ໃນຄ່ໍາຄືນຂອງວັນທີ 30 ມີນາຜ່ານມາ, ທະນາຄານຮ່ວມພັດທະນາ (JDB) ໄດ້ຈັດງານສະເຫລີມສະຫລອງວັນສ້າງຕັ້ງຄົບຮອບ
25 ປີຂອງຕົນ ຂຶ້ນຢູ່ໂຮງແຮມ ດອນຈັນ
ພາເລດ
ນະຄອນຫລວງວຽງຈັນ, ໂດຍການໃຫ້ກຽດເຂົ້າຮ່ວມຂອງທ່ານ ທອງສິງ
ທຳມະວົງ
ນາຍົກລັດຖະມົນຕີ,
ມີທ່ານ ດຣ. ສິນລະວົງ ຄຸດໄພທູນ ເຈົ້າຄອງນະຄອນຫລວງວຽງຈັນ, ພ້ອມດ້ວຍພະນັກງານ
ແລະ ລູກຄ້າເຂົ້າຮ່ວມເປັນ ຈຳນວນຫລາຍ.
ທ່ານ ເອກະພັນ ພະພິທັກ
ປະທານສະພາບໍລິຫານ ທະນາຄານຮ່ວມພັດທະນາ
ກ່າວວ່າ: ທະນາຄານຮ່ວມພັດທະ
ນາໄດ້ເປີດໃຫ້ບໍລິການມາແລ້ວ 25 ປີ, ພາຍ
ຫລັງໄດ້ມີການມອບ-ຮັບ ເປັນຂອງເອກະຊົນລາວ 100% ຢ່າງເປັນທາງການໃນວັນທີ 18 ຕຸລາ
2012, ຕັ້ງແຕ່ນັ້ນມາ, ຜູ້ບໍລິຫານ
ແລະ ພະນັກງານທຸກຄົນໄດ້ສຸມທຸກຄວາມພະຍາຍາມ
ເພື່ອພັດທະນາທະນາຄານ ໃຫ້ມີຄວາມທັນສະໄໝ, ຜະລິດຕະພັນດ້ານການເງິນທີ່ຫລາກຫລາຍມາຮັບໃຊ້ສັງຄົມ, ທັງນີ້ເພື່ອເຮັດໃຫ້ການດຳເນີນທຸລະກິດການເຕີບໃຫຍ່ຂະຫຍາຍຕົວຢ່າງບໍ່ຢຸດຢັ້ງ. ໃນໄລຍະ 2 ປີຜ່ານມາ, ການບໍລິຫານທຸລະກິດໄດ້ຮັບຜົນສຳເລັດໃນຂັ້ນເບື້ອງ
ຕົ້ນ, ຍ້ອນໄດ້ຮັບການຊີ້ນຳຢ່າງໃກ້ຊິດ
ແລະ ຊ່ວຍເຫລືອຈາກຂັ້ນເທິງ, ໂດຍສະເພາະກໍແມ່ນທະນາຄານແຫ່ງ ສປປ
ລາວ, ພ້ອມກັນນີ້ ກໍຍ້ອນການສະໜູນສະໜູນຈາກບັນດາລູກຄ້າທີ່ໄດ້ໃຫ້ຄວາມເຊື່ອໝັ້ນ ແລະ ໄວ້ເນື້ອເຊື່ອໃຈຕໍ່ທະນາຄານພວກເຮົາຕະຫລອດມາ. ນອກຈາກນີ້ ກໍຈະມີການປັບປຸງ ແລະ
ພັດທະນາທຸລະກິດໃຫ້ດີເລື້ອຍ ເພື່ອກ້າວເຂົ້າສູ່ປະຊາຄົມເສດຖະກິດອາຊຽນໃນທ້າຍປີ 2015ນີ້.
ທ່ານ ສູນທອນ
ຈັນທະວົງ ອຳນວຍການທະນາຄານຮ່ວມພັດທະນາໄດ້ກ່າວວ່າ: ເພື່ອສ້າງຄວາມເຊື່ອໝັ້ນໃນການບໍລິການ, ການສະໜອງທຶນຮອນສູ່ການຜະລິດທຸລະກິດ ແລະ ໃຫ້ເປັນທີ່ຍອມຮັບຂອງສັງຄົມ, ອັນເປັນການປະກອບ
ສ່ວນສຳຄັນໃນການພັດທະນາເສດຖະກິດ-ສັງຄົມແຫ່ງຊາດໃຫ້ມີຄວາມເຕີບໃຫຍ່ຂະຫຍາຍຕົວຕາມຄາດໝາຍ
ທີ່ພັກ-ລັດຖະບານວາງໄວ້, ພ້ອມກັນນີ້ ກໍຈະໃຫ້ບໍລິການທີ່ດີທີ່ສຸດຮັບໃຊ້ລູກຄ້າໃນທຸກລະດັບ, ທຸກຊັ້ນຄົນ ແລະ
ຜູ້ປະກອບການຕ່າງໆໃຫ້ມີຄວາມສະດວກສະບາຍ, ວ່ອງໄວ ແລະ ເປັນທີ່ປະທັບໃຈຂອງບັນດາລູກຄ້າທີ່ມາໃຊ້ບໍລິການນຳພວກເຮົາຢ່າງສະໝ່ຳສະເໝີ, ໂດຍສ່ອດຄ່ອງກັບຄຳຂັວນທີ່ວ່າ: “ທະນາຄານຮ່ວມພັດທະນາ ເຕີບໃຫຍ່ໄປພ້ອມກັນ”.
ປັດຈຸບັນສຳນັກງານໃຫຍ່ທະນາຄານຮ່ວມພັດທະນາ ຕັ້ງຢູ່ຖະໜົນລ້ານຊ້າງ
ບ້ານຫັດສະດີ ເມືອງຈັນທະບູລີ ນະ ຄອນຫລວງວຽງຈັນ
ມີພະນັກງານທັງໝົດ 400 ກວ່າຄົນ,
ມີໜ່ວຍບໍລິການ 23 ໜ່ວຍ, ມີຕູ້ເອທີເອັມ 120
ຕູ້, ມີບໍລິການສິນເຊື່ອ, ບໍລິການດ້ານເງິນຝາກ, ບໍລິການດ້ານຕ່າງປະເທດ, ວີຊາ, ເອທີເອັມ, ຕົວແທນຂາຍປະກັນໄພ ແລະ ບໍລິການດ້ານການເງິນອື່ນໆ.
No comments:
Post a Comment