ໃນວັນທີ
28 ເມສານີ້, ບໍລິສັດ ໂຕໂຍຕາ ມໍເຕີ້ ປະເທດໄທ ຈຳກັດ, ໄດ້ຈັດພິທີປະກາດ ແລະ ມອບລາງວັນໃຫ້ຜູ້ຊະນະເລີດຈາກໂຄງການແຕ້ມຮູບ
ລົດໂຕໂຍຕາ ໃນຝັນຂອງຂ້ອຍປະຈຳປີ
2015, ຂຶ້ນທີ່ໂຮງແຮມລາວ ພລາຊາ, ນະຄອນຫລວງວຽງຈັນ,
ໂດຍການເຂົ້າຮ່ວມຂອງທ່ານ ປະກອນ ວົງວິທະຍາພິຣົມ ປະທານຝ່າຍ ປະຕິບັດການສາຍງານຍ່ອຍ ເຂດພູມມີພາກແມ່ນ້ຳຂອງ ຂອງບໍລິສັດດັ່ງກ່າວ,
ມີທ່ານ ຮສ. ດຣ ສີສະໝອນ
ສິດທິຣາດວົງສາ ຫົວໜ້າຫ້ອງການກະຊວງສຶກສາທິການ ແລະ ກິລາ ພ້ອມດ້ວຍຄູ-ອາຈານ ແລະ ນ້ອງນັກຮຽນເຂົ້າຮ່ວມເປັນຈຳນວນຫລວງຫລາຍ.
ສຳລັບຮຸ່ນອາຍຸຕ່ຳກວ່າ 8 ປີ ທີ່ໄດ້ຮັບລາງວັນທີ
1 ໄດ້ແກ່ນາງ ອາລິຍາ ວົງຄຳຈັນ,
ມາຈາກໂຮງຮຽນ ຊ້າງນ້ອຍ, ລາງວັນທີ
2 ໄດ້ແກ່ທ້າວ ພອນໄຊ ດວງວິໄລ, ໂຮງຮຽນຫ້ອມສະຫວັນ ແລະ ລາງວັນທີ 3 ໄດ້ແກ່ທ້າວ ພອນສະຫວັນ ພິມມະຈັນ,
ໂຮງຮຽນ ຮຸ່ງເຮືອງ; ຮຸ່ນອາຍຸ
8-11 ປີ ລາງວັນທີ
1 ໄດ້ແກ່ນາງ ພອນມະນີ ໂພທິບົວພາ ມາຈາກໂຮງຮຽນ ຫ້ອມສະຫວັນ, ລາງວັນທີ 2 ສຸນິຕາ ຫົງສຸວັນ, ໂຮງຮຽນ
ຊ້າງນ້ອຍ ແລະ ລາງວັນທີ 3 ໄດ້ແກ່ນາງ ພິມພອນ ພັນທິລາດ, ໂຮງຮຽນ ຫ້ອມສະຫວັນ
ແລະ ຮຸ່ນອາຍຸ 12-15 ປີ ໄດ້ຮັບລາງວັນທີ 1 ແມ່ນທ້າວ
ມັງກອນ ໄຊຍະວົງ ມາຈາກໂຮງຮຽນ ມສ ວຽງຈັນ,
ລາງວັນທີ 2 ທ້າວ ເຈມບອນ ຈະເລີນສຸກ ໂຮງຮຽນຫ້ອມສະຫວັນ ແລະ ລາງວັນທີ 3 ນາງ ອາລິສາ ໄຊຍະທິດ
ໂຮງຮຽນ ມສ ວຽງຈັນ. ສຳລັບຜູ້ທີ່ໄດ້ຮັບລາງວັນທີ 1 ຈະໄດ້ຮັບທຶນການສຶກສາຈຳນວນ 10 ລ້ານກີບ, ພ້ອມໃບຍ້ອງຍໍ ແລະ ຂັນລາງວັນຈາກໂຕໂຍຕາ, ລາງວັນທີ 2 ໄດ້ຮັບທຶນ
8 ລ້ານກີບ ແລະ ລາງວັນທີ 3 ໄດ້ຮັບທຶນ 6 ລ້ານກີບ ແລະ ລາງວັນຊົມເຊີຍຮຸ່ນລະ 2 ລາງວັນ,
ລາງວັນລະ 2 ລ້ານກີບ, ລວມມູນຄ່າລາງວັນທັງໝົດ 84 ລ້ານກີບ. ພ້ອມກັນນີ້ຜູ້ທີ່ໄດ້ຮັບລາງວັນທີ
1, 2 ແລະ 3 ໃນແຕ່ລະປະເພດ ຈະຖືກສົ່ງເຂົ້າຮ່ວມປະກວດໃນລະດັບໂລກທີ່ປະເທດຍີ່ປຸ່ນ, ຊຶ່ງຈະມີການປະກາດຜົນໃນເດືອນພຶດສະພາ 2015 ນີ້ ແລະ
ປີຜ່ານມາ ເຍົາວະຊົນລາວ ກໍໄດ້ຮັບລາງວັນຫລຽນເງິນໃນປະເພດອາຍຸ 12-15 ປີ.
ທ່ານ ປະກອນ ວົງວິທະຍາພິຣົມ ກ່າວວ່າ: ໂຄງການປະກວດດັ່ງກ່າວ ໄດ້ຈັດຂຶ້ນເປັນຄັ້ງທີ 9 ໃນລະດັບສາກົນ, ເຊິ່ງເປັນປີທີ 5 ທີ່ຈັດຂຶ້ນໃນປະເທດລາວ, ເຊິ່ງປີນີ້
ທາງບໍລິສັດ ໂຕໂຍຕາ ມໍເຕີ້ ປະເທດໄທ ຈຳກັດ, ໄດ້ຈັດຂຶ້ນຢ່າງຍິ່ງໃຫຍ່ກວ່າປີຜ່ານມາ,
ໂດຍການເປີດກວ້າງການປະກວດໃນທົ່ວປະເທດ ແລະ ໄດ້ຮັບຄວາມສົນໃຈຈາກເຍົາວະຊົນ
ແລະ ພໍ່ແມ່ຜູ້ປົກຄອງເປັນຈຳນວນຫລາຍ, ເຊິ່ງມີຜູ້ເຂົ້າຮ່ວມທັງໝົດ
4.047 ຄົນ, ການປະກວດດັ່ງກ່າວໄດ້ມີຄະນະກຳມະການຈາກກະຊວງສຶກສາທິການ
ແລະ ກິລາ, ກະຊວງຖະແຫລງຂ່າວ, ວັດທະນະທຳ
ແລະ ທ່ອງທ່ຽວ, ໂດຍສະເພາະ ກົມວິຈິດສິນແຫ່ງຊາດ,
ເພື່ອມາຄັດເລືອກຮູບແຕ້ມທີ່ນ້ອງໆນັກຮຽນແຕ່ລະໂຮງຮຽນສົ່ງເຂົ້າປະກວດຢ່າງມີຄຸນນະພາບດີ.
No comments:
Post a Comment