບ່າຍຂອງວັນ ທີ 3 ເມສາ 2013 ຢູ່ບ້ານ ອານຸ ເມືອງ ຈັນທະບູລີ ນະຄອນຫຼວງວຽງຈັນ ໂດຍ ການເປັນກຽດເຂົ້າ ຮ່ວມເປີດພິທີຂອງທ່ານ ເຢັດເຊີ ມາເຮີ ຜູ້ບໍລິຫານໃຫຍ່ບໍລິສັດ ວິມ ເປວຄອມລາວ,ທ່ານ ສີ​ລະ​ພົບ ສິ​ລິ​ໂຊກ ຫົວ​ໜ້າ​ຝ່າຍ​ບໍ​ລິ​ຫານບີ​ລາຍ ຕະຫຼອດ​ຮອດ​ພະ​ນັກ​ງານພາຍ​ໃນບໍລິສັດ​ບີ​ລາຍ ແລະ ແຂກ​ທີ່​ຖືກ​ເຊີນ​ເຂົ້າ​ຮ່ວມ.
          ຜູ້ຈັດການໃຫຍ່ບໍລິສັດ ບີ ລາຍ,ທ່ານ ເຢັດເຊີ ມາເຮີ ກ່າວ​ວ່າ: ​ປັດ​ຈຸ​ບັນ,ສູນ​ບໍ​ລິ​ການ​ລູກ​ຄ້າ​ຂອງ​ບີ​ລາຍ​ມີ​ທັງ​ໝົດ​ກວ່າ 38 ແຫ່ງ​ໃນຂອບ​ເຂດ​ທົ່ວ​ປະ​ເທດ ແລະ 20 ແຫ່ງສະເພາະໃນນະ ຄອນຫຼວງວຽງຈັນ.ສູນບໍລິການລູກຄ້າແຫ່ງໃໝ່ທີ່ເປີດ ຢູ່ ບ້ານອານຸນີ້ເປັນແຫ່ງທີ 3 ນັບແຕ່ເລີ່ມ ເຂົ້າສູ່ປີ 2013 ເປັນຕົ້ນມາ. ນອກນັ້ນ, ບໍລິສັດຍັງມີ​ແຜນທີ່​ຈະ​ຂ​ະ​ຫ​ຍາຍ​ເຄຶ່ອ​ຄາຍ ແລະ ສູນບໍ​ລິ​ການອີກຫຼາຍ​ແຫ່ງ​ໃນອະ​ນາ​ຄົດ ໂດຍ​ສະ​ເພາະ​ໃນ​ຂົງ​ເຂດ​ທີ່ມີ​​ເຄືອ​ຂ່າຍຄວບຄຸມແລ້ວ, ແຕ່ຍັງບໍ່ທັນມີສູນບໍລິກ ານລູກຄ້າເປັນຕົ້ນ ຢູ່ແຂວງ ຫຼວງນ້ຳທາ, ອຸດົມໄຊ, ອັດຕະປື ແລະ ເຊກອງ.

