3 May 2013

ລັດຖະບານພິຈາລະນາຮັບຮັບເອົາຫລາຍບັນຫາສຳຄັນຂອງຊາດໃນເດືອນເມສາ



       ໃນລະຫວ່າງວັນທີ 29-30 ເມ ສາຜ່ານມານີ້,ຄະນະລັດຖະບານ ໄດ້ຈັດກອງ ປະຊຸມສະໄໝສາມັນ ປະຈຳເດືອນເມສາ 2013 ຂຶ້ນຢູ່ ຫ້ອງວ່າການລັດຖະບານນະ ຄອນຫລວງວຽງຈັນ,ໂດຍພາຍ ໃຕ້ການເປັນປະທານຂອງທ່ານ ທອງສິງ ທຳມະວົງ ນາຍົກລັດ ຖະມົນຕີ,ມີບັນດາທ່ານ ຮອງນາ ຍົກລັດຖະມົນຕີ ແລະ ສະມາຊິກ ລັດ ຖະບານເຂົ້າຮ່ວມ.
         ກອງປະຊຸມດັ່ງກ່າວໄດ້ມີ ການພິຈາລະນາ ແລະ ຮັບຮອງ ເອົາບັນຫາສຳຄັນຂອງຊາດຈຳ ນວນໜຶ່ງຄື: ໜຶ່ງ:ຮັບຮອງ ເອົາບົດ ລາຍງານກ່ຽວກັບວຽກງານກໍ່ ສ້າງຮາກຖານພັດທະນາຊົນນະ ບົດຮອບດ້ານ ທີ່ຕິດພັນກັບວຽກ ງານ 3 ສ້າງປະຈຳສົກ ປີ 2013- 2014 ໂດຍສູ້ຊົນເຮັດໃຫ້ຄອບຄົວ ທຸກຍາກ,ບ້ານທຸກຍາກນັບມື້ຫລຸດ ລົງຕາມຄາດໝາຍທີ່ໄດ້ກຳນົດ ໄວ້ເປັນຕົ້ນ: ສ້າງບ້ານພັດທະນາ ໃຫ້ໄດ້ຫລາຍກວ່າ 40% ຂອງຈຳນວນບ້ານທັງໝົດ, ສ້າງ 11 ຈຸດ ສຸມຂອງລັດຖະບານ ແລະ 54 ຈຸດສຸມ ຂອງທ້ອງຖິ່ນໃຫ້ກາຍ ເປັນຕົວເມືອງນ້ອຍໃນຊົນນະບົດ ໂດຍສຸມໃສ່ປັບປຸງຂອດປະສານ ງານລະຫວ່າງຂະແໜງການຢູ່ ສູນ ກາງກັບທ້ອງຖິ່ນ ບອກກັບ ມອບທຶນຮອນໃຫ້ທ້ອງຖິ່ນເປັນຜູ້ ຈັດຕັ້ງປະຕິບັດ ແລະ ສູນກາງ ເປັນຜູ້ແນະນຳດ້ານວິຊາການ ພ້ອມທັງຕິດຕາມກວດກາ,ສອງ: ຮັບຮອງຮ່າງນະໂຍບາຍທີ່ດິນ ແຫ່ງຊາດ ເຊິ່ງຮ່າງນະໂຍບາຍດັ່ງກ່າວກຳນົດຂຶ້ນເພື່ອເປັນທິດ

ສປປ ລາວ ຈະໄດ້ຮັບລາງວັນປະເທດທີ່ຫນ້າທ່ຽວຊົມທີ່ ສຸດໃນໂລກປະຈຳປີ 2013 ຈາກສະຫະພາບເອີຣົບ



