ພາບຈາກ : ຫນ່ວຍກູ້ໄພກາແດງລາວ |
ທ່ານ ອຳໄອ່
ຫລວງປາກດີ ຮອງຫົວໜ້າພະແນກສືບສວນ-ສອບສວນ ກອງບັນຊາການ
ປກສ ນະຄອນຫລວງວຽງຈັນ ໃຫ້ຮູ້ວ່າ: ໃນເວລາປະມານ 22:30 ໂມງຂອງວັນທີ 13 ພຶດສະພານີ້ ຢູ່ບ້ານຈອມເພັດໃຕ້
ໜ່ວຍ 18 ເມືອງສີສັດຕະນາກ ນະຄອນຫລວງວຽງຈັນ
ໄດ້ມີສອງຜົວເມຍແຂວນຄໍຕາຍຄາເຮືອນ, ພາຍ ຫລັງເຈົ້າໜ້າທີ່ໄດ້ລົງກວດສອບຈຶ່ງຮູ້ວ່າ: ຜູ້ຕາຍທັງ 2 ຄົນແມ່ນ ທ້າວ ໄຊວາດ
ນິຍົມຈັນ (ຈອດ) ອາຍຸ 32 ປີ ສັນຊາດໄທ ແລະ ນາງ
ວາດສະໜາ (ນີ)
ອາຍຸ 28 ປີ ອາຊີບຄ້າຂາຍ
ຢູ່ບ້ານຈອມເພັດໃຕ້ ເມືອງສີສັດຕະນາກ
ນະຄອນຫລວງວຽງຈັນ ຊຶ່ງທັງສອງບໍ່ມີລູກນຳກັນ ແລະ
ເປີດຮ້ານຂາຍອາຫານໄດ້ປະມານ 3 ເດືອນ.
ກ່ອນເກີດເຫດ ຕາມການບອກເລົ່າຂອງທ້າວ
ວິໄລຈິດ
ຜູ້ເປັນອ້າຍຂອງ ນາງ ວາດສະໜາ
ທີ່ຢູ່ເຮືອນຕິດກັນ ໃຫ້ຮູ້ວ່າ: ຫລັງຈາກຕົນໄດ້ເລີກວຽກກັບມາຮອດເຮືອນປະມານ 22:00 ໂມງ, ໄດ້ສັງເກດເຫັນຮ້ານຂອງນ້ອງສາວປິດໄວຜິດປົກກະຕິ,
ແຕ່ຄິດວ່ານ້ອງສາວຕົນມີວຽກໄປ ຈຶ່ງປິດຮ້ານໄວກວ່າທຸກມື້, ຫລັງຈາກນັ້ນຜູ້ເປັນເອື້ອຍທີ່ຢູ່ເຮືອນອີກຫລັງໜຶ່ງໄດ້ໂທຫາໃຫ້ໄປຮັບເອົາຫລານກັບບ້ານ, ເຊິ່ງ
ເປັນລູກທີ່ຕິດມານຳ ນາງ ວາດສະໜາ, ພໍມາຮອດໜ້າເຮືອນຂອງຜູ້ຕາຍ ໄດ້ພົບເຫັນປະຕູໜ້າບ້ານປິດຢູ່, ຕົນ ແລະ
ຫລານຈຶ່ງໄດ້ຍ່າງອ້ອມໄປທາງດ້ານຫລັງຂອງເຮືອນ ພໍເປີດປະຕູເຂົ້າໄປ
ຈຶ່ງພົບເຫັນສອງຜົວເມຍ ໄດ້ແຂວນຄໍຢູ່ກາງຄື່ເຮືອນ, ຫລັງຈາກນັ້ນ ຕົນຕັ້ງສະຕິໄດ້ຈຶ່ງໄດ້ແລ່ນໄປບອກກັບເພື່ອນບ້ານໃກ້ຄຽງ ແລະ ແຈ້ງຕໍ່ອຳນາດການປົກຄອງບ້ານ
ມາຊ່ວຍກັນນຳເອົາສົບທັງສອງຄົນລົງຈາກຄື່. ສ່ວນສາເຫດຂອງການແຂວນຄໍຕາຍນີ້ ເຈົ້າໜ້າທີ່ພວມດຳເນີນການສືບສວນ-ສອບສວນຕໍ່ໄປ.
No comments:
Post a Comment