ພິທີວາງສີລາເລິກກໍ່ສ້າງໂຮງງານຄຳມ່ວນຊີມັງຈຳກັດ ທີ່ມີກຳລັງການຜະລິດຫລາຍເຖິງ 1,8 ລ້ານໂຕນຕໍ່ປີ ເຊິ່ງຕັ້ງ ຢູ່ບ້ານໂພວາ ເມືອງມະຫາໄຊ ແຂວງຄຳມ່ວນ ໄດ້ມີຂຶ້ນໃນວັນທີ 3 ມີນານີ້ ໂດຍການເຂົ້າຮ່ວມຂອງ ທ່ານ ໂອໄດ ສຸດາ ພອນ ຮອງເຈົ້າແຂວງຄຳ ມ່ວນ, ທ່ານ ອະດິສັກ ເທບພະອາດ ເຈົ້າຄອງນະຄອນພະນົມ, ທ່ານ ສີນາວາ ສຸພານຸວົງ ລັດ ຖະມົນຕີຊ່ວຍວ່າການກະຊວງພະລັງງານ ແລະ ບໍ່ແຮ່ ພ້ອມຄະະອຳນວຍການ ແລະ ພະ ນັກງານກຸ່ມບໍລິສັດ ເອັສຊີຈີ (SCG) ເຂົ້າຮ່ວມເປັນຈຳນວນຫລາຍ. ທ່ານ ສະໄຫວ ມຸທິຕາສະ ກຸນ ຜູ້ອຳວຍການບໍລິສັດ ຄຳມ່ວນ ຊີມັງ ຈຳກັດ ໃຫ້ຮູ້ວ່າ: ໂຮງງານແຫ່ງນີ້ມີເນື້ອທີ່ກວ້າງຂວາງ ໂດຍແມ່ນກຸ່ມບໍລິສັດ ເອັສຊີຈີ (SCG) ຈາກປະເທດໄທ ເປັນຜູ້ລົງທຶນກໍ່ ສ້າງປະມານ 10 ພັນ ລ້ານບາດ (ສະກຸນເງິນໄທ) ຫລື ປະມານ 250 ຕື້ກວ່າກີບ ມີອາຍຸສຳປະທານ 50 ປີ ແລະ ສາ ມາດ ຕໍ່ສັນຍາໄດ້ຕື່ມອີກຕາມລະບຽບກົດໝາຍການລົງນທຶນຂອງລາວ. ການກໍ່ສ້າງໂຮງງານ ແຫ່ງນີ້ກໍເພື່ອແນໃສ່ຕອບສະ ໜອງຄວາມຕ້ອງການຊົມໃຊ້ຊີມັງທີ່ເພີ່ມຂຶ້ນຢ່າງຕໍ່ເນື່ອງນັບທັງ ພາຍໃນ ແລະ ຕ່າງປະເທດ ເຊິ່ງຊີມັງ ແມ່ນຜະລິດຕະພັນ
ທີ່ມີບົດບາດໃນການນຳໃຊ້ເຂົ້າໃນ ການພັດທະນາໂຄງລ່າງພື້ນຖານ ແລະ ປັບປຸງສະພາບແວດ ລ້ອມການເປັນຢູ່ທີ່ດີ. ໂຮງງານ ແຫ່ງນີ້ຕັ້ງຂຶ້ນໃນເຂດທີ່ມີຄວາມເໝາະສົມທາງດ້ານວັດຖຸດິບ ແລະ ພູມິປະເທດ ເນື່ອງ ຈາກສາມາດ ເຊື່ອມຕໍ່ການຂົນສົ່ງທີ່ສະດວກໄປຍັງບັນດາປະເທດອາຊຽນ ແລະ ທັງເປັນການ ສືບຕໍ່ປະຕິບັດແຜນ ຂະຫຍາຍທຸລະກິດ ຂອງບໍລິສັດ ໃນປີ 2015 ໃຫ້ສອດຄ່ອງກັບກົນລະຍຸດ ແລະ ວິໄສທັດໃນການກ້າວສູ່ເປັນຜູ້ນຳ ໜ້າທາງທຸລະກິດໃນອາຊຽນ, ຫລັງຈາກກ່ອນໜ້ານີ້, ພວກ ເຮົາໄດ້ລົງທຶນກໍ່ສ້າງໂຮງງານຊີມັງຢູ່ປະເທດອິນໂດເນເຊຍ, ມຽນມາ ແລະ ກຳປູເຈຍແລ້ວ ເພື່ອຮອງຮັບການເຂົ້າເປັນປະຊາຄົມເສດຖະກິດອາຊຽນໃນທ້າຍປີນີ້ນຳດ້ວຍ. ທ່ານ ພິຊິດ ໄມ້ພຸມ ປະທານກຸ່ມບໍລິສັດ ເອັສຊີຈີ ຊີເມັນ ບີວດິງ ແມດເທີລຽວ ກ່າວວ່າ: ການຜະລິດຂອງ ໂຮງງານແຫ່ງນີ້ຈະນຳໃຊ້ເຕັກໂນໂລຊີທີ່ທັນສະໄໝ ແລະ ມີລະບົບການຮັກສາສິ່ງ ແວດລ້ອມຕາມມາດຕະຖານສາກົນ ເພື່ອໃຫ້ສົ່ງຜົນກະທົບຕໍ່ລະບົບນິເວດທຳມະຊາດ, ສິ່ງແວດລ້ອມ ແລະ ຊຸມຊົນໜ້ອຍທີ່ສຸດ ເຊິ່ງຄາດວ່າຈະເລີ່ມ ຜະລິດຊີມັງໃນຕົ້ນປີ 2017. ທ່ານຮອງເຈົ້າແຂວງຄຳມ່ວນ ໂອໄດ ສຸດາພອນ ກ່າວວ່າ: ປັດຈຸບັນ, ພັກ ແລະ ລັດຖະ ບານ ພວມສຸມໃສ່ການພັດທະນາພື້ນຖານໂຄງລ່າງ ແລະ ແກ້ໄຂຄວາມທຸກຍາກຂອງປະຊາຊົນ ເວົ້າລວມ, ເວົ້າສະເພາະ ແຂວງຄຳມ່ວນກໍພວມເລັ່ງໃສ່ການພັດທະນາສ້າງ ສາແຂວງ ໃຫ້ມີໃບໜ້າໃໝ່ ໂດຍສຸມໃສ່ດຶງດູດການລົງທຶນທັງພາຍໃນ ແລະ ຕ່າງປະເທດຕາມທ່າ ແຮງຂອງແຂວງ ຄືແຂວງຄຳມ່ວນເປັນເຂດທີ່ມີຊັບພະຍາກອນທຳມະຊາດຫລາຍ. ສະນັ້ນ ການເຂົ້າມາລົງທຶນກໍ່ສ້າງໂຮງງານຊີມັງແຫ່ງນີ້ຈຶ່ງສອດຄ່ອງກັບແນວທາງນະໂຍບາຍຂອງພັກ ແລະ ລັດຖະບານ ແລະ ໄປຕາມທ່າແຮງຂອງແຂວງກຳນົດໄວ້ ແລະ ຖ້າໂຮງງານແຫ່ງນີ້ສຳ ເລັດກໍຈະກາຍເປັນບ່ອນສ້າງວຽກເຮັດງານທຳໃຫ້ປະຊາຊົນທ້ອງຖິ່ນເປັນຈຳນວນຫລາຍ, ເຮັດ ໃຫ້ຊຸມຊົນມີລາຍຮັບດີຂຶ້ນ ແລະ ຈະປະກອບສ່ວນພັນທະໃຫຍ່ ຫລວງໃນດ້ານຕ່າງໆໃຫ້ລັດຖະ ບານ ແລະ ສັງຄົມ, ທັງປະກອບສ່ວນສຳຄັນເຂົ້າໃນການພັດທະນາເສດຖະກິດ-ສັງຄົມ ແລະ ຊ່ວຍຫລຸດຜ່ອນຄວາມທຸກຍາກຂອງປະຊາຊົນໄດ້ເທື່ອລະກ້າວ.
No comments:
Post a Comment