ຈະລາຈອນ ນະຄອນຫຼວງຄວບ​ຄຸມການ​ດື່ມ​ເຫຼົ້າ​ເມົາສະກັດ​ກັ້ນ​ເກີດ​ອຸປະຕິ​ເຫດ​ໄລຍະ​ບຸນປີ​ໃໝ່ລາວ



           ນັບ​ຖອຍຫຼັງກ້າວ​ເຂົ້າ​ສູ່​ການສະຫຼອງບຸນປີ​ໃໝ່ລາວ 2013 ເພື່ອສ້າງ​ບັນຍາ ກາດໃຫ້​ມີ​ຄວາມ​ເບີກບານ​ມ່ວນ​ຊື່ນ​ເຕັມ​ໄປ​ດ້ວຍ​ຄວາມ​ສາມັກຄີ ແລະ ​ຫຼຸດຜ່ອນ​ບັນຫາ​ອຸປະຕິ​ເຫດ​ທາງ​ຖະໜົນ, ເຈົ້າໜ້າທີ່​ຕຳຫຼວດຈະລາຈອນ ນະຄອນຫຼວງ ໄດ້​ເພີ່ມ​ຄວາມ​ເຂັ້ມ ງວດ​ບັນຈຸກຳລັງ​ໃນ​ການ​ກວດ ກາ​ຜູ້​ຂັບ​ຂີ່ຕາມ​ທ້ອງ​ຖະໜົນ ແລະ ​​ໂຄສະນາ​ການ​ປ້ອງ​ກັນ​ອຸປະຕິ​ເຫດ​ຕາມ​ຄຸ້ບ້ານ ໃຫ້​ມີ​ຄວາມ​ຮັບ​ຮູ້​ເພື່ອ​ປະຕິບັດ​ລະບຽບ​ຈະລາ ຈອນ​ເປັນຕົ້ນ​ແມ່ນ​ຈະ​ເຂັ້ມງວດ​ຕໍ່ຜູ້​ດື່ມ​ສິ່ງ​ມືນ​ເມົາຂັບ​ລົດ​ພາ​ໃຫ້​ເກີດ​ອຸປະຕິ​ເຫດ​ໄລຍະ​ບຸນ.
        ຕາມ​ການ​ຖະ​ແຫຼງຂ່າວ​ຕໍ່ສື່​ມວນ​ຊົນຂອງທ່ານ ພັນ​ໂທ ພົມ ມະຈັນ ສວນ​ບຸນ​ມາ ຮອງ​ຫົວໜ້າຫ້ອງ​ຕຳຫຼວດ, ຫົວໜ້າ ພະ​ແນ​ກຈະລາຈອນນະຄອນຫຼວງ ​ໃນ​ວັນ​ທີ 3 ເມສາ 2013 ນີ້ ວ່າ: ​ໃນ ໄລຍະ​ສະຫຼອງບຸນປີ​ໃໝ່ລາວ 2013 ນີ້ ໄດ້​ເນັ້ນ​ໃຫ້​ເຈົ້າໜ້າທີ່​ທຸກ​ເມືອງ​ໃຫ້​ເອົາ​ໃຈ​ໃສ່​ໃນ​ການຄວບ​ຄຸມ​ບັນດາ ຜູ້​ຂັບ​ຂີ່​ທ່ີ່ດື່ມ​ສິ່ງ​ມືນ​ເມົາ ​ໂດຍ​ຈະ​ມີ​ການ​ຕັ້ງຈຸດ​ກວດກາ ​ແລະ ປະ ສານ​ສົມທົບ​ກັບ​ພະ​ແນ​ກ ຍທຂ ນະຄອນຫຼວງ ​ເພື່ອ​ໂຄສະນາ​ຕາມ​ເສັ້ນທາງຕ່າງໆທັງນີ້ກໍ​ເພື່ອ​ເປັນ​ການ​ສະກັດ​ກັ້ນການ​ເກີດອຸ ປະຕິ​ເຫດ​ໃນ​ໄລຍະ​ດັ່ງກ່າວ​ໃຫ້ຫຼຸດລົງ.
