ກອງປະຊຸມໃຫຍ່ຄັ້ງທີ VI ອົງຄະນະພັກແຂວງໄຊຍະບູລີໄດ້ໄຂຂຶ້ນຢ່າງ ເປັນທາງການໃນວັນທີ 8 ເມສານີ້ຢູ່ສະ ໂມສອນໂຮງຮຽນການເມືອງການປົກຄອງ ແຂວງໂດຍການໃຫ້ກຽດເຂົ້າຮ່ວມຂອງສະຫາຍ ທອງລຸນ ສີສຸລິດກຳມະການກົມ ການເມືອງສູູນກາງພັກ, ຮອງນາຍົກລັດຖະມົນຕີລັດຖະມົນຕີວ່າການກະຊວງການຕ່າງປະເທດ,ພ້ອມດ້ວຍຜູ້ແທນສົມບູນ
250 ສະຫາຍ, ຍິງ 40 ສະຫາຍທີ່ຕາງໜ້າ ສະມາຊິກທົ່ວແຂວງເກືອບ14.000
ສະ ຫາຍແລະ ຜູ້ຕາງໜ້າຄະນະບໍລິຫານງານ ພັກແຂວງຫລວງພະບາງ, ບໍ່ແກ້ວ,
ອຸດົມໄຊ, ແຂວງວຽງຈັນ, ຄະນະພັກກອງກ 2 ເຂົ້າຮ່ວມ.
ກອງປະຊຸມໃຫຍ່ດ່ັງກ່າວ, ບັນດາຜູ້ແທນໄດ້ເປັນເຈົ້າການຄົ້ນຄວ້າພິຈາລະນາແຜນພັດທະນາເສດຖະ
ກິດ-ສັງຄົມ 5 ປີແຕ່ປີ
2016-2020 ກໍຄືວິໄສທັດຮອດປີ 2030 ແລະ ຍຸດທະສາດການພັດທະນາເສດຖະກິດ-ສັງຄົມ 10 ປີແຕ່ປີ 2016-2025 ເພື່ອເຮັດໃຫ້ແຂວງຂອງຕົນພັດທະນາເປັນແຂວງທັນສະໄໝດ້ານກະສິກຳຕາມທິດສີຂຽວ ແລະຍືນຍົງຕິດພັນ ກັບອຸດສາຫະກຳປຸງແຕ່ງ,
ພັດທະນາການບໍລິການທາງຜ່ານ ແລະ ການທ່ອງທ່ຽວທີ່ເປັນມິດຕໍ່ສ່ິງແວດລ້ອມ.
ສະຫາຍ ພົງສະຫວັນ ສິດທະວົງ ເລຂາພັກແຂວງໄຊຍະບູລີຕາງໜ້າຄະນະບໍລິຫານງານພັກແຂວງສະໄໝທີ V ໄດ້ຂຶ້ນຜ່ານບົດລາຍງານການເມືອງຕໍ່ກອງປະຊຸມວ່າ: ແຕ່ນີ້ຫາປີ 2020 ສູ້ຊົນເຮັດໃຫ້ເສດຖະກິດຂະຫຍາຍ ຕົວໄວແລະ
ຕໍ່ເນື່ອງໃນລະດັບ 9% ຕໍ່ປີເພື່ອສາມາດເຮັດໃຫ້ປະຊາຊົນມີລາຍຮັບໂດຍສະເລ່ຍ
24 ລ້ານກວ່າກີບຫລື 3.710 ໂດລາສະຫະລັດຕໍ່ຄົນຕໍ່ປີ ແລະ ສາມາດຫລຸດພົ້ນອອກຈາກຄວາມທຸກຍາກ.
