ເຈົ້າໜ້າທີ່ພະແນກສືບສວນ-ສອບສວນ ນະຄອນຫລວງວຽງຈັນ
ໃຫ້ຮູ້ວ່າ: ປັດຈຸບັນກຳລັງເຈົ້າໜ້າທີ່ຂອງຕົນ ພວມເລັ່ງສືບ ສວນ-ສອບສວນຫາສາເຫດ ການຈົມນ້ຳຕາຍຂອງ
3 ແມ່ລູກຢູ່ບ້ານໜອງແວງ, ເມືອງຫາດຊາຍຟອງ, ນະ ຄອນຫລວງວຽງຈັນ, ຫລັງຊາວບ້ານຄົນໜຶ່ງ ອອກໄປຫາປາຢູ່ເຂດນັ້ນ
ໄດ້ພົບ ສົບເດັກນ້ອຍຜູ້ຍິງຄົນໜຶ່ງທີ່ຟູຂຶ້ນຈາກໜອງນ້ຳ, ຢູ່ຫ່າງຈາກບ້ານ ດັ່ງ ກ່າວປະມານ
300 ແມັດ ແລ້ວຊາຍຄົນນັ້ນໄດ້ແລ່ນກັບໄປບອກຊາວບ້ານ ເພື່ອມາຊ່ວຍກັນລົງໄປ ເອົາຊາກສົບດັ່ງກ່າວຂຶ້ນມາ
ແຕ່ເມື່ອລົງໄປໃນໜອງຊ້ຳພັດ ພົບອີກ 2 ສົບທີ່ຍັງຈົມ ຢູ່ໃນພື້ນນ້ຳ ຈຶ່ງຊ່ວຍກັນນຳເອົາຂຶ້ນມາ
ແລະ ຮູ້ວ່າ: ທັງ 3 ຄົນ ເປັນແມ່ ລູກກັນຄື: ຜູ້ເປັນແມ່ຊື່ ນາງ ສົມຈິດ ດວງ ວິໄລ, ອາຍຸ
28 ປີ, ລູກທັງສອງຄົນຊື່ ນາງ ມີນາ, ອາຍຸ 4 ປີ ແລະ ທ້າວ ປຸກກີ້ ອາຍຸ 3 ປີ, ຢູ່ບ້ານດັ່ງກ່າວ,
ຄາດວ່າທັງ 3 ຄົນແມ່ນໄດ້ຈົມນ້ຳຕາຍຕັ້ງແຕ່ວັນທີ 17 ເມສາຜ່ານມາ, ປັດຈຸບັນ ເຈົ້າໜ້າທີ່ພວມເລັ່ງສືບສວນ-ສອບສວນຫາສາເຫດ
ຂອງການຈົ່ມນ້ຳຕາຍຂອງສາມແມ່ລູກດັ່ງກ່າວ.
No comments:
Post a Comment