          ທ່ານພັນ​ໂທ ພົມມະຈັນ ກ່າວ​ວ່າ: ສະພາບ​ອຸປະຕິ​ເຫດ​ຕາມ​ທ້ອງ​ຖະໜົນມາ​ຮອດ​ໄລຍະ ນີ້ຍັງ​ເກີດ​ຂຶ້ນ​ເປັນ​ຈຳນວນ ຫຼາຍ​ໂດຍ​ສ່ວນ​ໃຫຍ່​ສາ​ເຫດ​ແມ່ນເກີດ ຍ້ອນ​ຜູ້​ຂັບ​ຂີ່​ດື່ມ​ສິ່ງ​ມຶນ​ເມົາ ສະ ນັ້ນ ໃນ​ການສະຫຼອງບຸນປີ​ໃໝ່ ລາວ ນີ້,ປະຊາຊົນ​ລາວ​ຈະ​ມີ​ການ ຈັດ​ງານ​ສ້າງສັນ ໂດຍ​ຈະ​ມີ​ການ ດື່ມ​ສິ່ງ​ມຶນ​ເມົາ ຊຶ່ງ​ອາດ​ເຮັດ​ໃຫ້​ເກີດ​ອຸປະຕິ​ເຫດຕາມ​ທ້ອງ​ຖະໜົນ ແລະ ​ເພື່ອ​

ຫລວງພະບາງວາງແຜນແກ້ໄຂນ້ຳປະປາຂາດເຂີນໄລຍະບຸນປີໃຫມ່ລາວ



          ທ່ານ ສຸລິດ ຈິນດາມະນີ ຫົວຫນ້າໃລັດວິສາຫະກິດນ້ຳ ປະປາ ແຂວງຫລວງພະບາງ ໄດ້ລາຍງານຕໍ່ນັກຂ່າວ ໜັງສີ ພິມແຂວງໃນວັນທີ 2 ເມສາ ນີ້ ວ່າ: ເພື່ອກະກຽມໃຫ້ແກ່ບຸນ ປີໃໝ່ລາວພສ 2556ທີ່ຈະມາ ເຖິງນີ້,ລັດວີສາຫະກິດນ້ຳປະ ປາ ແຂວງຫລວງພະບາງໄດ້ ມີວິທີແກ້ໄຂການຂາດເຂີນນ້ຳບໍລິໂພກຂອງປະຊາຊົນຢູ່ບາງ ຈຸດພາຍໃນເທສະບານ ເມືອງ ຫລວງ ພະບາງເປັນຕົ້ນປະຊາຊົນຢູ່ເຂດສູງ, ຊານເມືອງ, ລັດວິສາຫະກິດນ້ຳປະປາ ກໍໄດ້ມີລົດສະແຕ໊ກເສີມ 1 ຄັນສາມາດບັນຈຸນ້ຳໄດ້ 10 ແມັດ ກ້ອນຕາງນ້ຳໄປແຈກຢາຍໃຫ້ປະຊາຊົນທີ່ຂາດເຂີນໂດຍຄິດໄລ່ ເອົາແຕ່ຄ່ານ້ຳມັນລົດ, ສ່ວນຄ່ານ້ຳແມ່ນບໍ່ໄດ້ຄິດໄລ່ ເອົານຳປະຊາຊົນ.
         ປັດຈຸບັນ,ແຂວງຫລວງ ພະບາງໄດ້ມີໂຮງງານຜະລິດນ້ຳ ປະປາ ຢູ່ 3 ແຫ່ງຄື ຈາກແຫລ່ງ ນ້ຳພູພຶງ,ນ້ຳຄານ ແລະນ້ຳຂອງ (ມະຫາວິທະຍາໄລສຸພານຸວົງ), ສາມາດຜະລິດນ້ຳໄດ້ 22 ພັນ ແມັດກ້ອນຕໍ່ມື້,ໃນນີ້ກຳລັງການ ຜະລິດຢູ່ພູພຶງມ່ນ 7 ພັນແມັດ ກ້ອນຕໍ່ມື້ໃນລະດູແລ້ງ,ສ່ວນລະດູຜົນ ແມ່ນ 15 ພັນແມັດກ້ອນຕໍ່ມື້. ສະ ເພາະຢູ່ໂຮງງານຜະລິດນ້ຳປະປານ້ຳຄານ ແລະ ມະ ຫາວິທະຍາໄລສຸພານຸວົງ (ນ້ຳຂອງ) ແມ່ນສາມາດຜະລິດໄດ້ 22 ພັນແມັດກ້ອນ ຕໍ່ມື້.ດັ່ງນັ້ນກ່ອນບຸນປີໃໝ່ລາວ ນີ້ທ່ານຈຶ່ງ ຮຽກຮ້ອງພໍໍ່ແມ່ປະຊາຊົນໃຫ້ກະກຽມຖັງບັນຈຸນ້ຳໄວ້ ແລະ ບໍ່ໃຊ້ນ້ຳຟຸມເຟືອຍເປັນ ຕົ້ນແມ່ນລ້າງລົດ, ຫົດຜັກ ແລະ ອື່ນໆ.

