ພາບຈາກ ກູ້ໄພກາແດງລາວ |
ເຈົ້າໜ້າທີ່ພະແນກສະກັດກັ້ນ ແລະ
ຕ້ານອັກຄີໄພ ນະຄອນຫລວງວຽງຈັນ ໃຫ້ຮູ້ວ່າ:
ໃນຕອນເຊົ້າມືດຂອງວັນທີ
22 ມີນາຜ່ານມາ,
ໄດ້ເກີດເຫດໄຟໄໝ້ໂຮງງານເຟີນິເຈີ ຢູ່ບ້ານໜອງດ້ວງທົ່ງ ເມືອງສີໂຄດຕະບອງນະຄອນ ຫລວງ ວຽງຈັນ ເຊິ່ງເປັນໂຮງງານປຸງແຕ່ງໄມ້ສຳເລັດຮູບຂອງທ້າວ ອ່ອນແກ້ວ ຈິດ ຖາວອນ ອາຍຸ 49 ປີ ເປັນນັກທຸລະກິດ ຢູ່ບ້ານຮ່ອງຄ້າ ເມືອງສີໂຄດຕະບອງ
ນະຄອນຫລວງວຽງຈັນ
ພາຍຫລັງເຈົ້າໜ້າທີ່ໄດ້ ຮີບຮ້ອນນຳລົດນ້ຳຈຳນວນ 2 ຄັນ
ແລະ ເຈົ້າໜ້າທີ່ 20 ຄົນ ລົງຈຸດເກີດເຫດເພື່ອສຸມເຂົ້າສະກັດກັນໄຟບໍ່ໃຫ້ລຸກລາມໄປຫາເຮືອນໃກ້ຄຽງ, ໂດຍໃຊ້ເວລາປະມານ 3
ຊົ່ວໂມງກວ່າຈຶ່ງສາມາດຄວບຄຸມໄຟໄວ້ໄດ້
ແລະ ໂຊກດີບໍ່ມີຄົນໄດ້ຮັບບາດເຈັບ ຫລື
ເສຍຊີວິດ. ຜ່ານການລົງພິສູດຫລັກຖານສະຖານທີ່ເກີດເຫດຂອງເຈົ້າໜ້າທີ່ໃຫ້ຮູ້ວ່າ:
ສາເຫດຂອງການເກີດເຫດອັກຄີໄພຄັ້ງນີ້
ແມ່ນເກີດຈາກໄຟຟ້າລັດວົງຈອນ, ອາດຈະເປັນການນຳໃຊ້ສາຍໄຟເກົ່າ ຈຶ່ງເຮັດໃຫ້ໄຟຊ໋ອດ ແລະ ເກີດໄຟໄໝ້ຢ່າງໄວວາ,
ລວມມູນຄ່າເສຍຫາຍຫລາຍກວ່າ 2 ແສນບາດ
(ສະກຸນເງິນໄທ) ແລະ 2 ພັນກວ່າໂດລາສະຫະລັດ, ໃນນັ້ນ ປະກອບມີ ເຄື່ອງຈັກ 2 ໜ່ວຍ ແລະ ຜະລິດຕະພັນໄມ້ຈຳນວນໜຶ່ງ.
No comments:
Post a Comment