          ພາຍຫຼັງໄດ້ຮັບລາງວັນ ເມືອງ ຫຼວງພະບາງ ເມືອງມໍລະດົກໂລກເປັນເມືອ ງທີ່ໜ້າທ່ຽວຊົມທີ່ ສຸດໃນປີ 2012 ແລ້ວ ສປປ ລາວ ຍັງຈະໄດ້ຮັບລາງວັນປະ ເທດ ທີ່ໜ້າທ່ຽວຊົມທີ່ສຸດໃນໂລກປະຈຳປີ 2013 ຈາກສະຫະພັນທ່ອງທ່ຽວ ແລະ ການ ຄ້າເອີຣົບ ເຊິ່ງລາງວັນດັ່ງກ່າວຖືເປັນລາງວັນອັນຊົງກຽດລະດັບໂລກ ທີ່ເຫັນດີຮັບຮອງ ໂດຍ 28 ປະ ເທດສະມາຊິກ EU ເນື່ອງຈາກ ສປປ ລາວ ສາມາດປະຕິ ບັດໄດ້ຕາມ ເງື່ອນໄຂ ແລະ ມາດຕະຖານຕ່າງໆ ທີ່ທາງສະ ຫະພັນທ່ອງທ່ຽວ ແລະ ການ ຄ້າເອີ ຣົບກຳນົດໄວ້ພິທີມອບລາງວັນອັນຊົງກຽດນີ້ ຈະມີຂຶ້ນຢ່າງເປັນທາງການໃນ ວັນທີ 9 ພຶດສະພາ 2013 ທີ່ຈະມາ ເຖິງນີ້.
         ອົງການທ່ອງທ່ຽວແຫ່ງຊາດໃຫ້ຮູ້ວ່າ: ເປັນຄັ້ງປະ ຫວັດສາດທີ່ ສປປ ລາວ ຈະໄດ້ຮັບລາງວັນດັ່ງກ່າວ ເຊິ່ງ ໄດ້ຜ່ານ ການພິຈາລະນາ ແລະ ຮັບຮອງໂດຍສະຫະພັນ ທ່ອງທ່ຽວ ແລະ ການຄ້າເອີຣົບ ພາຍໃຕ້ການຊີ້ນຳຂອງ ອົງການຢູແນສໂກ (ອົງການສຶກສາວິທະຍາ ສາດ ແລະ ວັດທະນະທຳແຫ່ງສະຫະປະຊາຊາດ).
        ລາງວັນດັ່ງກ່າວ ແມ່ນລາງວັນລະດັບສາກົນທີ່ມອບ ໃຫ້ສະເພາະແຕ່ປະເທດທີ່ສາມາດປະຕິບັດ ໄດ້ຕາມເງື່ອນ ໄຂ ແລະ ມາດຖານທີ່ທາງຄະນະກຳມະການສະຫະພັນ ທ່ອງທ່ຽວ ແລະ ການຄ້າອີຢູໄດ້ກຳນົດໄວ້ ແລະ ນັບແຕ່ ໄດ້ຮັບການສ້າງ ຕັ້ງສະຫະພັນດັ່ງກ່າວໃນປີ 2006 ເປັນ ຕົ້ນມາ ປະເທດທີ່ໄດ້ ຮັບລາງວັນດັ່ງກ່າວໄດ້ແກ່: ປະເທດ ຊີຣີ ໃນປີ 2007, ປະເທດ ຕວກກີ ໃນປີ 2008, ປະເທດ ອາ ຣັບເອ ມີເຣດ ໃນປີ 2009, ເກົາຫຼີໃຕ້ ໃນປີ 2010, ໂທແບກ ໂກ ໃນປີ 2011, ປະເທດ ຕວກກີ (ຄັ້ງທີ່ສອງ) ໃນປີ 2012 ແລະ ສປປ ລາວ ໃນປີ 2013.

ຍ່າງ​ເພື່ອສຸຂະພາບ​​ສະຫລອງວັນ​ກຳມະກອນ​ສາກົນຄົບຮອບ 127 ປີ



        ໃນຕອນເຊົ້າ​ວັນ​ທີ 1 ພຶດສະ ພານີ້,ສູນ​ກາງ​ສະຫະພັນ​ກຳມະ​ບານ​ລາວ,ໄດ້​ຈັດ​ກິດຈະ​ກຳ​ຍ່າງ​ເພື່ອ​ສຸຂະພາບ​ແຕ່​ປະຕູ​ໄຊ ຫາຫໍ​ຄຳ​ແລ້ວ​ກັບ​ຄືນມາ​ຫາ​ປະຕູ​ໄຊ​ ​ເພື່ອ​ສະ​ເຫີມ​ສະ​ຫລອງ​ວັນ​ກຳມະ ກອນ​ສາກົນ​ຄົບຮອບ 127 ປີ (1/5/1886-1/5/2013) ​ໂດຍ ການເຂົ້າຮ່ວມຂອງທ່ານ ດຣ ທອງ​ລຸນ ສີ​ສຸ​ລິດ ຮອງ​ນາຍົກ ລັດຖະມົນຕີ ລັດ ຖະມົນຕີ​ວ່າການ​ກະຊວງ​ການ​ຕ່າງປະ​ເທດ, ທ່ານ ​ເຈືອງ​ ສົມບູນ​ຂັນ ຫົວໜ້າຄະນະ​ໂຄສະນາ​ອົບຮົມ​ສູນ​ກາງ​ພັກ, ທ່ານ ​ສຸ​ກັນ ມະຫາລາດ ​ເຈົ້າ​ຄອງ​ນະຄອນ​ຫລວງ​ວຽງ ຈັນ, ທ່ານ ຄຳ​ຫລ້າ ລໍ​ລອນ​ສີ ປະທານສູນ​ກາງ​ສະຫະພັນ​ກຳມະບານ​ລາວ, ມີ​ບັນດາລັດຖະມົນຕີ​, ພະນັກງານ, ສະມາຊິກ​ກຳ ມະບານ​ລາວ, ພ້ອມ​ດ້ວຍມວນ​ຊົນ​ຊາວ​ນະຄອນ ຫລວງ​ວຽງຈັນເຂົ້າ​ຮ່ວມ 7 ພັນກວ່າ​ຄົນ.
         ທ່າ​ນ ຕົງ​ເຢຢາງ ຢົງ​ເຊັງ ຮອງ​ປະທານ​ສະຫະພັນກຳມະ ບານ​ລາວ​ໄດ້ກ່າວໃນພິທີດັ່ງກ່າວ ວ່າ: ການ​ສະ​ເຫລີ​ມສະ ຫລອງ​ວັນ​ກຳມະກອນສາກົນ​ປີ​ນີ້​​ມີ​ຄວາມ​ໝາຍ​ສຳຄັນ​ຍິ່ງ​ສຳລັບ​ຊົນ​ຊັ້ນ​ກຳມະກອນ​ໃນ​ທົ່ວ​ໂລກ ​ກໍ​ຄື​ຊົນ​ຊັ້ນກຳມະກອນ ແລະ ສະມາຊິກ​ກຳມະບານ​ລາວ ຊຶ່ງ​ມັນ​ໄດ້​ສະ​ແດງ​ໃຫ້​ເຫັນ​ເຖິງ​ປະຫວັດ​ສາດ ຂອງ​ການ​ຕໍ່​ສູ້​ຂອງ​ກຳມະກອນ​ຢ່າງ​ດຸ​ເດືອດ​ ເພື່ອ​ທວງ​ເອົາ​ສິດ ຜົນປະ​ໂຫຍ​ດຂອງ​ຕົນ​ໃນ​ໄລຍະ​ຜ່ານ​ມາ, ທວງ​ໃຫ້​ພວກ​ນາຍທຶນ​ຕ້ອງ​ຍອມ​ປະ​ຕິ​ບັດ​ໂມງ​ເວລາ​ເຮັດ​ວຽກ​ມື້ໜຶ່ງ​ບໍ່​ໃຫ້​

