ມັນເປັນສິ່ງຍອດຍິ່ງຂອງການໂອ້ລົມ-ຊີ້ນຳຕັກເຕືອນຂອງສະຫາຍເລຂາທິການສູນກາງພັກ ຈັນສີ ໂພສີຄຳ
ຕໍ່ນັກຮົບສື່ມວນຊົນ ແລະ ການພິມຈຳໜ່າຍຢູ່ໃນງານສະເຫລີມສະຫລອງວັນສ້າງຕັ້ງກຳລັງນັກຮົບດ້ານແນວຄິດ ຄົບ ຮອບ 65 ປີ ເຊິ່ງໄດ້ຈັດຂຶ້ນຢ່າງຟົດຟື້ນຢູ່ທີ່ສູນການຄ້າ ລາວ-ໄອເຕັກ ໃນນະຄອນຫລວງວຽງຈັນ ເມື່ອວັນທີ
13 ສິງຫານີ້ ໂດຍສະຫາຍເລຂາທິການສູນກາງພັກ ໄດ້ສະແດງຄວາມຍ້ອງຍໍຊົມເຊີຍຕໍ່ບັນດາຜົນງານ ແລະ ໄຊຊະນະທີ່ກຳລັງສື່ມວນຊົນ ແລະ
ພິມຈຳໜ່າຍຍາດມາໄດ້ໃນຂະບວນວິວັດແຫ່ງການພັດທະນາວຽກງານດັ່ງກ່າວຕະຫລອດໄລຍະ 65 ປີຜ່ານມາ ແລະ
ມີຄວາມເຕີບໃຫຍ່ຂະຫຍາຍໂຕຢ່າງບໍ່ຢຸດຢັ້ງ.
ສະຫາຍເລຂາທິການ ກ່າວວ່າ:
ວຽກງານສື່ມວນຊົນ ແລະ
ການພິມຈຳໜ່າຍແມ່ນວຽກງານສຳຄັນໜຶ່ງໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ, ເຮັດພາລະບົດບາດເປັນເຄື່ອງມື ແລະ ກະບອກສຽງສຳຄັນ-ແຫລມຄົມໃນການເຜີຍແຜ່ແນວທາງນະໂຍບາຍຂອງພັກ ແລະ ລັດເຮົາ,
ທັງເຮັດໜ້າທີ່ໂຄສະນາສຶກສາອົບຮົມນ້ຳໃຈ
ຮັກຊາດ, ຮັກລະບອບໃໝ່ ແລະ
ສ້າງສະຕິເຄົາລົບກົດໝາຍໃຫ້ສັງຄົມ, ພ້ອມສົ່ງເສີມໃຫ້ປະຊາຊົນບັນດາເຜົ່າຮູ້ອະນຸລັກຮັກສາ ແລະ ເສີມຂະຫຍາຍວັດທະນະທຳອັນດີງາມຂອງຊາດ ແລະ
ໄດ້ເຮັດບົດບາດສຳຄັນໃນການຢຶດໝັ້ນແນວທາງນະໂຍບາຍ ແລະ ອຸດົມການຂອງພັກຢ່າງໜັກແໜ້ນ, ປະກອບສ່ວນເຂົ້າໃນການຕໍ່ສູ້ຕ້ານຖ້ອຍທຳນອງໃສ່ຮ້າຍປ້າຍສີ ແລະ ທັດສະນະທີ່ຜິດພາດຂອງພວກບໍ່ຫວັງດີ, ຕ້ານການສໍ້ລາດບັງຫລວງ ແລະ
ສິ່ງຫຍໍ້ທໍ້ຕ່າງໆໃນສັງຄົມ, ເປັນເຈົ້າການສຸມໃສ່ກໍ່ສ້າງ ແລະ
ປົກປັກຮັກສາປະເທດຊາດດຳເນີນພາລະກິດປ່ຽນແປງໃໝ່ ເພື່ອຈຸດໝາຍສ້າງປະເທດຊາດເຂັ້ມແຂງ, ປະຊາຊົນຮັ່ງມີຜາສຸກ, ສັງຄົມມີປະຊາທິປະໄຕ,
ຍຸຕິທຳ ແລະ
ສີວິໄລຕາມທິດສັງຄົມນິຍົມ.
