laophatthananewspaper: ບາງນະໂຍບາຍຊຸກຍູ້ການຜະລິດເຂົ້າ ແລະ ສັດເພື່ອຄ້ຳປະກັນສະບຽງອາຫານ

ໃນການລາຍງານໃຫ້ຂໍ້ມູນເພີ່ມຕື່ມຕໍ່ສະພາແຫ່ງຊາດກ່ຽວກັບການຜະລິດເຂົ້າ ແລະ ສັດ ເພື່ອຄ້ຳປະກັນສະບຽງອາຫານ ແລະ ເປັນສິນຄ້າ ເຊິ່ງນຳສະເໜີໂດຍທ່ານ ສົມສະຫວາດ ເລັ່ງສະ ຫວັດ ຮອງນາຍົກລັດຖະມົນຕີ, ຜູ້ຊີ້ນຳວຽກງານເສດຖະກິດການຜະລິດ ແລະ ຈໍລະຈອນ ທັງເປັນຫົວໜ້າຄະນະປະສານງານສູນກາງເພື່ອປະຕິບັດໂຄງການສົ່ງເສີມການຜະລິດສິນຄ້າ ແລະ ໂຄງການຄ້ຳປະກັນດ້ານສະ ບຽງອາຫານ ໃຫ້ຮູ້ວ່າ: ເພື່ອປະ ຕິບັດມາດຕະການໃຫ້ໄດ້ຮັບຜົນດີ ທາງຄະນະປະສານງານຂັ້ນ ສູນກາງ ຈຶ່ງໄດ້ສະເໜີບາງມາດຕະການສຳຄັນຕໍ່ສະພາແຫ່ງຊາດດັ່ງນີ້: ໜຶ່ງຕ້ອງມີນະໂຍ ບາຍສົ່ງເສີມການນຳໃຊ້ທີ່ດິນສຳລັບການລ້ຽງສັດ ແລະ ສັດນ້ຳ ດ້ວຍການຈັດຕັ້ງຂຶ້ນທະ ບຽນ ແລະ ຄຸ້ມຄອງທີ່ດິນທີ່ໃຊ້ເປັນເຂດລ້ຽງສັດໃຫຍ່, ທີ່ດິນທີ່ໃຊ້ເປັນຟາມລ້ຽງສັດແຕ່ລະປະ

ເພດ, ແຫລ່ງນ້ຳສຳລັບລ້ຽງສັດນ້ຳຂອງບຸກຄົນ, ນິຕິບຸກຄົນ ແລະ ການຈັດຕັ້ງ ທັງຂອງພາກລັດ ແລະ ເອກະຊົນໃຫ້ເປັນທາງການ. ສອງຕ້ອງມີນະໂຍບາຍດ້ານແຮງງານ ໂດຍການຈັດຕັ້ງ ຂຶ້ນທະບຽນ ແລະ ຄຸ້ມຄອງແຮງງານລ້ຽງສັດ ແລະ ສັດນ້ຳ ຫລື ແຮງງານທີ່ເຮັດວຽກຢູ່ໃນໂຮງ ງານປຸງແຕ່ງທີ່ຖືເປັນອາຊີບຕົ້ນ ຕໍ, ປະຈຳ, ຖາວອນ ແລະ ຕ້ອງໄດ້ຄົ້ນຄວ້າອອກນະໂຍບາຍຢ່າງເໝາະສົມໃຫ້ແກ່ເຂົາເຈົ້າຢ່າງເປັນທຳ. ສາມຕ້ອງມີນະໂຍ ບາຍດ້ານການເງິນ ແລະ ທະນາ ຄານເພື່ອຈັດສັນງົບປະມານການລົງທຶນຂອງລັດເປັນອັນສະເພາະເຂົ້າໃສ່ກິດຈະກຳພັດທະນາ ແລະ ສະໜອງແນວພັນສັດ ແລະ ສັດນ້ຳໃຫ້ພຽງພໍ ເປັນຕົ້ນການລົງທຶນໃສ່ການສ້າງພື້ນຖານວັດ ຖຸເຕັກນິກ, ການຊື້ແນວພັນ, ການ ຄົ້ນຄວ້າ ແລະ ພັດທະນາແນວພັນລວມທັງການສ້າງນັກຄົ້ນ ຄວ້າ ແລະ ສົ່ງເສີມດ້ານແນວພັນ, ສົ່ງເສີມການລົງທຶນໃສ່ກິດ ຈະກຳການຜະລິດ ແລະ ສະ ໜອງຢາປ້ອງກັນ ແລະ ປິ່ນປົວພະຍາດສັດໃຫ້ພຽງພໍ ເພື່ອໃຫ້ສາ ມາດຮັບປະກັນບໍລິການໃຫ້ແກ່ຊາວກະສິກອນໄດ້ຢ່າງທົ່ວເຖິງ, ຈັດສັນງົບປະມານສະເພາະ ເພື່ອການວິໄຈພະຍາດ, ການຢັ້ງຢືນສຸຂະພາບສັດ, ສັດນ້ຳ ແລະ ການກວດກາຄຸນນນະພາບຂອງຜະ ລິດຕະພັນສິນຄ້າກ່ຽວກັບສັດໃຫ້ພຽງພໍ ເພື່ອຍົກລະດັບໃຫ້ເທົ່າທຽມກັບຕ່າງປະເທດ ແລະ ສາ ມາດບໍລິການທີ່ເຊື່ອຖືໄດ້ໃຫ້ແກ່ຜູ້ລ້ຽງສັດ, ຜູ້ປະກອບການໄດ້ຢ່າງໝັ້ນໃຈ.