ສອບເສັງນັກຮຽນເກັ່ງທົ່ວປະເທດຂັ້ນ ມ 4 ແລະ ມ 7 ຢູ່ນະຄອນຫຼວງວຽງຈັນ



          ການສອບເສັງນັກຮຽນ ເກັ່ງທົ່ວປະເທດຊັ້ນ ມ4 , ມ7, ໄດ້ ຈັດຂື້ນທີ່ມະຫາວິທະຍາໄລແຫ່ງ ຊາດລາວ, ນະຄອນ ຫຼວງວຽງຈັນ ໃນວັນທີ 30 ເມສານີ້. ໂດຍການເປັນກຽດເຂົ້າຮ່ວມ ຂອງ ທ່ານ ລີຕູ້ ບົວປາວ ລັດຖະມົນຕີຊ່ວຍວ່າການກະ ຊວງສຶກສາທິການ ແລະ ກິລາ, ຫົວໜ້າກົມ, ຜູ້ອຳນວຍການໂຮງຮຽນພາກ ລັດ ແລະ ພາກເອກະຊົນ, ຄູອາຈານ ພ້ອມດ້ວຍ ນ້ອງນັກຮຽນເຂົ້າຮ່ວມຢ່າງພ້ອມພຽງ.     
       ການສອບເສັງນັກຮຽນເກັ່ງ ຄັ້ງນີ້, ມີນັກຮຽນເຂົ້າຮ່ວມແຂ່ງ ຂັນ 172 ຄົນ. ຍິງ 51 ຄົນ, ໃນນັ້ນ ນັກສອບເສັງລະ ດັບ ມັດທະຍົມ ມ.4 ມີ 72 ຄົນ, ຍິງ 24 ຄົນ. ນອກ ຈາກນັ້ນມີການສອບເສັງສາ ຍ ຫ້ອງພອນສະຫວັນ ມ.7 ມາຈາກ 4 ໂຮງ ຮຽນ ຈຳນວນ 32 ຄົນ, ຍິງ 7 ຄົນ, ຈາກ 16 ແຂວງ ແລະ ນະຄອນຫຼວງ. ວິຊາສອບເສັງມີ 4 ວິຊາຫຼັກຄືພາສາລາວ-ວັນນະ ຄະດີ, ຄະນິດສາດ, ຟິຊິກສາດ ແລະ ເຄມີສາດ. ການແຂ່ງຂັນສອບ ເສັງນັກຮຽນ ເກັ່ງຂັ້ນມັດທະຍົມ ຕົ້ນໄດ້ເລີ່ມແຕ່ ພາກ ຮຽນ ທີ 2 ເປັນຕົ້ນມາ, ໂດຍມີການແຂ່ງຂັນ ພາຍໃນໂຮງ ຮຽນ, ແຂ່ງຂັນລະ ດັບຂັ້ນເມືອງ ແລະ ຂັ້ນແຂວງຈົນຮອດທ້າຍ ເດືອນມີນາຈື່ງສຳເລັດ ການແຂ່ງຂັນນັກຮຽນ ເກັ່ງ ຊັ້ນ ມັດທະຍົມຊັ້ນ ມ.4 ແລະ ມ.7 .     

