ພິທີເປີດການບໍລິການລະບົບ 4G ຂອງລາວໂທລະຄົມຢ່າງເປັນທາງການ
ໄດ້ຈັດຂຶ້ນໃນວັນທີ 31 ມີນາຜ່ານມາ ຢູ່ເມືອງປາກເຊ ແຂວງ ຈຳປາສັກ ໂດຍການເຂົ້າຮ່ວມຂອງ ທ່ານ ດຣ. ບຸນຖອງ ດີວິໄຊ ເຈົ້າແຂວງ ແລະ ທ່ານ ດຣ. ທັນ ສະໄຫມ ກົມມະສິດ ລັດຖະມົນຕີຊ່ວຍວ່າການກະຊວງໄປສະນີ
ໂທລະຄົມມະ ນາຄົມ ແລະ ການສື່ສານ, ພ້ອມນັ້ນກໍມີຜູ້ອຳນວຍການໃຫຍ່ລາວໂທລະຄົມ,
ອຳນາດການປົກຄອງທ້ອງຖິ່ນ ແລະ ຮ້ານຕົວແທນຈຳຫນ່າຍຂອງ
ລາວໂທລະຄົມເຂົ້າຮ່ວມຢ່າງພ້ອມພຽງ.
ລາວໂທລະຄົມ
ເປັນຜູ້ໃຫ້ບໍລິການທາງດ້ານໂທລະຄົມມະນາຄົມຢ່າງເຕັມຮູບແບບ ໃນ ສປປ ລາວ ມາຍນານກວ່າ 18
ປີແລ້ວ ແລະ ທັງເປັນຜູ້ນຳໃນການໃຫ້ບໍລິການທາງດ້ານ Data ໂດຍການຂະຫຍາຍເຄື່ອຂ່າຍພື້ນທີ່ໃຫ້ກວ້າງ ຂວາງ ແລະ ຄວບຄຸມຄຸນນະພາບການບໍລິການໃຫ້ມີມາດຕະຖານ ແລະ ໄດ້ພັດທະນາທາງດ້ານເທັກນິກດ້ວຍ,
ການນໍາເອົາເຕັກໂນໂລຢີໃໝ່ໆເຂົ້າມານໍາໃຊ້ທັງນີ້ກໍເພື່ອເປັນການປະກອບສ່ວນເຂົ້າໃນການສ້າງສາ ແລະ ພັດທະນາປະເທດຊາດໃຫ້ກ້າວຫນ້າຂະ ຫຍາຍຕົວເພື່ອຕອບສະໜອງຄວາມຕ້ອງການຂອງຜູ້ຊົມໃຊ້ ແລະ ຮອງຮັບການກ້າວເຂົ້າສູ່ປະຊາຄົມເສດຖະກິດອາຊຽນໃນທ້າຍປີ 2015 ນີ້ມີຜົນສຳເລັດ.
ລາວໂທລະຄົມ ເປີດໃຫ້ບໍລິການ 4G LTE ມາແຕ່ທ້າຍປີ 2012 ເພື່ອຮັບໃຊ້ກອງປະຊູມສຸດຍອດອາເຊັມ
ຄັ້ງທີ 9 ທີ່ ສປປ ລາວ ໄດ້ຮັບກຽດເປັນເຈົ້າພາບໂດຍມີພື້ນທີ່ໃຫ້ບໍລິການໃນນະຄອນຫລວງເບື້ອງຕົ້ນ 20 ຈຸດ ແລະ ໄດ້ເພີ່ມຂຶ້ນເປັນ
80 ຈຸດໃນປະຈູບັນ
ເພື່ອຕອບສະຫນອງຄວາມຕ້ອງການຂອງລູກຄ້າທີ່ນັບມື້ເພີ່ມຫລາຍຂຶ້ນ ແລະ ການເປີດນຳໃຊ້ 4G ຢ່າງເປັນທາງການໃນມື້ນີ້ກໍເປັນມື້ຫນຶ່ງທີ່ມີຄວາມຫມາຍສຳຄັນຢ່າງຍິ່ງ ໃນວການໃຫ້ບໍລິການດ້ານໂທລະຄົມມະນາຄົມຂອງລາວ ໃຫ້ກວ້າງຂວາງ, ໂດຍສະເພາະແມ່ນໃຫ້ທ້ອງຖິ່ນຕ່າງໆໄດ້ນຳໃຊ້ລະບົ
4G ແຂວງຈຳປາສັກນີ້
ເຊິ່ງໃນເບື້ອງຕົ້ນພື້ນທີ່ໃຫ້ບໍລິ ການ 30 ຈຸດ ເພື່ອລູກຄ້າ ແລະ ພໍ່ແມ່ປະຊາຊົນ
ໄດ້ສຳຜັດກັບປະສົບການທີ່ເຫນືອລະດັບໃນການໃຫ້ບໍລິການ Data 4G ຂອງ ລາວ ໂທລະຄົມ ແລະ ຍັງຈະສືບຕໍ່ຂະຫຍາຍພື້ນທີ່ຄວບຄຸມພາຍໃນແຂວງໃຫ້ຫລາຍຂຶ້ນ
ນອກຈາກແຂວງຈຳປາສັກ ແລ້ວ ຍັງໄດ້ສືບຕໍ່ຂະຫຍາຍໄປຍັງແຂວງອື່ນໆອີກ ເພື່ອສາມາດຕອບສະຫນອງກັບຄວາມຕ້ອງການຂອງລູກຄ້າໃຫ້ໄດ້ນຳໃຊ້ ເທັກໂນໂລຊີທີ່ທັນສະໄຫມວ່ອງໄວ
ແລະ ທຽບເທົ່າກັບສາກົນ. ສຳລັບລູກຄ້າທ່ານໃດທີ່ສົນໃຈ
ສາມາດເຂົ້າໄປທົດລອງນຳໃຊ້ ແລະ ເປີດນຳໃຊ້ບໍລິການ 4G ໄດ້
ທີ່ສູນບໍລິການລູກຄ້າຂອງລາວ ໂທລະຄົມໄດ້.
No comments:
Post a Comment