ວັນທີ 22 ເມສານີ້ ສະພາການຄ້າ ແລະ ອຸດສາຫະກຳແຫ່ງຊາດ, ໄດ້ຈັດ ກອງປະຊຸມປຶກສາຫາລືເຜີຍແຜ່ຜົນ
ສຳຫຼວດຄວາມຄິດເຫັນຂອງນັກທຸລະກິດຕໍ່ ການເປີດກວ້າງທາງດ້ານການຄ້າ ຂອງລາວ, ຂຶ້ນຢູ່ໂຮງແຮມລາວ
ພລາຊາ ນະ ຄອນຫຼວງວຽງຈັນ ໂດຍການເປັນປະທານຂອງທ່ານ ອຸເດດ ສຸວັນນະວົງ ຮອງປະທານສະພາການຄ້າ
ແລະ ອຸດສາ ຫະກຳແຫ່ງຊາດລາວ, ມີຜູ້ຕາໜ້າ ຈາກສະຖານທູດ, ອົງການຈັດຕັ້ງສາກົນ ແລະ ຜູ້ຕາງໜ້າ
ຈາກສະພາກນຄ້າຕ່າງປະ ເທດ, ຄະນະບໍລະຫານງານສະພາການຄ້າ, ພ້ອມດວຍຜູ້ຕ່າງໜ້າຈາກ ກະ ຊວງຕ່າງໆເຂົ້າຮ່ວມເປັນຈຳນວນຫຼາຍ.
ຮອງປະທານສະພາການຄ້າ
ແລະ ອຸດສາຫະກຳແຫ່ງຊາດມີຄຳເຫັນໃນກອງປະຊຸມວ່າ: ໃນນາມຕ່າງໜ້າໃຫ້ບັນດາຫົວ ໜ່ວຍທຸລະກິດ,
ທັງນັກລົງທືນພາຍໃນ ແລະ ຕ່າງປະເທດສັງເກດເຫັນວ່າຜ່ານການສຳຫຼວດຄວາມຄິດເຫັນຂອງນັກ ທຸລະກິດຕໍ່ການເປີດກ້ວາງດ້ານການຄ້າຂອງລາວ,
ແມ່ນເຮັດໃຫ້ເງື່ອນໄຂໃນການດຳເນີນທຸລະກິດ ແລະ ສະພາບແວດ
ລ້ອມຂອງທຸລະກິດລາວດີຂຶ້ນ, ປັດໄຈດັ່ງກ່າວໄດ້ເຮັດໃຫ້ຜູ້ປະກອບການທີ່ເປັນນັກລົງທືນພາຍໃນ
ແລະ ຕ່າງປະເທດທີ່ ມາລົງທຶນໃນລາວໄດ້ຮັບຜົນປະໂຫຍດທາງດ້ານການຄ້າ ແລະ ພັດທະນາສິນຄ້າຂອງເຂົາເຈົ້າໃຫ້ສາມາດສົ່ງອອກຕາມ
ເງື່ອນໄຂສິດທິພິເສດທາງດ້ານການຄ້າຂອບອາຊຽນ, ຂອບສອງຝ່າຍ ແລະ ສິດທິພິເສດທາງດ້ານການຄ້າຈາກສະຫະ
ພາບຢູໂລບ ແລະ ປະເທດອື່ນໆ ແລະ ຜ່ານກນເຂົ້າຮ່ວມຕໍ່ການກະກຽມບົດສຳຫຼວດຄັ້ງນີ້, ຍັງໄດ້ຮູ້ດ້ານດີ
ແລະ ສິ່ງ ທ້າທາຍຈຳນວນໜຶຶ່ງທີ່ພາກລັດ ແລະ ພາກທຸລະກິດຈຳນເປັນຈະ ຕ້ອງຮ່ວມກັນແກ້ໄຂເຊັ່ນ:
80% ຂອງຈຳນວນບໍ ລິສັດທີ່ເຂົ້າຮ່ວມການສຳຫລວດເກືອບ 300 ບໍລິສັດຈາກ 4 ແຂວງຄື:
ນະຄອນຫລວງວຽງຈັນ, ສະຫວັນນະເຂດ, ຫລວງພະບາງ ແລະ ຈຳປາສັກ, ພວກເຂົາເຈົ້າໄດ້ຮັບຜົນປະໂຫຍດຈາກການເຊື່ອມໂຍງ
ແລະ ການເປີດກວ້າງທາງດ້ານການຄ້າຂອງລາວພາຍຫລັງເຂົ້າເປັນສະມາຊິກຂອງອົງການການຄ້າໂລກ
