ມື້ວານນີ້
(ວັນທີ 1 ມິຖຸນາ 2015)
ແມ່ນມື້ເລີ່ມຕົ້ນຂອງການສຳ ຫລວດ ພົນລະເມືອງ ແລະ ທີ່ຢູ່ອາໄສ
ຄັ້ງທີ IV ໃນຂອບເຂດທົ່ວປະເທດດ້ວຍບັນຍາກາດ ອັນຟົດຟື້ນຕາມກົດໝາຍວ່າດ້ວຍສະຖິຕິ ແລະ
ຂໍ້ຕົກລົງຂອງນາຍົກລັດ ຖະມົນ ຕີແຫ່ງ ສປປ ລາວ ສະບັບເລກ ທີ 89/ນຍ, ລົງວັນທີ
11/9/2013 ໂດຍທ່ານ ດຣ. ບຸນປອນ ບຸດຕະນະວົງ ຮອງນາຍົກລັດຖະມົນຕີ, ຜູ້ຊີ້ນຳວຽກງານເສດຖະ ກິດມະ ຫາພາກ
ແລະ ບໍລິການ, ຫົວໜ້າຄະນະຊີ້ນຳການສຳຫລວດພົນ ລະເມືອງ ແລະ ທີ່ຢູ່ອາໄສລະ
ດັບຊາດໄດ້ລົງກວດກາແຜນລົງສຳຫລວດບາງຈຸດໃນນະຄອນຫລວງວຽງຈັນໃນວັນທີ 1 ມີນາ
2015 ເຊິ່ງ ບາງຕອນທ່ານໄດ້ກ່າວເນັ້ນວ່າ: ນີ້ແມ່ນການສຳຫລວດໃຫຍ່ໃນການຈົດນັບພົນລະເມືອງທຸກຄົນລວມທັງ
ເງື່ອນໄຂ ແລະ ສະພາບການເປັນ ຢູ່ຂອງພົນລະເມືອງລາວເພື່ອໃຫ້ມີຂໍ້ມູນສະໜອງໃຫ້ແກ່ການສ້າງ
ແຜນພັດທະນາເສດຖະກິດ-ສັງຄົມ ໂດຍສະເພາະການວາງແຜນນະໂຍບາຍທາງດ້ານປະຊາກອນ ແລະ
ຕິດຕາມເປົ້າໝາຍສະຫັດສະວັດ ແຫ່ງການພັດທະນາ
ແລະ ຍັງແມ່ນ ຄວາມຈຳເປັນຢ່າງພາວະວິໄສ
ເພາະເປັນພຽງແຫລ່ງດຽວເທົ່ານັ້ນທີ່ຈະສະໜອງຂໍ້ມູນດ້ານເສດຖະກິດ-ສັງ ຄົມໄດ້ເຖິງລະດັບຂັ້ນບ້ານທີ່ຈະເປັນພື້ນຖານໃຫ້ແກ່ການນຳທ້ອງ
ຖິ່ນໄດ້ນຳໃຊ້ເຂົ້າໃນການວາງ ແຜນນະໂຍບາຍແກ້ໄຂຄວາມ ທຸກຍາກກໍຄືວຽກງານ 3
ສ້າງ ແລະ ທັງເປັນການປະກອບສ່ວນເຂົ້າໃນຂະບວນການສຳຄັນຕ່າງໆຂອງພາກພື້ນ ແລະ
ສາກົນ ອີກດ້ວຍ ແລະ ຈະເປັນຖານຂໍ້ມູນພື້ນຖານ ໃຫ້ແກ່ການສຶກສາທາງດ້ານປະ ຊາກອນ, ອັດຕາການຮຽນຮູ້ໜັງ
ສື, ການບໍລິ ຫານດ້ານສຸຂະພາບ, ຄຸນລັກສະນະຂອງທີ່ຢູ່ອາໄສ, ອັດ