ໂຄງການປະກວດນາງສາວລາວ ໄດ້ປະກອບສ່ວນຍົກສູງຖານະບົດ ບາດຂອງປະເທດ



       ໂຄງການປະກວດນາງສາວ ລາວ ເລີ່ມແຕ່ປີ 2009 ເປັນຕົ້ນມາໂດຍສືບເນື່ອງຈາກໂຄງການປະກວດນາງສາວອາ ພອນ ລາວ, ໃນການປະຕິບັດໂຄງການດັ່ງກ່າວຄະນະຊີ້ນຳ ໂຄງການປະກວດ ໄດ້ ນຳພາຄະນະນາງສາວເຄື່ອໄຫວຮັບ ໃຊ້ສັງຄົມໂດຍ ນຳຜົນປະໂຫຍດໃຫ້ແກ່ສັງຄົມ ແລະ ປະ ເທດຊາດ,ສ້າງຊື່ສຽງ ແລະ ຍົກ ຖານະບົດບາດຂອງຍິງສາວ ລາວທີ່ມີຄວາມເກັ່ງ ກ້າ, ສະຫງ່າງາມ, ອ່ອນໂຍນອ່ອນ ຫວານໃຫ້ ສັງຄົມພາຍໃນ ແລະ ຕ່າງປະເທດ ໄດ້ຮັບຮູ້ຢ່າງ ກວ້າງຂວາງ. ຜົນ ສຳເລັດດັ່ງ ກ່າວ, ທ່ານ ສີແພງ ວົງປັນຍາ ຫົວໜ້າກົມວັດທະນະທຳ ມະຫາຊົນກະຊວງຖະແຫລງຂ່າວ ວັດທະນະທຳ ແລະ ທ່ອງທ່ຽວ ໄດ້ຍົກໃຫ້ເຫັນໃນກອງປະຊຸມສຳມະນາ ທີ່ຈັດຂຶ້ນໃນ ວັນທີ 3 ເມ ສາ 2013 ທີ່ຫໍວັດທະນະ ທຳແຫ່ງ ຊາດ ໂດຍການໃຫ້ ກຽດເຂົ້າຮ່ວມ ຂອງທ່ານ ບົວເງິນ ຊາພູວົງ ລັດຖະມົນຕີຊ່ວຍວ່າການກະຊວງຖະແຫລງຂ່າວ, ວັດທະນະທຳ ແລະ ທ່ອງ ທ່ຽວ, ມີບັນດາຫົວໜ້າກົມ, ຮອງກົມ ແລະ ພາກສ່ວນກ່ຽວຂ້ອງເຂົ້າຮ່ວມ.
      ນອກນີ້,ທ່ານ ສີແພງ ວົງປັນຍາ ຍັງຍົກໃຫ້ເຫັນບັນດາກິດຈະ ກຳທີ່ນາງສາວລາວໄດ້ເຂົ້າຮ່ວມຈັດຕັ້ງປະຕິບັດແລະ ປະກອບສ່ວນຢ່າງຕັ້ງໜ້າໃຫ້ກັບສັງຄົມ, ໄດ້ສ້າງຊື່ສຽງໃຫ້ປະເທດລາວໃນ ເວທີພາກພື້ນ ແລະ ສາກົນ ເຊັ່ນ: ເຂົ້າຮ່ວມຮັບ

ຫາລືການຮ່ວມມືດ້ານເຕັກນິກ-ວິ ຊາການກັບອົງການພະລັງງານປະມະມານູສາກົນ



    ກະຊວງວິທະຍາສາດ ແລະ ເຕັກໂນໂລຊີ ໄດ້ຈັດກອງປະຊຸມວິ ຊາການເພື່ອປຶກສາຫາລືຈຸດປະສານງານການຮ່ວມ ມືດ້ານເຕັກນິກ-ວິຊາການກັບອົງການພະລັງ ງານປະລະມານູສາກົນ (IAEA) ໃນວັນທີ 29 ມີນາແລ້ວນີ້ ຢູ່ນະ ຄອນຫລວງວຽງຈັນ.
