ບັນຫາດັ່ງກ່າວໄດ້ມີການປຶກສາຫາລືໃນກອງປະຊຸມ ລະຫວ່າງຄະ ນະນຳນະຄອນຫລວງວຽງຈັນ ແລະ
ບັນດາບໍລິສັດໄຟຟ້າ, ໂທລະຄົມ ແລະ
ເຄເບິນ ເພື່ອໃຫ້ຮັບຊາບ ໃນການຈັດຕັ້ງປະຕິບັດການຮື້ຖອນສາຍໄຟ, ສາຍໂທລະສັບ ແລະ
ສາຍເຄເບິນ ທີ່ມີສະພາບສັບສົນຢູ່ ຕາມເສົາໄຟຟ້າໃຫ້ເປັນຮູບປະທຳໃນວັນທີ 19 ພຶດສະພານີ້.
ທ່ານຫົວໜ້າຂະແໜງບໍລິຫານພະລັງງານ ແລະ
ສົ່ງເສີມພະລັງງານທົດແທນ ກ່າວວ່າ: ເພື່ອປະຕິບັ ດນະໂຍບາຍ 6ສ ຂອງນະຄອນຫລວງວຽງຈັນ,
ໂດຍສະເພາະ ສ ສອາດ ໃຫ້ປາກົດຜົນເປັນຈິງເທື່ອລະ ກ້າວ, ທັງເປັນການກະກຽມ ສະຫລອງວັນສະຖາປະນາສາທາລະນະລັດປະຊາທິປະໄຕປະຊາຊົນລາວ ຄົບຮອບ 40 ປີ, ການກະກຽມໃຫ້ແກ່ການ ເປັນປະທານອາຊຽນ ແລະ
ເຈົ້າພາບກອງປະຊຸມ ສຸດຍ ອດອາຊຽນປີ 2016 ໃຫ້ມີບັນຍາກາດຟົດຟື້ນ ແລະ ມີຄວາມເປັນ ລະບຽບຮຽບຮ້ອຍ, ສະນັ້ນ, ຈຶ່ງຕ້ອງຈຳເປັນໃນການແກ້ໄຂສິ່ງທີ່ບໍ່ເປັນລະບຽບຈົບງາມເຫລົ່ານີ້ດ້ວຍການໄຈ້ແຍກສາຍໄຟ, ສາຍໂທລະສັບ ແລະ
ສາຍເຄເບິນ ຂອງແຕ່ລະພາກສ່ວນແລ້ວມັດໃຫ້ເປັນລະບຽບ, ເນື່ອງ ຈາກສະພາບຄວາມສັບສົນດັ່ງກ່າວນີ້ອາດມີຄວາມສ່ຽງເກີດອັກຄີໄພໄດ້ງ່າຍນຳອີກ.
No comments:
Post a Comment