ສະຫາຍເລຂາທິການ ເນັ້ນວ່າ:
ໃນໄລຍະຜ່ານມາ, ເຖິງວ່າຖັນແຖວນັກຮົບສື່ມວນຊົນ ແລະ
ການພິມ
ຈຳໜ່າຍໄດ້ຮັບການປັບປຸງຍົກລະດັບດີຂຶ້ນກວ່າເກົ່າ,ພື້ນຖານວັດຖຸເຕັກນິກໄດ້ຄ່ອຍໆຫັນປ່ຽນໄປສູ່ຄວາມທັນສະໄໝເທື່ອລະກ້າວ ສາມາດຕອບສະໜອງຂໍ້ມູນຂ່າວສານ ແລະ ເຜີຍແຜ່ແຈກຢາຍອອກສູ່ພາຍໃນ ແລະ
ຕ່າງປະເທດໄດ້ຢ່າງວ່ອງໄວທັນການ ແລະ ກວ້າງຂວາງ
ເຮັດໃຫ້ມາດຖານ ແລະ
ຄຸນນະພາບຂອງສື່ມວນຊົນ ແລະ ການພິມຈຳໜ່າຍໄດ້ຮັບການພັດທະນາຍົກລະດັບດີຂຶ້ນເປັນລຳດັບກໍຕາມ, ແຕ່ຄຽງຄູ່ກັນນັ້ນ ພວກເຮົາກໍຍັງມີຈຸດອ່ອນຂໍ້ຄົງຄ້າງ ແລະ
ຂໍ້ຈຳກັດຈຳນວນໜຶ່ງ ໂດຍສະເພາະດ້ານການຖະແຫລງຂ່າວ ເຖິງວ່າອຸດົມສົມບູນ,
ມີຫລາຍຮູບຫລາຍສີດີກວ່າແຕ່ກ່ອນ, ແຕ່ລັກສະນະຕໍ່ສູ້, ລັກສະນະສຶກສາອົບຮົມຊວນເຊື່ອຍັງບໍ່ທັນສູງ, ການສ່ອງແສງຂະບວນການຕ່າງໆຂອງສັງຄົມຍັງບໍ່ທັນຄົບຖ້ວນທົ່ວເຖິງ, ການຕອບໂຕ້ຖ້ອຍທຳນອງໂຄສະນາບິດເບືອນຂອງກຳລັງປໍລະປັກບໍ່ທັນວ່ອງໄວທັນການ, ການວິເຄາະຂ່າວຍັງບໍ່ທັນຄົມເລິກ, ການອອກຂ່າວບາງຄັ້ງ, ບາງເຫດການຍັງຊັກຊ້າ ເຮັດໃຫ້ຄຸນນະພາບຂອງວຽກງານຖະແຫລງຂ່າວບໍ່ທັນດີເທົ່າທີ່ຄວນເຊິ່ງຍັງບໍ່ໄດ້ຮັບການຍົກລະດັບໃຫ້ທຽມທັນກັບຄວາມຮຽກຮ້ອງຕ້ອງການຕົວຈິງຂອງຍຸກສະໄໝ, ດ້ານເນື້ອໃນຍັງບໍ່ດຶງດູດຄວາມສົນໃຈຂອງສັງຄົມ, ການປັບປຸງ ແລະ
ຍົກລະດັບພື້ນຖານວັດຖຸເຕັກ
ນິກ ແລະການກໍ່ສ້າງຖັນແຖວພະນັກງານຍັງບໍ່ສາມາດຕອບສະໜອງໄດ້ກັບການຂະຫຍາຍໂຕຂອງວຽກງານ ແລະ ການຈັດຕັ້ງປະຕິບັດກົດໝາຍນິຕິກຳຕ່າງໆໃນການຄຸ້ມຄອງ ແລະ ພັດທະນາວຽກງານດັ່ງກ່າວນີ້ຍັງບໍ່ໄດ້ດີເທົ່າທີ່ຄວນ.