ໂຮງຫມໍແຂວງຈຳປາສັກເປີດນຳໃຊ້ຫ້ອງມໍລະສຸມຫົວໃຈ



      ພິທີເປີດການນຳໃຊ້ຫ້ອງມໍລະສຸມຫົວໃຈ ໂຮງຫມໍແຂວງຈຳ ປາສັກ ໂດຍການ ຊ່ວຍເຫລືອຈາກໂຄງການເພື່ອພັດທະນາ ສາທາລະນະສຸກ (ADS)  ປະເທດ ລຸກ ຊຳບວກ  ໄດ້ມີຂຶ້ນໃນວັນທີ 26 ເມສາຜ່ານມານີ້, ຢູ່ໂຮງຫມໍ ດັ່ງກ່າວ ໂດຍການເຂົ້າ ຮ່ວມຂອງທ່ານ ດຣ ຄຳໂພ ຈະເລີນວົງ ຫົວຫນ້າພະແນກສາທາລະສຸກ ແຂວງຈຳປາ ສັກ, ທ່ານ ສຈ.ດຣ ຣີຊາດ ສະນາຍເດີ ຜູ້ ຕາງຫນ້າໂຄງການ ADS  ຈາກປະເທດ ລຸກຊຳບວກພ້ອມດ້ວຍຄະນະພະແນກການຕ່າງປະເທດ, ຜູ້ອຳນວຍການໂຮງຫມໍ ແຂວງຈຳປາສັກ ແລະ ພະນັກງານແພດຫມໍເຂົ້າຮ່ວມເປັນຈຳນວນຫຼວງຫລາຍ.
       ທ່ານ ດຣ ນາງມະໄລສີ ຫົວ ຫນ້າຂະແຫນງເສັ້ນເລືອດ ແລະ ຫົວໃຈໂຮງຫມໍ ແຂວງຈຳປາສັກ ໄດ້ມີຄຳເຫັນຕໍ່ພິທີວ່າ : ປັດຈຸບັນ ພະຍາດຫົວໃຈ-ເສັ້ນເລືອດ ເປັນ ພະຍາດຫນຶ່ງທີ່ພວມຄຸກຄາມສຸ ຂະພາບຂອງປະຊາກອນໂລກອັນເປັນສາເຫດ ສຳຄັນຕໍ່ການ ເສຍຊີວິດຂອງປະຊາຊົນ ໂດຍສະ ເພາະໃນປະເທດທີ່ພວມພັດທະ ນາ ເຊິ່ງລາວເຮົາກໍແມ່ນປະເທດຫນຶ່ງທີ່ ນອນຢູ່ໃນຈຳນວນດັ່ງກ່າວ, ດ່ັງນັ້ນການຊ່ວຍ ເຫລືອຄື່ອງມື, ອຸປະກອນທີ່ທັນສະ ໄຫມ ແລະ ຫ້ອງມໍລະສຸມຫົວໃຈ ດັ່ງ ກ່າວຈາກໂຄງການ ADS ປະເທດລຸກຊຳບວກ ຈຶ່ງ ມີຄວາມສຳຄັນຍິ່ງ ຄືໃນປີ 2003 ຜ່ານ ມາ ໂຄງການ ADS  ໄດ້ຊ່ວຍ ຜ່າຕັດພະຍາດຫົວໃຈຢູ່ລາວໄດ້ຢູ່ໂຮງ ຫມໍເສດຖາທິ

