ກອງປະຊຸມຄະນະກຳມາທິການຮ່ວມມືຄັ້ງນີ້ແມ່ນມີຄວາມໝາຍຄວາມສຳຄັນຫລາຍເພາະເປັນໂອກາດໃຫ້ສອງຝ່າຍໄດ້ທົບທວນຄືນແຜນການຮ່ວມມືທີ່ທັງສອງຝ່າຍໄດ້ຕົກລົງກັນຜ່ານມາ, ພ້ອມດຽວກັນນີ້ກໍເພື່ອປຶກສາຫາ ລືທິດທາງແຜນການຮ່ວມມືໃນຕໍ່ໜ້າຂອງສອງປະເທດ, ກອງປະຊຸມຄັ້ງນີ້, ໄດ້ຕີລາຄາສູງຕໍ່ ສາຍພົວພັນມິດຕະພາບ ແລະ ການຮ່ວມມືອັນເປັນມູນເຊື້ອທີ່ດີງາມລະຫວ່າງ
ສປປ ລາວ ແລະ ສະຫະພັນລັດເຊຍໃນໄລ
ຍະຜ່ານມາ, ໂດຍສະເພາະໃນຂອບການຮ່ວມມືກັບຂະແໜງການຕ່າງໆທີ່ເປັນສ່ວນປະ ກອບທີ່ສຳຄັນໃນການເສີມ ສ້າງສາຍພົວພັນ, ມິດຕະພາບແລະການຮ່ວມມືໃນໄລຍະໃໝ່ໃຫ້ມີຄວາມເຂັ້ມແຂງ
ແລະ ຈະເລີນງອກງາມຍີ່ງໆຂຶ້ນ.
ນອກຈາກນັ້ນ, ກໍຍັງມີກອງປະຊຸມພາກທຸລະກິດລາວ-ລັດເຊຍ, ໄດ້ມີການພົບປະໂອ້ລົມກັນເພື່ອຖອດຖອນບົດ ຮຽນໃນການເຮັດທຸລະກິດຂອງຕົນຊຶ່ງເປັນຄັ້ງທຳອິດເພື່ອເປີດໂອກາດໃຫ້ນັກທຸລະກິດທັງສອງປະເທດໄດ້ມີໂອກາດປຶກສາຫາລື ແລະ ຮ່ວມກັນຊອກຊ່ອງທາງສົ່ງເສີມການຮ່ວມມືດ້ານທຸລະກິດຕ່າງໆທີ່ມີທ່າແຮງໃນຕໍ່ໜ້າ.
ກອງປະຊຸມໄດ້ ດຳເນີນໄປພາຍໃຕ້ບັນຍາກາດອັນອົບອຸ່ນ ແລະ ສະໜິດແໜ້ນເປັນຢ່າງດີ.
ທັງສອງຝ່າຍໄດ້ສຸມເຫື່ອ ແຮງ ແລະ
ສະຕິປັນຍາເຂົ້າໃນການແລກປ່ຽນຄວາມຄິດເຫັນ, ໂດຍແນໃສ່ເຮັດໃຫ້ການພົວພັນຮ່ວມມືທີ່ມີມູນເຊື້ອອັນ ດີງານມາຕັ້ງແຕ່ດົນນານນັ້ນໃຫ້ມີຄວາມແໜ້ນແຟ້ນ ແລະ ແຕກດອກອອກຜົນຢ່າງບໍ່ຢຸດຢັ້ງ.
ທັງສອງຝ່າຍໄດ້ເຫັນດີເປັນເອກະພາບກັນສູງສຸມໃສ່ຈັດຕັ້ງຜັນຂະຫຍາຍເນື້ອໃນຈິດໃຈສາຍພົວພັນການຮ່ວມມືຂອງສອງປະເທດລາວ ແລະ ລັດເຊຍໃຫ້ມີຜົນສຳເລັດອັນໃຫຍ່ຫລວງ.
ທັງນີ້ກໍເພື່ອຜົນປະໂຫຍດລວມຂອງປະຊາຊົນສອງປະເທດ ແລະ ເຮັດໃຫ້ການຮ່ວມມືຂອງສອງປະເທດກ້າວໄປສູ່ໄລຍະໃໝ່ຕ່າງຝ່າຍຕ່າງໄດ້ຮັບຜົນປະໂຫຍດ
ແລະ ຊ່ວຍ
ເຫລືອເຊິ່ງກັນແລະກັນ, ເພີ່ມທະວີຄວາມເປັນພັນທະມິດຢ່າງຍາວນານ.
ພາຍຫລັງສໍາເລັດກອງປະຊຸມທັງສອງຝ່າຍກໍໄດ້ຮ່ວມກັນຖະແຫລງຂ່າວຕໍ່ສື່ມວນຊົນເພື່ອເປັນການປະກາດໃຫ້ທຸກພາກສ່ວນຮັບຮູ້ຢ່າງກວ້າງຂວາງ.
No comments:
Post a Comment