ສະຫາຍເລຂາທິການ ຢ້ຳວ່າ: ເຊິ່ງທັງໝົດນີ້ ຖັນແຖວນັກຮົບສື່ມວນຊົນ ແລະ ການພິມຈຳແໜ່າຍຈະຕ້ອງໄດ້ເພີ່ມທະວີປັບປຸງຕົນເອງ ຄືຕາມທິດຫັນເປັນທັນສະໄໝ ເພື່ອເປັນເຄື່ອງມືອັນແຫລມຄົມ ແລະ ມີໝາກຜົນໃນການໂຄສະນາເຜີຍແຜ່ແນວທາງນະໂຍບາຍຂອງພັກ ແລະ ກົດໝາຍຂອງລັດ ເພື່ອປຸກລະດົມຊຸກຍູ້ປະຊາຊົນບັນດາເຜົ່າປະກອບສ່ວນເຂົ້າໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ, ເອົາໃຈໃສ່ປະຕິບັດກົດໝາຍວ່າດ້ວຍສື່ມວນຊົນ ແລະ ການພິມຈຳແໜ່າຍຢ່າງເຂັ້ມງວດ ແລະ
ມີໝາກຜົນຕົວຈິງ ໂດຍສະເພາະການປະຕິບັດພາລະບົດບາດ, ສິດໜ້າທີ່ຂອງຕົນໃຫ້ຖືກຕ້ອງ ແລະ
ຄົບຖ້ວນ, ເອົາໃຈໃສ່ບຳລຸງຍົກລະດັບ ແລະ ກໍ່ສ້າງພະນັກງານສື່ມວນຊົນ ແລະ
ການພິມຈຳໜ່າຍໃຫ້ມີລະດັບຄວາມຮູ້ທາງດ້ານວິຊາການ, ມີຄວາມຫ້າວຫັນ, ເປັນເຈົ້າການ ແລະ ມີສະຕິຄວາມຮັບຜິດຊອບສູງຕໍ່ໜ້າທີ່ວຽກງານຂອງຕົນ ແລະ ມີປະສິດທິຜົນ,
ຮັບປະກັນການນຳພາຂອງພັກ ແລະ ການຄຸ້ມຄອງຂອງລັດໃນໄລຍະໃໝ່, ເອົາໃຈໃສ່ວຽກງານກໍ່ສ້າງພື້ນຖານໂຄງລ່າງ,ການນຳໃຊ້ເຕັກນິກໃໝ່ທີ່ກ້າວໜ້າທັນສະໄໝຢ່າງເປັນລະບົບຄົບຊຸດ ສາມາດເຊື່ອມໂຍງຂໍ້ມູນຂ່າວສານກັບສາກົນຢ່າງກົມກືນ ແລະ ສອດຄ່ອງ,
ເພີ່ມທະວີການ
ຮ່ວມມືກັບສາກົນ ເພື່ອພັດທະນາວຽກງານສື່ມວນຊົນໃຫ້ເຂັ້ມແຂງຂຶ້ນເລື້ອຍໆ, ເປີດກວ້າງການລົງທຶນດ້ານການພິມຈຳໜ່າຍ ແລະ ຫໍສະໝຸດ
ສົ່ງເສີມອົງການຈັດຕັ້ງພາກລັດ, ອົງການຈັດຕັ້ງສັງຄົມ, ສະມາຄົມວິຊາຊີບ,
ສືບຕໍ່ພົວພັນຮ່ວມມືກັບຕ່າງປະເທດ ແລະອົງການຈັດຕັ້ງສາກົນຕາມແນວທາງການຕ່າງປະເທດຂອງພັກ ແລະ ລັດຖະບານ.
No comments:
Post a Comment