ເປີດບັ້ນສຳຫລວດເສດຖະກິດທົ່ວປະເທດຄັ້ງທີ II



       ພິທີປະກາດ​​ເປີດບັ້ນການ​ສຳ​ຫລວດ​ເສດຖະກິດ​ທົ່ວ​ປະ​ເທດ​ຄັ້ງ ທີ II ໄດ້​ຈັດ​ຂຶ້ນ​ໃນ​ວັນ​ທີ 2 ພຶດສະ ພາ 2013 ຢູ່​ສູນ​ການ​ຄ້າ​ລາວ​-ໄອ​ເຕັກ, ນະຄອນຫລວງ​ວຽງ​ຈັນ​ ໂດຍ​ການ​ເຂົ້າ​ຮ່ວມ​ຂອງ​ ທ່ານ ສົມ​ດີ ດວງ​ດີ ລັດຖະມົນຕີ​ວ່າ ການ​ກະຊວງ​ແຜນການ ແລະ ການ​ລົງທຶນ ຫົວໜ້າ​ຄະນະ​ຊີ້ນຳ ການ​ສຳ​ຫລວດ​ເສດຖະກິດ​ທົ່ວ ປະເທດ​,ມີ​ບັນດາ​ລັດຖະມົນຕີ​ວ່າການ, ຊ່ວຍ​ວ່າການ,ບັນດາ​ຄະນະ​ຊີ້ນຳ​ການ​ສຳ​ຫລວດ​ຂັ້ນສູນ​ກາງ ​ແລະ ​ບັນດາ​ແຂວງ ພ້ອມ​ດ້ວຍ​ພະນັກງານ​ວິຊາ​ການ​ທີ່ກ່ຽວຂ້ອງ​ຈຳນວນ​ໜຶ່ງ.
         ທ່ານ ສົມ​ດີ ດວງ​ດີ ໄດ້​ຍົກ​ໃຫ້​ເຫັນ​ຄວາມ​ໝາຍ​ຄວາມ​ສຳ ຄັນ​ຂອງ​ການ​ເປີດ​ບັ້ນການສຳ​ຫລວດ​ເສດຖະກິດທົ່ວ​ປະ​ເທດ​ຄັ້ງ ທີ II ນີ້ວ່າ: ການ​ປະກາດ​ບັ້ນສຳ​ຫລວດ​ເສດຖະກິດ​ທົ່ວ​ປະ​ເທດ​ໃນ​ຄັ້ງນີ້ແມ່ນ​ໜຶ່ງ​ໃນ​ການ​ສຳ​ຫລວດ ສະຖິຕິ​ທີ່​ສຳຄັນ​ ນອນ​ໃນ​ແຜນ​ຍຸດ​ທະ​ສາດ​ພັດທະນາ​ລະບົບ​ສະຖິຕິ​ແຫ່ງ​ຊາດ​ຂອງ​ລັດຖະບານ ​ທີ່​ໄດ້​ບັນ​ຢັດ​ໄວ້​ໃນ​ກົດໝາຍ​ວ່າ​ດ້ວຍ​ສະຖິຕິ ເຊິ່ງຈະ​ປະຕິບັດ​ໃນ​ທຸກໆ 5 ປີ​ໂດຍ​ນຳ​ໃຊ້​ເຕັກນິກ​ດ້ານ​ວິຊາ​ການ​ທີ່​ສາມາດ​ສົມ​ທຽບ​ກັບ​ສາ ກົນ. ການ​ສຳ​ຫລວດ​ເສດຖະກິດ​ຄັ້ງນີ້​ແມ່ນ​ຄັ້ງທີ່​ສອງ​ຂອງ​ປະ​ເທດ​ເຮົາ​ເຊິ່ງຄັ້ງທຳ​ອິດ​ແມ່ນ​ໄດ້​ດຳ​ເນີນ​ການ​ສຳ​ຫລວດ​ໃນ​ປີ 2006 , ການ​ສຳຫລວດ​ໃນ​ຄັ້ງນີ້​ແມ່ນ​ມີ​ຄວາມ​ໝາຍ​ຄວາມ​ສຳຄັນ​ເພາະ​ເປັນ​ແຫ​ລ່ງຂໍ້​ມູນ​ຂ່າວສານ​ກ່ຽວ​ກັບ​ສະພາບ​ການ​ດຳ​ເນີນ ແລະ ​ການ​ເຄື່ອນ​ໄຫວ​ຂອງ​ຫົວ ໜ່ວຍ​ທຸລະ​ກິດ​ເປັນຕົ້ນ​ແມ່ນ ການ ຜະລິດ, ການ​ລົງທຶນ, ລາຍ​ຮັບ​-ລາຍ​ຈ່າຍ, ລະບົບ​ການ​ນຳ​ໃຊ້​ເຕັກນິກ ​ແລະ ສະພາບ​ການ​ຈ້າງ​ງານ​ຂອງ​ຜູ້​ປະກອບ​ການ, ​ເຊິ່ງ ຜົນ​ຂອງ​ການ​ສຳ​ຫລວດ​ດັ່ງກ່າວ​ຈະ​ເປັນ​ຂໍ້​ມູນ​ທີ່​ສຳຄັນ​ເພື່ອ​ຕີ​ລາ ຄາ​ແລະວັດ​ແທກ​ຜົນ​ສຳ​ເລັດ​ຂອງ​ການຈັດຕັ້ງປະຕິບັດ​ແຜນ​ຍຸດ​ທະ​ສາດ​ພັດທະນາ​ເສດຖະກິດ- ສັງ ຄົມ ​ແລະ ​ເປັນ​ໄມ້​ຫລາ​ວັດ​ແທກ​ສຳລັບ​ການ​ຫລຸດ​ພົ້ນ​ອອກ​ຈາກ​ປະ​ເທດ​ດ້ອຍ​ພັດທະນາ​ໃນ​ປີ 2020 ກໍ​ຄື ​ຫລຸດ​ພົ້ນ​ອອກ​ຈາກ​ຄວາມທຸກ​ຍາກ​ຕາມ​ເປົ້າ​ໝາຍ​ສະຫັດ​ສະ​ວັດ​ຂອງ​