ນອກນັ້ນ ຍັງໄດ້ຄົ້ນຄວ້ານະໂຍບາຍດ້ານພາສີ ແລະ ອາກອນທີ່ເໝາະສົມ ເພື່ອສົ່ງເສີມການລ້ຽງສັດຢ່າງກວ້າງຂວາງ ໂດຍເນັ້ນໃສ່ສົ່ງເສີມການຜະລິດໃນທົ່ວລະບົບ ລວມເຖິງການປຸງແຕ່ງ ແລະ ລະບົບການຈຳໜ່າຍໃນຕະຫລາດ. ເຫັນສົມຄວນພິ ຈາລະນາປະຕິບັດນະໂຍບາຍພາສີອາກອນຜ່ອນຜັນໃຫ້ພາກ ສ່ວນຜູ້ຜະລິດ ແລະ ເກັບອາກອນພາສີໃນຂອດປຸງແຕ່ງ ແລະ ການຕະຫລາດ ເພື່ອຖົມຂຸມໃນຂອດການຜະລິດຕາມບາງບົດຮຽນປະຕິບັດໃນປະເທດອ້ອມຂ້າງ, ຄະນະປະສານງານຂັ້ນສູນກາງ ໄດ້ສະເໜີສ້າງຕັ້ງກອງທຶນແຮແນວພັນ ແລະ ອາຫານສັດ ເພື່ອເປັນການປ້ອງກັນຄວາມສ່ຽງໃນຍາມເກີດຜົນກະທົບຈາກໄພ ພິບັດທາງທຳມະຊາດ; ກອງທຶນສຸຂະພາບສັດ ແລະ ຢາກັນພະ ຍາດສັດ ເພື່ອເປົ້າໝາຍຄວບຄຸມ ຫລື ລຶບລ້າງພະຍາດລະບາດສະເພາະໃດໜຶ່ງທີ່ອາດເປັນອັນຕະ ລາຍຕໍ່ຊີວິດສຸຂະພາບຂອງຄົນ ແລະ ສັດ ທີ່ຈະເກີດຜົນກະທົບຮ້າຍແຮງຕໍ່ເສດຖະກິດຂອງຊາດ; ສ້າງກອງທຶນ ຫລື ສະຫະ ກອນສິນເຊື່ອຊຸມຊົນ ເພື່ອການພັດທະນາການລ້ຽງສັດ ແລະ ການປະມົງ ເພື່ອເຮັດໃຫ້ຜູ້ປະ ກອບການລ້ຽງສັດ ແລະ ການປະມົງຂະໜາດນ້ອຍໃຫ້ສາມາດເຂົ້າເຖິງສິນເຊື່ອຢ່າງທົ່ວເຖິງ ແລະ ກອງທຶນອື່ນໆ ເພື່ອແຊກແຊງລາຄາ ຫລື ຮັບປະກັນລາຄາຂັ້ນຕ່ຳແນໃສ່ຮັບປະກັນໃຫ້ຜູ້ຜະລິດ ແລະ ຜູ້ປະກອບການມີກຳໄລໃນລະດັບ 30%.

ນອກຈາກນະໂຍບາຍທີ່ກ່າວມາຂ້າງເທິງນັ້ນແລ້ວ, ທາງຮອງນາຍົກລັດຖະມົນຕີ ຍັງໄດ້ສະເໜີເພີ່ມຕື່ມກ່ຽວກັບບັນຫາການພັດ ທະນາສີມືແຮງງານທີ່ຊຳນິຊຳ ນານ ແລະ ວິຊາການທີ່ເປັນຊ່ຽວ ຊານສະເພາະດ້ານ ເພື່ອຮັບຜິດ ຊອບໃນແຕ່ລະຂອດວຽກງານໃນລະບົບຕ່ອງໂສ້ການຜະລິດເຂົ້າ ແລະ ການລ້ຽງສັດ. ໝາຍ ວ່ານັບແຕ່ຂອດປູກ, ລ້ຽງຫາຂອດປຸງແຕ່ງ ແລະ ຂອດຈໍລະຈອນ ແລະ ຂອດການຕະຫລາດ ພ້ອມກັບຂອດຮັບປະກັນມາດຕະຖານ ແລະ ຄຸນນະພາບຂອງຜະລິດຕະພັນ ແລະ ສິນຄ້າ ດ້ານສະຂະນາໄມພືດ ແລະ ສັດ ແນໃສ່ຮັບປະກັນຄວາມປອດໄພດ້ານສະບຽງອາຫານ ແລະ ຜະ ລິດສິນຄ້າສົ່ງອອກຕ່າງປະເທດໄດ້ ເຊິ່ງບັນຫາຂໍ້ສະເໜີທັງໝົດນີ້ ທາງຮອງນາຍົກລັດຖະມົນຕີ ໄດ້ຮຽກຮ້ອງມາຍັງກອງປະຊຸມສະ ພາແຫ່ງຊາດຈົ່ງຄົ້ນຄວ້າພິຈາ ລະນາ ແລະ ໃຫ້ການສະໜັບ ສະໜູນຕາມທີ່ເຫັນເໝາະສົມ ເພື່ອໃຫ້ສຳເລັດໃນການຈັດຕັ້ງ ປະຕິບັດໂຄງການຜະລິດເຂົ້າ ແລະ ສັດໃນການຄ້ຳປະກັນຄວາມໝັ້ນຄົງດ້ານສະບຽງອາ ຫານແຫ່ງຊາດ ເຊິ່ງເປັນບັນຫາສຳຄັນໃນແນວທາງຂອງພັກຕໍ່ຂົງເຂດວຽກງານກະສິກຳ ເຊິ່ງເປັນ ຄວາມຮັບຜິດຊອບລວມ ຂອງທຸກຂະແໜງການ ແລະ ທົ່ວສັງຄົມ.