ໃນວັນທີ 3 ກຸມພາ 2015 ນີ້, ທ່ານ
ທອງສິງ ທໍາມະວົງ ນາຍົກລັດຖະມົນຕີ
ແລະຄະນະໄດ້ລົງຊີ້ນໍາການສໍຫລວດພົນລະເມືອງ ແລະ ທີ່ຢູ່ອາໄສ ຄັ້ງທີ IV ຢູ່ບ້ານດອນໄຮ່ ເມືອງປາກງຶ່ມ ນະຄອນຫລວງວຽງຈັນ
ແລະ ທ່ານໄດ້ເນັ້ນໃຫ້ ນັກເດີນສໍາຫລວດພົນລະເມືອງ ແລະ
ທີ່ຢູ່ອາໄສ ເມືອງປາກງື່ມກໍຄືບ້ານດອນໄຮ່ໃຫ້ເອົາໃຈ ໃສ່ປະຕິບັດໜ້າທີ່ດ້ວຍ
ຄວາມຮັບຜິດຊອບສູງ, ກໍາແໜ້ນ ແລະ ປະຕິບັດຕາມ ມະຕິຄໍາສັ່ງ, ບໍ່ມັກງ່າຍ, ບໍ່ຟ້າວຟັ່ງ ແລະ
ຕ້ອງມີຄວາມອົດທົນພະ ຍາຍາມໃນໜ້າທີ່ ວຽກງານຂອງຕົນ.
ໃນໂອກາດນີ້, ທ່ານນາຍົກລັດຖະມົນຕີ ຍັງໄດ້ຍ້ອງຍໍຊົມເຊີຍອໍານາດການປົກຄອງເມືອງ
ກໍຄື ບ້ານດອນໄຮ່ ທີ່ ໄດ້ເອົາໃຈໃສ່ຊີ້ນໍາ-ນໍາພາການເດີນສຳຫລວດພົນລະເມືອງ ແລະ ທີ່ຢູ່ອາໄສ
ຄັ້ງນີ້ເຮັດໃຫ້ການຈັດຕັ້ງປະຕິບັດວຽກງານດັ່ງ ກ່າວດໍາເນີນໄປດ້ວຍຄວາມເປັນລະບຽບຮຽບຮ້ອຍ
ແລະ ຮັບປະກັນຄວາມສະຫງົບ. ພ້ອມນີ້, ທ່ານນາຍົກລັດຖະມົນຕີ ຍັງໄດ້ຊີ້ໃຫ້ເຫັນຄວາມໝາຍຄວາມສໍາຄັນ
ຂອງການເດີນສໍາຫລວດ ພົນລະເມືອງໃນຄັ້ງນີ້ ເຊິ່ງພົວພັນເຖິງຫລາຍບັນຫາ ຄືບັນຫາແຮງງານ, ບັນຫາຄົນຫວ່າງງານ, ບັນຫາການເຄື່ອນຍ້າຍຂອງພົນລະເມືອງ, ການເພີ່ມຂຶ້ນ ແລະ ຫລຸດລົງຂອງ
ພົນລະເມືອງ, ການຜະລິດ ແລະ
ການສ່້າງແຜນພັດທະນາເສດຖະກິດ-ສັງຄົມຂອງບ້ານ, ເມືອງ, ແຂວງ ແລະ
ປະເທດ. ສະນັ້ນ ຖ້າການຈົດນັບໂຕເລກບໍ່ຖືກຕ້ອງ, ຂໍ້ມູນບໍ່ຊັດເຈນ ກໍຈະເຮັດໃຫ້ການວາງແຜນພັດທະນາເສດຖະກິດ-ສັງຄົມບໍ່ຖືກຕ້ອງກັບຄວາມເປັນຈິງ. ດັ່ງນັ້ນ ຈຶ່ງຮຽກຮ້ອງໃຫ້ຄະນະຊີ້ນໍາຂັ້ນເມືອງ ແລະ
ບ້ານ
ກໍຄືນັກເດີນສໍາຫລວດ ຕ້ອງໄດ້ເອົາໃຈໃສ່ການຈົດນັບໂຕເລກໃຫ້ຖືກຕ້ອງຕາມແບບຟອມ 63 ຄໍາຖາມ, ຢ່າງລະອຽດ, ຖືກຕ້ອງກັບຄວາມປັນຈິງ, ສະ ເພາະນັກເດີນສໍາຫລວດຕ້ອງໄດ້ເອົາໃຈໃສ່ເກັບກໍາຂໍ້ມູນຢ່າງຈະແຈ້ງ, ບໍ່ມັກງ່າຍ,
ໂຕໃດບໍ່ແຈ້ງກໍຕ້ອງໄດ້ພະຍາຍາມສອບຖາມ ເພື່ອຄວາມຖືກຕ້ອງ
ແລະ ຊັດເຈນ, ສ່ວນປະຊາຊົນ ກໍຕ້ອງເປັນເຈົ້າການໃຫ້ຄວາມຮ່ວມມືໃນການແຈ້ງຊຶ່-ນາມສະກຸນ
ແລະ ຂໍ້ມູນອື່ນໆໃຫ້ຖືກຕ້ອງກັບຕົວຈິງ.
