ໃນວັນທີ7
ເມສານີ້, ທ່ານ ດຣ ວິໄລວົງ ບຸດດາຄໍາ ເລຂາຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ(ຊປປລ),ໄດ້ຖະແຫລ່ງກ່ຽວກັບ ການກະກຽມສະເຫລີມສະຫລອງວັນສ້າງຕັ້ງ ຊປປລ ຄົບຮອບ 60 ປີ(14 ເມສາ 1955-14 ເມສາ
2015) ວ່າ: ປີ 2015 ເປັນປີທີ່ມີຄວາມໝາຍສໍາຄັນ ຂອງ ຊາດເຮົາເຊັ່ນ:
ຄົບຮອບ 60 ປີຂອງການສ້າງຕັ້ງພັກປະຊາຊົນປະຕິວັດລາວ(ວັນທີ 22 ມີນາ 1955-22 ມີນາ 2015)ແລະ ຄົບຮອບ 40
ປີວັນສະຖາປະນາ ສາທາ ລະນະລັດ
ປະຊາທິປະໄຕ ປະຊາຊົນລາວ,
ໂດຍສືບຕໍ່ຈັດຕັ້ງປະຕິບັດເນື້ອໃນຈິດໃຈມະຕິກອງປະຊຸມໃຫຍ່ຄັ້ງທີ IX ຂອງພັກໃຫ້ບັນລຸຜົນເປັນຈິງ,
ບຸກທະລຸໄດ້ຄາດໝາຍ 4 ບຸກທີ່ພັກວາງອອກຕິດພັນກັບຂໍ້ແຂ່ງຂັນ 4 ບຸກຂອງຊາວໜຸ່ມ
,ຍູ້ແຮງຂະບວນການປະຕິບັດຂໍ້ແຂ່ງຂັນຮັກຊາດ ແລະ
ພັດທະນາຂອງພັກຕາມທິດ 3 ສ້າງ ແລະ ຖືເອົາວັນທີ 14 ເມສາ ເປັນວັນສ້າງຕັ້ງຄະນະຊາວໜຸ່ມປະຊາຊົນ ປະຕິວັດລາວ ເພື່ອເຮັດໃຫ້ພາລະບົດບາດຂອງອົງການຈັດຕັ້ງຊາວໜຸ່ມປະຊາຊົນປະຕິວັດລາວເຕີບໃຫຍ່ຂະຫຍາຍຕົວຂຶ້ນເລື້ອຍໆ.
ທ່ານ ດຣ ວິໄລວົງ ບຸດດາຄໍາ ໄດ້ຮຽກຮ້ອງມາຍັງຄະນະຊາວໜຸ່ມ, ສະມາຊິກຊາວໜຸ່ມ ແລະ ເຍົາວະຊົນລາວບັນດາເຜົ່າ,
ຈົ່ງພ້ອມກັບສືບຕໍ່ເສີມຂະຫຍາຍບົດບາດນໍາໜ້າ, ເສີມຂະຫຍາຍມູນເຊື້ອວິລະຊົນຂອງຊາດລາວ, ສືບທອດມູນເຊື້ອທີ່ສະຫລາດສ່ອງໃສຂອງພັກ, ປະກອບສ່ວນຢ່າງຕັ້ງໜ້າເຂົ້າໃນການປະຕິບັດແນວທາງແຫ່ງການປ່ຽນແປງໃໝ່ຮອບດ້ານທີ່ມີຫລັກການຂອງພັກ, ໂດຍສະເພາະແມ່ນສ້າງຄຸນທາດການເມືອງໜັກແໜ້ນ,
ມີຄຸນສົມ ບັດສິນທໍາປະຕິວັດ, ຕັ້ງໜ້າປັບປຸງກໍສ້າງການຈັດຕັ້ງຂອງຕົນໃຫ້ໜັກແໜ້ນ ,ເຂັ້ມແຂງທາງດ້ານການເມືອງ-ແນວຄິດ ,ການຈັດຕັ້ງແບບແຜນດໍາລົງຊີວິດທີ່ສອດຄ່ອງກັບຍຸກໂລກາພິວັດ ແລະ ການເຊື່ອມໂຍງດ້ວຍການຮັກສາຮີດຄອງປະເພນີອັນດີງາມຂອງຊາດແລະປະກອບສ່ວນເຂົ້າໃນວຽກງານປ້ອງກັນຊາດ-ປ້ອງກັນຄວາມສະຫງົບ, ຕ້ານ ແລະ ສະກັດກັ້ນປະກົດການຫຍໍ້ທໍ້ໃນຖັນແຖວຊາວໜຸ່ມ-ເຍົາວະຊົນໃຫ້ຫລຸດໜ້ອຍລົງ, ພ້ອມນີ້ຈະຕ້ອງໄດ້ສຸມໃສ່ໃນການພັດທະນາຄຸນນະພາບຊີວິດຂອງຊາວໜຸ່ມ-ເຍົາວະຊົນໃຫ້ນັບມື້ນັບດີຂຶ້ນ, ໂດຍສຶບຕໍ່ສ້າງຜົນງານຄໍານັບຮັບຕ້ອນວັນສໍາຄັນຕ່າງໆຂອງພັກຂອງຊາດ ແລະ ຂອງຄະນະຊາວໜຸ່ມປະຊາຊົນປະຕິວັດລາວ ,ເປັນຕົ້ນແມ່ນສ້າງຂະບວນການຄໍານັບຮັບຕ້ອນກອງປະຊຸມໃຫຍ່ຄັ້ງທີVII ຂອງຜູ້ແທນຊາວໜຸ່ມປະຊາຊົນ
ປະຕິວັດລາວ ທີ່ຈະໄຂຂຶ້ນໃນຕໍ່ໜ້ານີ້, ຊາວໜຸ່ມຈົ່ງນໍາໜ້າປະຈັນບານເຂົ້າໃນທຸກໜ້າທີ່ວຽກງານໃຫ້ສົມກັບປະທານ
ໄກສອນ ພົມວິຫານ ຂະໜາມນາມໄວ້ວ່າ: “ຊາວໜຸ່ມຈົ່ງກາຍເປັນດັ່ງນົກອິນຊີທີ່ບໍ່ຫວັ່ນກົວຕໍ່ພາຍຸລົມແດງ
ແລະ ກາຍເປັນສິນໄຊແຫ່ງຍຸກສະ
ໄໝ”.
No comments:
Post a Comment