ຕາການເກີດ, ການຕາຍ, ອາຍຸສະ ເລ່ຍຂອງຍິງ-ຊາຍ, ສະໜອງຂໍ້ມູນ ແຮງງານ, ອັດຕາການມີວຽກເຮັດງານທຳ
ແລະ ການຍົກຍ້າຍ ຂອງປະຊາກອນອື່ນໆອີກ. ພ້ອມຈະເປັນບ່ອນອີງໃຫ້ແກ່ວຽກງານຄຸ້ມຄອງບໍລິຫານ
ແລະ ພັດທະ ນາຊັບພະຍາກອນມະນຸດ, ການຕິດຕາມກວດກາ, ຕີລາຄາ
ແລະ ຕີລາຄາການຈັດຕັ້ງປະຕິບັດບັນດາຄາດໝາຍຂອງແຜນພັດທະນາເສດຖະກິດ-ສັງຄົມ 5
ປີຂອງແຕ່ລະໄລຍະ ແລະ ເປັນບ່ອນອີງໃຫ້ແກ່ການຕີລາຄາບັນລຸເປົ້າໝາຍສະ ຫັດສະວັດແຫ່ງການພັດທະນາປີ
2015, ຄາດໝາຍສູ້ຊົນໃຫ້ປະ ເທດຫລຸດພົ້ນອອກຈາກພາວະດ້ອຍພັດທະນາ ໃນປີ 2020.
ການສຳຫລວດພົນລະເມືອງ
ເທື່ອນີ້ກໍເພື່ອຈົດນັບເອົາພົນລະເມືອງທຸກຄົນລວມທັງຊາວຕ່າງດ້າວ, ຊາວຕ່າງ
ປະ ເທດ, ຄົນບໍ່ມີສັນຊາດທຸກຄົນ ແລະ ທຸກຄົວ ເຮືອນທີ່ຢູ່ເປັນປະຈຳໃນ ສປປ ລາວ ໂດຍຄາດວ່າຈະໃຊ້ເວລາ
ການສຳ ຫລວດໄປຮອດວັນທີ 7 ມີ ນານີ້ ໂດຍໄດ້ໃຊ້ນັກເດີນສຫຼວດ ແລະ ກວດກາທັງໝົດປະມານ 20.000 ກວ່າຄົນ.
ໂອກາດດຽວກັນນີ້
ທ່ານ ຮອງນາຍົກ,
ລັດຖະມົນຕີໄດ້ຮຽກຮ້ອງມາຍັງນັກເດີນສຳຫລວດ, ນັກກວດກາ
ແລະ ພະນັກ ງານທີ່ຖືກມອບໝາຍວຽກງານສຳຄັນນີ້ ຈົ່ງພ້ອມກັນປະຕິບັດໜ້າທີ່ທີ່ມີກຽດ ດ້ວຍຄວາມຮັບຜິດຊອບສູງ, ມີຄວາມ ອົດທົນຜ່ານຜ່າຄວາມຫຍຸ້ງຍາກທຸກປະການເພື່ອເຮັດໃຫ້ການເດີນສຳຫລວດຄັ້ງນີ້ໄດ້ຮັບຜົນສຳເລັດຕາມຈຸດປະສົງ
ແລະ ລະດັບ ຄາດໝາຍທີ່ວາງໄວ້. ພ້ອມນີ້ ທ່ານ ຍັງຮຽກຮ້ອງໃຫ້ທຸກພາກສ່ວນ
ຈົ່ງຕັ້ງໜ້າປະກອບສ່ວນເຂົ້າໃນ ການຮັກ ສາຄວາມສະຫງົບ ແລະ ຄວາມເປັນລະບຽບຮຽບຮ້ອຍຕະຫລອດໄລຍະຂອງການດຳເນີນບັ້ນສຳຫລວດພົນລະ
ເມືອງ ແລະ ທີ່ຢູ່ອາໄສທົ່ວປະເທດຄັ້ງທີ IV ໃຫ້ສຳເລັດຜົນເປັນຢ່າງດີ.
No comments:
Post a Comment