ພັດທະນາເຂື່ອນໄຟຟ້າຕ້ອງໄປຄຽງຄູ່ກັບຄວາມຍືນຍົງ



    ປັດຈຸບັນ ຄວາມຕ້ອງການ ຂອງ ການຊົມໃຊ້ໄຟຟ້າແມ່ນມີສູງຂຶ້ນເລື້ອຍໆ ເຊິ່ງປະເທດລາວ ກໍພວມສຸມໃສ່ການພັດທະນາ ເຂື້ອນໄຟຟ້າໃຫ້ຫລາຍຂຶ້ນ ເພື່ອ ຕອບສະໜອງກັບຄວາມຕ້ອງການດັ່ງກ່າວ ແລະ ໄປຄຽງຄູ່ກັບ ການຮັກສາສະພາບແວດ ລ້ອມ ແລະ ຄວາມຍືນຍົງ.
    ແນ່ນອນ ການອານຸລັກຮັກສາ ທຳມະຊາດປ່າໄມ້ໃຫ້ມີຄວາມອຸ ດົມສົມບູນນັ້ນ ເປັນຜົນດີໃຫ້ແກ່ການສ້າງແຫລ່ງນ້ຳທຳມະ ຊາດ ໃຫ້ອຸດົມສົມບູນ ເຊິ່ງຈະເປັນປັດ ໃຈສຳຄັນໃນການສະໜອງນ້ຳ ໃຫ້ມີຢ່າງພຽງພໍສຳລັບການຜະລິດກະແສໄຟຟ້າໃນຕໍ່ ໜ້າ.
    ທ່ານ ສຸລິນທອນ ເລືອງຄຳສິງ ນັກເສດຖະສາດປະຈຳທະນາຄານພັດທະນາອາຊີປະຈຳລາວ ກ່າວວ່າ: ສ ປປ ລາວ ມີ ຄວາມອາດສາມາດສູງຫລາຍໃນການ ພັດທະນາພະລັງງານໄຟຟ້າໂດຍສະເພາະແມ່ນການສ້າງເຂື່ອນໄຟຟ້າ ແລະ ມັນເປັນ ສິ່ງຈຳເປັນຫລາຍທີ່ຈະພັດທະນາໃຫ້ມີຄວາມຍືນຍົງ.
          ທ່ານ ສາສະດາຈານ ດຣ ພູເພັດ ແກ້ວພິລາວົງ ຈາກຄະນະ ເສດຖະສາດບໍລິຫານທຸລະກິດມະຫາວິທະຍາໄລແຫ່ງ ຊາດ ກ່າວວ່າ: ການໃຊ້ພະລັງງານໄຟ ຟ້າໃນທະວີບອາຊີ ຈະເພີ່ມຂຶ້ນ ໃນທົດສະວັດທີ່ຈະມາເຖິງນີ້ຍ້ອນການພັດທະນາທາງ ດ້ານເສດຖະກິດມີການເພີ່ມຂຶ້ນຫລາຍໃນພູມິພາກ.

ນັກທ່ອງທ່ຽວນິຍົມຂີ່ຊ້າງເພີ່ມຂຶ້ນ



       ຊ້າງເປັນສັດທີມີຄຸນຄ່າ ແລະ ມີຄວາມຜູກພັນກັບຊາວລາວເຮົາ ມາໄດ້ຫຼາຍ ຍຸກ,ຫຼາຍສະໄໝແລ້ວ, ປະຈຸບັນນີ້ປະຊາ ກອນຊ້າງ, ນັບທັງຊ້າງລ້ຽງແລະຊ້າງປ່າເຫັນ ວ່ານັບມື້ຫຼຸດໜ້ອຍຖອຍລົງເນື່ອງ ຈາກຫຼາຍສາເຫດເປັນຕົ້ນແມ່ນ ການຂະຫຍາຍ ພັນຂອງຊ້າງລ້ຽງ ແມ່ນມີໜ້ອຍກ່ວາສັດປະເພດອື່ນ, ສ່ວນຊ້າງປ່າແມ່ນຫຼຸດ​ລົງຍ້ອນ ການຖືກລ່າແລະຖືກທຳລາຍທີ່ຢູ່ອາໄສ ຈາກຄົນເຮົາຈົນເຮັດໃຫ້ຜູ້ລ້ຽງຊ້າງ ແລະ ຫຼາຍພາກສ່ວນທີ່ກ່ຽວຂ້ອງເປັນຫຼວງເລື່ອງອະນາຄົດຂອງມັນ.
          ບ້ານກຽດໂງ້ງເມືອງປະທຸມ ພອນແຂວງຈຳປາສັກແມ່ນ ບ້ານໜຶ່ງທີ່ມີຊ້າງ ຫຼົງເຫຼືອຢູ່ ເຊິ່ງ ໄດ້ມີການສ້າງຕັ້ງເປັນສະ ມາຄົມ ຊ້າງ ແລະນຳໃຊ້ ຊ້າງເຂົ້າໃນການບໍລິການນັກທ່ອງທ່ຽວທັງ ພາຍໃນແລະຕ່າງ ປະເທດ, ເປັນຕົ້ນແມ່ນກິດຈະກຳຂ່ີຊ້າງ ຊົມບຶງ, ຊົມທັດສະນິຍະພາບປ່າສະຫງວນແຫ່ງຊາດເຊປຽນ ແລະ ຊົມທຳມະຊາດ ເທິງພູອາສາຕາມ ໂຄງການທ່ອງທ່ຽວອະນຸ ລັກທຳ ມະຊາດແບບຍືນຍົງໂດຍປະຊາຊົນມີສ່ວນຮ່ວມ, ພໍ່ເຖົ້າສີກາແສງພະຈັນ, ຮອງປະທານສະມາຄົມຊ້າງບ້ານກຽດໂງ້ງໃຫ້ຮູ້ວ່າ:ປັດຈຸບັນພາຍໃນບ້ານກໍຄືພາຍໃນສະມາຄົມມີຊ້າງ13ໂຕສຳລັບການບໍລິການໃຫ້ນັກທ່ອງທ່ຽວໄດ້ຂ່ີໃນແຕ່ລະມື້, ໄດ້ ຈັດຖ່ຽວຜັດປ່ຽນກັນ ຕາມຈຳນວນນັກ​ທ່ອງ​ທ່ຽວ, ສ່ວນ​ຄ່າ​ບໍ​ລິການ​ຂີ່ຊ້າງ​ຂື້ນ​ພູ​ອາ ສາ​ແມ່ນ120.000​ກີບ/ຖ​້ຽວ,​ໃນ​ນັ້ນ​ແບ່ງປັນ​ໃຫ້​ເຈົ້າ​ຂອງ​ຊ້າງ90​ພັນ​ກີບ,​ແບ່ງປັນ​ໃຫ້​ບ້ານ,​ເມືອງ​ແລະ​ສະມາຄົມ​ບ່ອນລະ10​ ພັນ​ກີບ, ​ແຕ່​ຖ້າ​ຂີ່​ຊ້າງ​ທ່ຽວ​ປ່າ​ຊົມ​

