ໃນວັນທີ 8 ກຸມພານີ້, ບໍລິສັດ ໂຕໂຍຕ້າ ມໍເຕີ້
ປະເທດໄທ ຈຳກັດໄດ້ຈັດປະກວດຮູບ ແຕ້ມໃນຫົວຂໍ້ “ ລົດໂຕໂຍຕ້າ ໃນ ຝັນ ຂອງຂ້ອຍຄັ້ງທີ 4 ” ໃຫ້ກຽດເຂົ້າຮ່ວມເປັນປະທານໂດຍ
ທ່ານ ໂຍອິຊີ ຊາຄາຣະ ຜູ້ປະສານງານກຳມະການຜູ້ຈັດ ການບໍລິສັດໂຕໂຍຕ້າມໍເຕີ້ ປະເທດໄທ ຈຳກັດ,
ທ່ານ ຈັກກະຣິນ ຊົນນະທີທອນ ຮອງຜູ້ອຳນວຍການຝ່າຍປະຕິບັດການປະເທດລາວ ບໍລິສັດ ໂຕໂຍຕ້າ ມໍເຕີ້
ປະເທດໄທຈຳກັດ ພ້ອມດ້ວຍພະນັກງານ, ຕົວແທນຈຳໜ່າຍ ແລະ ນ້ອງນ້ອຍນັກຮຽນຈາກໂຮງຮຽນແຫ່ງຕ່າງໆອ້ອມຂ້າງນະຄອນຫຼວງວຽງຈັນເຂົ້າຮ່ວມ.
ການປະກວດຮູບແຕ້ມໃນຄັ້ງ ນີ້ຈັດຂຶ້ນເປັນຄັ້ງທີ
4 ໃນປະເທດລາວ ເຊິ່ງໃນປີ 2014 ນີ້ ໄດ້ແບ່ງການປະກວດ ອອກ ເປັນ 2 ຂັ້ນຄື: ຂັ້ນແຂວງຢູ່
4 ແຂວງ ໃຫ່ຍຄື: ແຂວງຫຼວງພະບາງ, ສະຫວັນນະເຂດ ແລະ ແຂວງຈຳປາສັກ ໃນວັນທີ 1 ກຸມ ພາ 2014
ແລະ ຢູ່ນະຄອນຫຼວງໃນວັນທີ 8 ກຸມພາ 2014 ແລະ ຈະໄດ້ນຳເອົາຮູບແຕ້ມຂອງຜູ້ຊະນະເລີດຂັ້ນແຂວງທັງໝົດ
ມາທຳການຕັດສິນຂັ້ນປະເທດທີ່ນະຄອນຫຼວງວຽງຈັນ ແລະ ປະກາດມອບລາງວັນໃນວັນທີ 19 ກຸມພາ
2014 ທີ່ຈະເຖິງນີ້ຢູ່ນະຄອນຫຼວງວຽງຈັນ. ງານດັ່ງກ່າວນັບວ່າໄດ້ຮັບຄວາມສົນ
ໃຈຈາກນ້ອງນ້ອຍເຍົາວະຊົນ
ແລະ ຜູ້ປົກຄອງເປັນຢ່າງດີໂດຍມີ ຍອດຜູ້ສະໝັກເຖິງ 1.351 ຄົນ. ໃນນັ້ນແຂວງສະຫວັນນະເຂດມີ
203 ຄົນ, ແຂວງຈຳປາສັກມີ 141 ຄົນ, ແຂວງຫຼວງພະ ບາງ 176 ຄົນ ແລະ ນະຄອນຫຼວງ ວຽງຈັນມີ
831 ຄົນ.
ທ່ານ ສຸດທານີ
ໄຊຍະສານ ຮອງຫົວໜ້າພະແນກສຶກສາທິການ ແລະ ກິລາ ນະຄອນຫຼວງວຽງຈັນກ່າວວ່າ: ຂໍແດງ ຄວາມຂອບໃຈຕໍ່ບໍລິສັດ
ໂຕໂຍຕ້າ ທີ່ໄດ້ຈັດກິດຈະກຳດີໆແບບນີ້ໃຫ້ແກ່ນ້ອງນ້ອຍນັກຮຽນໄດ້ສະແດງອອກທາງດ້ານຄວາມສາມາດໃນການຄົ້ນຄິດອອກແບບຜ່ານຂອງເຂົາເຈົ້າຜ່ານຮູບແຕ້ມ
ແລະ ໄດ້ມີໂອກາດນຳເອົາຜົນງານຂອງຕົນໄປຮ່ວມໃນການ ແຂ່ງຂັນຮູບແຕ້ມຊິງຊະນະເລີດຢູ່ໃນປະເທດຍີ່ປຸ່ນໃນອະນາຄົດ
ສະນັ້ນ ສະແດງໃຫ້ເຫັນອີກເທື່ອໜຶ່ງວ່າ: ບໍລິສັດ ໂຕໂຍຕ້າ ເວລາ ໃດກໍເປັນຫ່ວງເປັນໃຍໃຫ້ໂອກາດແກ່ລູກຫຼານຂອງເຮົາໄດ້ພັດທະນາການສຶກສາ
ແລະ ແນວຄິດປັນຍາ.
ນອກຈາກການປະກວດແຕ້ມຮູບທີ່ເປັນກິດຈະກຳຫຼັກໃນການຈັດງານແລ້ວ,
ໂຕໂຍຕ້າຍັງໄດ້ຈັດໃຫ້ມີການຫຼີ້ນເກມຊິງ ລາງວັນ ແລະ ກິດຈະກຳມ່ວນໆໃຫ້ຄວາມບັນເທິງ ແລະ ໂຕໂຍຕ້າຫວັງເປັນຢ່າງຍິ່ງວ່າຄັ້ງນີ້ຈະເປັນບາດກ້າວໝຶ່ງທີ່ເຮັດໃຫ້
ເຍົາວະຊົນລາວສາມາດພັດທະນາຂີດຄວາມສາມາດຂອງຕົນຂຶ້ນສູ່ເວທີສາກົນໃນອະນາຄົດໃຫ້ມີຄວາມຮູ້ດ້ານສິນລະປະ
ແລະ ພັດທະນາແນວຄວາມຄິດສ້າງສັນມີຄວາມຮູ້ຄວາມສາມາດພັດທະນາປະເທດຕໍ່ໄປ.
No comments:
Post a Comment