ຕອນບ່າຍວັນທີ 31 ສິງຫານີ້, ທີ່ຫ້ອງວ່າການແຂວງຫລວງພະບາງ ໄດ້ມີພິທີມອບສົ່ງພະພຸດທະຮູບ ທີ່ເຮັດດ້ວຍໄມ້ 2 ອົງໃຫ້ແກ່ແຂວງຫລວງພະບາງ
ລະຫວ່າງ ທ່ານ ພູເຂົາ ພົມມະວົງສາ ເອກອັກຄະລັດຖະທູດ
ວິສາ ມັນ ຜູ້ມີອຳນາດເຕັມແຫ່ງ ສປປ
ລາວ ປະຈຳປະເທດໂອຕຣິດ ແລະ ທ່ານ
ດຣ.
ຄາຂອງ
ມະນີຄຳ ຮອງຫົວໜ້າຫ້ອງວ່າການແຂວງຫລວງພະບາງ ຊຶ່ງພະພຸດທະຮູບດັ່ງກ່າວແມ່ນໄດ້ມາຈາກທ່ານ
ດຣ.
ແຣນໂຮນ ມິດເຕີສັກສະໂມນເລີ (Dr. Reinhold
MittersackchmOller), ຊາວໂອຕຣິດ ໄດ້ນຳເອົາມາມອບໃຫ້ສະຖານເອກອັກຄະລັດຖະທູດແຫ່ງ ສປປ
ລາວ ທີ່ນະຄອນຫລວງວຽງຈັນ ເມື່ອເດືອນພຶດສະພາ 2015, ຊຶ່ງກ່ອນໜ້ານີ້ຜູ້ກ່ຽວໄປຊື້ພະພຸດທະຮູບດັ່ງກ່າວຢູ່ບາງກອກ
ປະເທດໄທ ແຕ່ປີ 2007.
ຜ່ານການຄົ້ນຄວ້າ ແລະ ປະສານງານກັບຫລາຍພາກ ສ່ວນຜູ້ກ່ຽວສາມາດສັນນິຖານ
ແລະ ຢືນຢັນໄດ້ວ່າພະພຸດທະຮູບດັ່ງກ່າວມີແຫລ່ງກຳເນີດມາຈາກຖ້ຳຕິ່ງ ແຂວງຫລວງພະບາງ, ມີຄວາມສູງປະມານ 42 ຊມ (cm) ເປັນສິນລະປະການຄວັດພະຂອງລາວລ້ານຊ້າງ.
ດັ່ງນັ້ນ ຜູ້ກ່ຽວມີຄວາມພູມໃຈມອບສົ່ງພະພຸດທະຮູບ 2 ອົງດັ່ງກ່າວຄືນໃຫ້ແຂວງຫລວງພະບາງ
ທັງເປັນການປະກອບສ່ວນເຂົ້າໃນການເພີ່ມທະວີສາຍພົວພັນມິດຕະພາບ ແລະ ການຮ່ວມມືທີ່ມີອັນດີງາມລະຫວ່າງປະຊາຊົນສອງຊາດລາວ ແລະ ໂອຕຣິດ ແລະ ເປັນການປະກອບສ່ວນອະນຸລັກຮັກສາວັດຖຸບູຮານຂອງເມືອງມໍລະດົກໂລກ (ຫລວງພະບາງ) ໃຫ້ຍືນຍົງຄົງຕົວຕະຫລອດໄປ.
No comments:
Post a Comment