ພຽງ 6 ເດືອນສົກປີ 2012-13 GDP ສະຫວັນນະເຂດບັນລຸ 65%



     ເປັນໄປໃນທິດທາງດີພໍສົມ ຄວນສຳລັບການພັດທະນາເສດ ຖະກິດ-ສັງຄົມຂອງແຂວງສະ ຫວັນນະເຂດ ເຊິ່ງໃນ 6 ເດືອນ ສົກປີ 2012-2013 ນີ້ ລວມຍອດ ຜະລິດຕະພັນພາຍໃນ (GDP) ທົ່ວ ແຂວງບັນລຸໄດ້ກາຍເຄິ່ງຂອງ ແຜນການ ຄິດເປັນເງິນປະມານ 6 ພັນຕື້ກວ່າກີບ. ຂະນະທີ່ການຈັດ ຕັ້ງວຽກງານຫລາຍດ້ານມີ ຄວາມຄືບໜ້າ ກາຍເປັນແຮງຊຸກ ຍູ້ສຳຄັນຕໍ່ການພັດທະນາພາຍໃນ ແຂວງໃຫ້ເປັນໄປຢ່າງຕໍ່ເນື່ອງ.
    ຕາມການເປີດເຜີຍຂໍ້ມູນໃນ ກອງປະຊຸມຄົບຄະນະບໍລິຫານ ງານພັກແຂວງເປີດກວ້າງ ຄັ້ງທີ 7 ສະໄໝທີ VII ທີ່ມີຂຶ້ນໃນ ລະຫວ່າງວັນທີ 29-30 ເມສາແລ້ວນີ້ ຢູ່ສະໂມສອນຫ້ອງວ່າການປົກ ຄອງແຂວງ ພາຍໃຕ້ການເປັນປະ ທານຂອງທ່ານ ດຣ. ສຸພັນ ແກ້ວ ມີໄຊ ເລຂາພັກແຂວງ, ເຈົ້າ ແຂວງສະຫວັນນະເຂດ, ມີຄະນະ ປະຈຳພັກແຂວງ, ກຳມະການພັກ ແຂວງ, ຫົວ ໜ້າພະແນກການ ອ້ອມຂ້າງ ແລະ ພາກສ່ວນກ່ຽວ ຂ້ອງເຂົ້າຮ່ວມ ໄດ້ໃຫ້ຮູ້ວ່າ: ໃນ 6 ເດືອນຕົ້ນສົກປີ 2012-2013 ຜ່ານ ມາ, ສະພາບການລວມທົ່ວແຂວງ ຍັງສືບຕໍ່ມີຄວາມໜັກແໜ້ນ ແລະ ສະຖຽນລະພາບທາງການເມືອງ ມີຄວາມໝັ້ນທ່ຽງ, ສັງຄົມມີຄວາມສະຫງົບ ແລະ ເປັນລະ ບຽບຮຽບຮ້ອຍໂດຍພື້ນຖານ, ການພັດທະນາເສດຖະກິດ-ສັງ ຄົມຂອງແຂວງຍັງສືບ ຕໍ່ຂະຫຍາຍຕົວຢ່າງຕໍ່ເນື່ອງ. ພື້ນຖານ ໂຄງລ່າງຢູ່ເທສະບານແຂວງ ແລະ ບັນດາເມືອງຈຳນວນໜຶ່ງໄດ້ຮັບການປັບປຸງສ້ອມ ແປງ ແລະ ກໍ່ສ້າງຂຶ້ນໃໝ່, GDP ຂອງ ແຂວງປະຕິບັດໄດ້ 6.528 ຕື້ກີບ ເທົ່າກັບ 65,73% ຂອງແຜນການປີ, ສະເລ່ຍລາຍ ຮັບຕໍ່ຄົນໄດ້ 858 ໂດລາສະຫະລັດ, ໃນນັ້ນ ຂະ ແໜງກະສິກຳປະຕິບັດໄດ້ 7,61%, ຂະແໜງອຸດສາຫະກຳປະຕິບັດ ໄດ້

