ແຕ່ງຕັ້ງ ທ່ານ ສັນຕິພາບ ພົມວິຫານ ເປັນຮອງເຈົ້າແຂວງສະຫວັນນະເຂດ

    ພິທີປະກາດແຕ່ງຕັ້ງທ່ານ ສັນຕິພາບ ພົມວິຫານ ເປັນຮອງເຈົ້າແຂວງສະຫວັນນະເຂດ, ໄດ້ມີຂຶ້ນໃນວັນທີ 5 ມິຖຸນານີ້, ຢູ່ຫ້ອງວ່າການປົກຄອງແຂວງດັ່ງກ່າວ, ໂດຍການເຂົ້າ ຮ່ວມຂອງທ່ານ ວັນໄຊ ພອງສະຫວັນ ຮອງຫົວໜ້າຄະນະຈັດຕັ້ງ ສູນກາງພັກ, ເຊິ່ງປະ ຕິບັດຕາມມະຕິຕົກລົງຂອງກົມການເມືອງສູນກາງພັກ, ໂດຍກ່ອນໜ້ານີ້, ທ່ານສັນຕິພາບ ພົມວິ ຫານ ແມ່ນເປັນລັດຖະມົນຕີຊ່ວຍວ່າການກະຊວງການເງິນ. ຂ່າວໃຫ້ຮູ້ຕື່ມວ່າ: ໃນວັນທີ 4 ມິຖຸນາຜ່ານມາ, ທ່ານພົນຈັດຕະວາ ອາລູ ວາລີຊື ຫົວໜ້າກົມໃຫຍ່ການ ເມືອງກະຊວງ ປກສ ແລະ ທ່ານ ໄກສອນ ຄູນລາດສຸວັນນະວົງ ຮອງເຈົ້າແຂວງສະຫວັນ ນະເຂດ, ໄດ້ເຂົ້າຮ່ວມເປັນປະທານໃນພິທີປະກາດແຕ່ງຕັ້ງທ່ານພັນເອກ ຄຳພົນ ສີຫາ ປັນຍາ ຈາກກົມໃຫຍ່ຕຳຫລວດໄປເປັນຫົວໜ້າກອງບັນຊາການ ປກສ ແຂວງສະຫວັນນະເຂດຄົນໃໝ່ ແລະ ຍົກຍ້າຍທ່ານ ພັນເອກ ຄຳແພງ ຟອງສະໝຸດຫົວໜ້າກອງບັນຊາການ ປກສ ແຂວງຜູ້ເກົ່າໄປຮັບໜ້າທີ່ໃໝ່ຢູ່ກອງບັນຊາການປ້ອງ ກັນສູນກາງກະ ຊວງ ປກສ.