ແນວໃດກໍດີເພື່ອໃຫ້ໄດ້ແນວນີ້ຕ້ອງສ້າງ ໃຫ້ໂຄງປະກອບເສດຖະກິດຫັນປ່ຽນໄປຕາມທິດຫັນເປັນອຸດສາຫະກຳ
ແລະ ທັນສະໄໝ, ທີ່ສຳຄັນການແກ້ໄຂຄວາມ ທຸກຍາກຕ້ອງສົມທົບແໜ້ນລະຫວ່າງການພັດທະນາຊົນນະບົດກັບການພັດທະນາກະສິກຳໄປພ້ອມໆກັນຕາມທິດຍືນຍົງທາງປະລິມານແລະຄຸນນະພາບ,
ສະອາດປອດສານເຄມີສາມາດສົ່ງອອກສູ່ຕະຫລາດພາກພື້ນແລະ ສາກົນ. ຂະນະດຽວກັນກໍຮັບປະກັນການສ້າງຄວາມໝັ້ນຄົງດ້ານສະບຽງອາຫານໂດຍການສົ່ງເສີມການຜະລິດແບບຄອບຄົວແບບເປັນຟາມແລະແບບນິຄົມກະສິກຳອຸດສາຫະກຳທັງຫັນການຜະລິດກະສິກຳເປັນທັນສະໄໝຢູ່ບາງເຂດ,
ສືບຕໍ່ກຳນົດເຂດການຜະລິດຕາມເຂດແຄວ້ນຢ່າງຈະແຈ້ງແລະ 3 ທົ່ງພຽງຂອງແຂວງຄື:
ທົ່ງພຽງຊຽງຮ່ອນ,ໄຊຍະບູລີແລະເມືອງພຽງ.
ສຳລັບຂະແໜງການເສດຖະກິດອື່ນໆກໍຕ້ອງພັດທະນາໃຫ້ບັນລຸຕາມເປົ້າໝາຍທີ່ວາງໄວ້ໄປພ້ອມກັບການເພີ່ມທະວີການພັດທະນາສັງຄົມແລະວັດທະນະທຳໃຫ້ສົມຄູ່ກັບການພັດທະນາເສດຖະ
ກິດໂດຍຖືເອົາການສ້າງຊັບພະຍາກອນມະນຸດເປັນບູລິມະສິດ. ແນວໃດກໍດີ 5 ປີຜ່ານມາ, ທົ່ວພັກ,ທົ່ວລັດ,ທົ່ວກຳລັງປະກອບອາວຸດແລະທົ່ວປວງຊົນບັນດາເຜົ່າຂອງແຂວງໄດ້ເປັນເຈົ້າການຜັນຂະຫຍາຍມະຕິກອງປະຊຸມໃຫຍ່ຄັ້ງທີ
IX ຂອງພັກໂດຍສະເພາະການປະຕິບັດບາດກ້າວບຸກທະລຸ 4 ດ້ານທີ່ພັກວາງອອກອັນໄດ້ເຮັດໃຫ້ມີສະຖຽນລະພາບການເມືອງຢ່າງໜັກແໜ້ນ,
ສັງຄົມມີຄວາມສະຫງົບເປັນລະບຽບຮຽບຮ້ອຍເປັນເງື່ອນໄຂສຳຄັນໃຫ້ແກ່ການປະຕິບັດມະຕິກອງປະຊຸມໃຫຍ່ຄັ້ງທີ
V ປະສົບຜົນສຳເລັດຫລາຍດ້ານອັນພົ້ນເດັ່ນແມ່ນຈັງຫວະການເຕີບໃຫຍ່ທາງເສດຖະກິດບັນລຸ
9% ເຮັດໃຫ້ປະຊາຊົນມີລາຍຮັບສະເລ່ຍ16 ລ້ານກວ່າກີບຕໍ່ຄົນຕໍ່ປີຫລືປະມານ2.100
ໂດລາ, ຂະນະທີ່ຄວາມທຸກຍາກຂອງປະຊາຊົນກໍຫລຸດລົງຢ່າງຈະແຈ້ງຄືຄອບຄົວທຸກຍາກຫລຸດລົງຈາກ6%
ກວ່າເຫລືອ 2% ກວ່າ. ຂະນະທີ່ບ້ານທຸກຍາກຈາກ 9% ກວ່າເຫລືອ 3% ກວ່າເທົ່ານັ້ນ. ຂະນະດຽວກັນກໍສາມາດສ້າງບ້ານພັດທະນາກວມກວ່າ
58%, ຄອບຄົວພັດທະນາກວມກວ່າ 81% ແລະສາມາດປະກາດ 9 ເມືອງເປັນເມືອງພົ້ນທຸກແລ້ວ.
No comments:
Post a Comment