     ກອງປະຊຸມເທື່ອນີ້ໄດ້ດຳເນີນ ພາຍໃຕ້ການເປັນປະທານຂອງ ທ່ານ ຫຸມພັນ ອິດທິຣາດ ລັດຖະມົນຕີຊ່ວຍວ່າການກະ ຊວງວິທະ ຍາສາດ ແລະ ເຕັກໂນໂລຊີ ໂດຍ ມີຈຸດປະສົງເພື່ອລາຍງານສະ ພາບການເຄື່ອນໄຫວວຽກງານປະສານງານຮ່ວມ ມືດ້ານເຕັກ ນິກ-ວິຊາການຂອງກະຊວງວິທະ ຍາສາດ ແລະ ເຕັກໂນໂລຊີໃນໄລ ຍະ 1 ປີຜ່ານມາ, ນັບແຕ່ກົມວິທະ ຍາສາດໄດ້ ຮັບການແຕ່ງຕັ້ງເປັນຈຸດປະສານງານການຮ່ວມມື ດ້ານເຕັກນິກ-ວິຊາການກັບອົງ ການ IAEA ໃນວັນທີ 6 ມີນາ 2013; ປຶກ ສາຫາລືການກຳນົດແຜນການຈັດຕັ້ງປະຕິບັດວຽກ ງານໃນຕໍ່ໜ້າ ໂດຍສະເພາະການ ກະກຽມສ້າງຕັ້ງຄະນະກຳມະການ ປະ ສານງານວຽກງານຮ່ວມມືເຕັກນິກ-ວິຊາການກັບອົງ ການ IAEA ໂດຍການປະກອບ ສ່ວນຈາກແຕ່ລະຂະແໜງການທີ່ ກ່ຽວ ຂ້ອງ; ລາຍງານການກະ ກຽມສ້າງຮ່າງແຜນງານຮ່ວມມື ດ້ານເຕັກນິກ-ວິຊາການກັບອົງ ການ IAEA ສຳລັບສົກປີ 2013- 2017 (Country Framework Programme), ເນື້ອໃນໂຄງການ ຮ່ວມມືດ້ານເຕັກນິກທີ່ກະກຽມ ຈັດຕັ້ງໃນສົກປີ 2014-2015 ໂດຍ ສະເພາະຂົງເຂດການສ້າງໜ່ວຍ ງານຄຸ້ມຄອງ ແລະ ຄວາມປອດ ໄພດ້ານລັງສີນິວເຄຼຍຢູ່ ສປປ ລາວ, ຄວາມປອດໄພໃນການ ນຳໃຊ້ລັງສີໃນຂະແໜງການ ແພດ ແລະ ການນຳໃຊ້ເຕັກໂນໂລ ຊີເຂົ້າໃນການສົ່ງເສີມການຜະ ລິດເຂົ້າ ພ້ອມທັງການສະເໜີໃຫ້ ແຕ່ລະຂະແໜງການກະກຽມສະ ເໜີຫົວຂໍ້ໂຄງການຮ່ວມມືດ້ານ ເຕັກນິກສຳລັບສົກປີ 2016-2017.