ຈັດງານລ້ຽງອຳລາຂອງທ່ານນາງປູ້ຈ້ຽນກົວເອກອັກຄະລັດຖະທູດຈີນປະຈຳລາວ



     ວັນທີ 30 ເມສາແລ້ວນີ້ ຢູ່ນະ ຄອນຫລວງວຽງຈັນ, ໄດ້ຈັດງານລ້ຽງອຳລາ ຂອງ ທ່ານນາງ ປູ້ຈ້ຽນກົວ ເອກອັກຄະລັດຖະ ທູດ ຈີນປະຈຳລາວ, ໂດຍມີທ່ານ ສິນລະ ວົງ ຄຸດໄພທູນ, ກຳມະການ ສູນກາງພັກ, ຫົວຫນ້າຫ້ອງວ່າ ການລັດຖະບານ, ປະ ທານສະມາຄົມມິດຕະພາບລາວ-ຈີນ ພ້ອມ ພັນລະຍາ, ລັດຖະມົນຕີວ່າການ, ທຸຕາ ນຸທູດ ແລະ ຜູ້ຕາງຫນ້າອົງການຈັດຕັ້ງ ປະຈຳລາວ, ຊາວ ຈີນຕ່າງດ້າວ, ວິສາຫະກິດ ຈີນ, ຄູອາຈານ ແລະ ນັກສຶກສາຄົນ ຈີນ ລວມ 300 ກວ່າທ່ານ ໄດ້ເຂົ້າຮ່ວມງານ ລ້ຽງເທື່ອນີ້.
     ໃນງານລ້ຽງ, ທ່ານນາງປູ້ ຈ້ຽນກົວ ກ່າວວ່າ : ສປປ ຈີນ ແລະ ສປປ ລາວ ເປັນບ້ານໃກ້ ເຮືອນຄຽງທີ່ດີ, ເພື່ອນມິດທີ່ດີ, ສະຫາຍທີ່ດີ ແລະ ຄູ່ຮ່ວມມືທີ່ດີ, ສອງຝ່າຍໄດ້ຊ່ວຍເຫລືອເຊິ່ງກັນ ແລະ ກັນ ໃນເສັ້ນທາງສັງຄົມນິ ຍົມ, ໃນເວລາ 3 ປີ ທີ່ດຳ ລົງຕຳ ແຫນ່ງ ທ່ານໄດ້ເປັນສັກຂີພະຍານ ໃຫ້ແກ່ການຂະຫຍາຍໂຕລົງສູ່ ລວງເລິກຂອງສາຍພົວພັນຄູ່ຮ່ວມມືຍຸດທະຍາດ ຮອບດ້ານລະຫວ່າງສອງປະເທດຈີນ-ລາວ, ເຊິ່ງການພົວພັນດ່ັງກ່າວແມ່ນ ສ້າງຂຶ້ນບົນພື້ນຖານຄວາມໄວ້ ເນື້ອເຊື່ອໃຈ ເຄົາລົບ ເຊິ່ງກັນ ແລະ ກັນ, ແລະ ຕ່າງຝ່າຍຕ່າງມີ ຜົນປະໂຫຍດ, ສອດຄ່ອງກັບຜົນ ປະໂຫຍດຮ່ວມຂອງສອງປະ ເທດ, ທ່ານເຊື່ອ ຫມັ້ນວ່າ, ມິດຕະ ພາບຈີນ-ລາວ ຈະທົນທານຕໍ່ ການທົດສອບຫລາຍຢ່າງ, ແລະ ຈີມີອະນາຄົດທີ່ສວຍງາມຢ່າງ ແນ່ນອນ.
       ສະແດງຄວາມຂອບອົກ ຂອບໃຈຕໍ່ພັກ ແລະ ລັດຖະບານລາວ ກໍຄືອົງການຕ່າງໆທີ່ໄດ ເອົາໃຈໃສ່ ແລະ ສະຫນັບສະ ຫນູນການຂະຫຍາຍສາຍພົວພັນ ຈີນ-ລາວ ໃຫ້ນັບມື້ເຕີບໃຫຍ່ຂຶ້ນເລື້ອຍໆ.