ໃນໂອກາດນີ້, ທ່ານນາຍົກລັດຖະມົນຕີ ກໍໄດ້ຮັບຟັງການລາຍງານກ່ຽວກັບການເຄື່ອນໄຫວໃນ
ບັ້ນສໍາຫລວດ ພົນລະເມືອງ ແລະ ທີ່ຢູ່ອາໄສຄັ້ງນີ້ຈາກທ່ານ ວົງເດືອນ ບຸນຍະແສງ ເຈົ້າເມືອງປາກງື່ມ
ເຊິ່ງທ່ານໄດ້ແຈ້ງວ່າ: ເມືອງປາກ ງຶ່ມ ປະກອບມີ 53 ບ້ານ, 10.812 ຄົວເຮຶອນ, ມີພົນລະເມືອງ 55.992 ຄົນ, ຍິງ 27.576 ຄົນ. ໄດ້ແຕ່ງຕັ້ງຄະນະ
ຊີ້ນໍາ 9 ຄົນ, ນັກກວດກາ 36 ຄົນ, ສໍາຮອງ 3 ຄົນ, ມີ 183 ເຂດສໍາຫລວດ, ມີນັກເດີນສໍາຫລວດ
146 ຄົນ, ສໍາຮອງ 14 ຄົນ ໄດ້ ດໍາເນີນການສໍາຫລວດນັບແຕ່ວັນທີ 1 ມີນາເປັນຕົ້ນມາ. ຜ່ານການສໍາຫລວດໄດ້ພົບຄວາມຫຍຸ້ງຍາກຄືນັກ
ເດີນສໍາຫລວດບໍ່ພຽງພໍ ເຊິ່ງເບື້ອງຕົ້ນທາງຄະນະຊີ້ນໍາສໍາຫລວດພົນລະເມືອງຂັ້ນສູນກາງໄດ້ກໍານົດໃຫ້ແບ່ງເຂດສໍາ
ຫລວດເປັນ 146 ເຂດ ຕໍ່ມາໄດ້ມີການປ່ຽນແປງໃໝ່ ໂດຍໄດ້ແບ່ງ ເຂດສໍາຫລວດເປັນ 183 ເຂດ. ສະນັ້ນ
ຈໍາເປັນໄດ້ ເພີ່ມຈໍານວນນັກເດີນສໍາຫລວດຕຶ່ມອີກ ໂດຍໄດ້ນໍາໃຊ້ນັກກວດກາມາເດີນສໍາຫລວດຊ່ວຍ,
ສະເລ່ຍ 50 ຄົວເຮືອນຕໍ່ ນັກເດີນສໍາຫລວດໜຶ່ງຄົນ.
ສໍາລັບບ້ານດອນໄຮ່ມີພົນລະເມືອງ 1.853 ຄົນ, ຍິງ 945 ຄົນ,
ປະຊາຊົນສ່ວນໃຫຍ່ມີອາຊີບເຮັດນາ, ມີນັກ ເດີນສໍາຫລວດ 6 ຄົນ. ບ້ານໄດ້ໂຄສະນາເຜີຍແຜ່ກ່ຽວກັບການສໍາຫລວດພົນລະເມືອງ
ແລະ ທີ່ຢູ່ອາໄສໃຫ້ປະຊາຊົນ ພາຍໃນບ້ານໄດ້ຮັບຮູ້ຜ່ານທາງໂທລະໂຄງຂອງບ້ານເປັນປະຈໍາ ແລະ ໄດ້ນຳເອົາໃບປົດສະເຕີໄປຕິດຕາມທາງແຍກ
ຫລື ເຂດຊຸມຊົນຕ່າງໆ ເພື່ອປະຊາຊົນໄດ້ເຂົ້າໃຈເຖິງຄວາມໝາຍ ແລະ ຄວາມສຳຄັນຂອງການສຳຫລວດພົນລະເມືອງ
ແລະ ທີ່ຢູ່ອາໄສຄັ້ງນີ້.
No comments:
Post a Comment