     ຜົນຂອງກອງປະຊຸມເທື່ອນີ້ ໄດ້ເປັນເອກະພາບດ້ານຫລັກ ການ ແລະ ວິທີການໃນການ ເຄື່ອນໄຫວວຽກງານຂອງຈຸດປະ

ຊາວຫນຸ່ມລາວ-ຫວຽດນາມ ເພີ່ມທະວີການຮ່ວມມື



    ໃນ​ລະ​ຫວ່າງວັນທີ 27-31 ມີ ນາຜ່ານມານີ້, ຄະນະຜູ້​ແທນ​ຊາວໜຸ່ມສູງສູນ​ກາງຊາວໜຸ່ມປະຊາຊົນ​ປະຕິວັດ​ລາວ​​ ເຊິ່ງນຳ​ໂດຍ​ສະຫາຍ ດຣ. ວິ​ໄລ​ວົງ ບຸດ​ດາ​ຄຳ ເລຂາ​ຄະນະ​ບໍລິຫານ​ງານ​ສູນ ກາງ​ຊາວໜຸ່ມປະຊາຊົນປະຕິວັດລາວ ໄດ້ເດີນທາງໄປ ຢ້ຽມຢາມ ສສ ຫວຽດນາມ ເພື່ອພົບປະແລກ ປ່ຽນບົດຮຽນຂອງຊາວໜຸ່ມ-ເຍົາວະຊົນສອງປະເທດ.
     ການຢ້ຽມຢາມເທື່ອນີ້, ຄະນະ ຜູ້ແທນຊາວໜຸ່ມລາວໄດ້ເຂົ້າຢ້ຽມຂ່ຳນັບສະຫາຍ ຫງວຽນ ຊວນ ຟຸກ ຮອງນາຍົກລັດຖະ ມົນຕີແຫ່ງ ສສ ຫວຽດນາມ. ຈາກນັ້ນ ໄດ້ ເຂົ້າຮ່ວມກອງປະຊຸມພົບປະຊາວໜຸ່ມ ລາວ-ຫວຽດນາມ ໃນຕອນ ແລງວັນທີ 28 ມີນາ ຢູ່ຫ້ອງປະ ຊຸມສູນກາງຊາວໜຸ່ມກອມມູນິດ ໂຮ່ຈີມິງ ໂດຍການເປັນປະທານ ຮ່ວມຂອງສະຫາຍ ຮອງສາສະ ດາຈານ  ດຣ. ຫງວຽນດັກວິງ ເລ ຂາທີໜຶ່ງຄະນະບໍລິຫານງານສູນກາງຊາວໜຸ່ມກອມມູນິດໂຮ່ຈີມິງ ແລະ ສະຫາຍ ດຣ. ວິໄລວົງ ບຸດ ດາຄຳ ເລຂາຄະນະບໍລິຫານງານ ສູນກາງຊາວໜຸ່ມປະຊາຊົນປະຕິ ວັດລາວ. 
       ໂອກາດນີ້, ສະຫາຍ ດຣ. ວິ ໄລວົງ ບຸດດາຄຳ ໄດ້ສະແດງ ຄວາມຂອບໃຈ ແລະ ຊົມເຊີຍທີ່ ຈັດຕັ້ງນຳພາຈັດກອງປະ ຊຸມ ຂອງຊາວໜຸ່ມທີ່ໄວ້ເນື້ອເຊື່ອໃຈຈາກການນຳພັກ-ລັດ ນຳພາ ວຽກງານຊາວໜຸ່ມ-ເຍົາວະຊົນ ເຄື່ອນໄຫວຢ່າງຕໍ່ເນື່ອງລຽນ ຕິດ ແລະ ການຢ້ຽມຢາມເທື່ອນີ້ມີຄວາມສຳຄັນທີ່ສຸດ ເຊິ່ງເປັນການ ສຶບຕໍ່ຮັດແໜ້ນສາຍພົວພັນແບບພິເສດ ລາວ-ຫວຽດ ນາມ ທີ່ມີມາ ແຕ່ດົນນານ. ນອກຈາກນີ້, ຄະນະຜູ້ແທນຊາວໜຸ່ມລາວໄດ້ລາຍງານຜົນສຳເລັດຂອງກອງປະຊຸມໃຫຍ່ຜູ້ແທນ ຊາວໜຸ່ມທີ່ຫາກໍສຳ ເລັດ, ກອງປະຊຸມຄົບຄະນະບໍລິ ຫານງານຊຸດທີ III ຄັ້ງທີ VI.