ແລະ ໄດ້ເຮັດໃຫ້ບັນດາຫົວໜ່ວຍທຸລະກິດເຫຼົ່ານັ້ນສາມາດຂະຫຍາຍການຄ້າການຜະລິດສິນຄ້າເພື່ອການສົ່ງອອກໃນພາກພື້ນອາຊຽນ
ແລະ ສາກົນດີຂຶ້ນ; ແຕ່ ຄຽງຄູ່ກັນນັ້ນຍັງມີຫົວໜ່ວຍທຸລະກິດທີ່ເປັນຜູ້ລົງທຶນພາຍໃນຈຳນວນໜຶ່ງຍັງບໍ່ສາມາດເຂົ້າເຖິງຂໍ້ມູນຂ່າວສານດ້ານຂັ້ນຕອນການນຳເຂົ້າ-ສົ່ງອອກ
ໂດຍສະເພາະການຈັດຕັ້ງປະ ຕິບັດບັນດາລະບຽບການຢູ່ຂັ້ນແຂວງ ແລະ ຂັ້ນສູນກາງຍັງບໍ່ມີຄວາມເປັນເອກະພາບອັນໄດ້ສົ່ງຜົນກະທົບຕໍ່ຜູ້ປະກອບການ;
ຜົນຂອງການສຳຫລວດຍັງສະແດງໃຫ້ເຫັນບາງຫົວ ໜ່ວຍທຸລະກິດ, ໂດຍສະເພາະຂະໜາດນ້ອຍ
ແລະ ກາງຍັງບໍ່ມີຄວາມເຂົ້າໃຈຕໍ່ບັນດາລະບຽບ, ນະໂຍບາຍທາງດ້ານການຄ້າ, ນີ້ກໍເນື່ອງມາຈາກການເຜີຍແຜ່ຂໍ້ມູນຂ່າວສານຍັງຈຳກັດ
ແລະ ບໍ່ເປັນປົກກະຕິ.
ຮອງປະທານສະພາການຄ້າ ແລະ ອຸດສາຫະກຳແຫ່ງຊາດກ່າວວ່າ:
ໄລຍະຜ່ານມາ ສຄອ ແຫ່ງຊາດລາວ, ບັນດາສະມາຄົມ ແລະ ກຸ່ມທຸລະກິດທີ່ເປັນຜູ້ປະກອບການໄດ້ມີໂອກາດເຂົ້າຮ່ວມໃນການສະໜອງຂໍ້ມູນ,
ບົດສອບຖາມຂອງຫລາຍບົດສຳຫລວດຈາກພາກລັດ ແລະ ອົງການຈັດຕັ້ງສາກົນ. ບັນດາຜົນຂອງບົດສຳຫລວດແມ່ນມີປະໂຫຍດແກ່ການສັງລວມບັນຫາ,
ຂໍ້ສະເໜີ ແລະ ທິດທາງໃນການແກ້ໄຂໂດຍສະເພາະການສ້າງໂອກາດໃຫ້ພາກລັດ ແລະ
ພາກທຸລະກິດມີສ່ວນຮ່ວມໃນການແກ້ໄຂບັນຫາຮ່ວມກັນ. ດັ່ງນັ້ນຫວັງຢ່າງຍິ່ງວ່າ:
ການປຶກສາຫາລື ແລະ ປະກອບຄຳເຫັນຂອງບັນ ດາທ່ານຜ່ານກອງປະຊຸມປຶກສາຫາລືບົດສຳຫລວດຂອງພາກທຸລະກິດຕໍ່ການເປີດກວ້າງທາງດ້ານການຄ້າຂອງລາວຄັ້ງ
ນີ້ຈະເປັນການສັງລວມຂໍ້ສະເໜີຂອງພາກທຸລະກິດຕໍ່ອົງການຈັດຕັ້ງມະຫາພາກໃນການປັບປຸງ
ແລະ ແກ້ໄຂບັນຫາຕ່າງໆທີ່ພົວພັນການຈັດຕັ້ງປະຕິບັດຫລັກການດ້ານການຄ້າ ແລະ
ຂອບການຮ່ວມມືການຄ້າສາກົນ. ນອກນັ້ນພາກທຸລະກິດເອງກໍຕ້ອງກຽມພ້ອມໃນການປັບປຸງທຸລະກິດຂອງຕົນເອງໃຫ້ສາມາດກຽມພ້ອມແກ່ການເຊື່ອມໂຍງກັບພາກພື້ນ
ແລະ ສາກົນ.
No comments:
Post a Comment