ໂດຍຕອບສະໜອງຕາມຄໍາເຊີນຂອງສະຫາຍ ສີ ຈິນ ຜິງ
ເລຂາທິການໃຫຍ່ຄະນະກຳມະການສູນກາງພັກກອມມູນິດຈີນ, ປະທານປະເທດແຫ່ງ ສປ
ຈີນ, ສະຫາຍ ຈູມມາລີ
ໄຊຍະສອນ ເລຂາທິການໃຫຍ່ປະທານປະເທດແຫ່ງ ສປປ ລາວ ພ້ອມພັນລະຍາ
ແລະ
ຄະນະຜູ້ແທນຂັ້ນສູງພັກ-ລັດໄດ້ດໍາເນີນການຢ້ຽມຢາມ ແລະ ເຂົ້າຮ່ວມລະນຶກວັນຮັບໄຊຊະນະຂອງປະຊາຊົນຈີນ ໃນສົງຄາມຕ້ານການຮຸກຮານຂອງຍີ່ປຸ່ນ ແລະ
ສົງຄາມຕ້ານຟາດຊິດໂລກຄົບຮອບ 70 ປີລະຫວ່າງວັນທີ 31 ສິງຫາ-6 ກັນຍາ 2015 ທີ່ນະຄອນຫລວງປັກກິ່ງ.
ໃນຕອນແລງຂອງວັນທີ 31 ສິງຫາ, ສະຫາຍເລຂາທິການໃຫຍ່ພັກກອມມູນິດຈີນ, ປະທານປະເທດແຫ່ງ ສປ
ຈີນໄດ້ຈັດພິທີພົບປະກັບສະຫາຍ ຈູມມາລີ
ໄຊຍະສອນ, ເລຂາທິການໃຫຍ່,
ປະທານປະເທດ ແຫ່ງ ສປປ ລາວ ແລະ
ຄະນະທີ່ຫໍສະພາປະຊາຊົນແຫ່ງຊາດຈີນ, ຊຶ່ງທັງສອງຝ່າຍໄດ້ແຈ້ງໃຫ້ກັນຊາບກ່ຽວກັບສະພາບການຂອງ ແຕ່ລະປະເທດ ແລະໄດ້ແລກປ່ຽນຄຳຄິດຄຳເຫັນຢ່າງເລີກເຊິ່ງ ແລະ
ມີຄວາມເປັນເອກະພາບກັນຢ່າງກວ້າງຂວາງກ່ຽວກັບການເສີມຂະຫຍາຍສາຍ
ພົວພັນແບບຄູ່ຮ່ວມຍຸດທະສາດຮອບດ້ານລະຫວ່າງ ສປປ
ລາວ ແລະ ສປ ຈີນ
ໃຫ້ມີຄວາມຫລາກຫລາຍ ແລະ ອຸດົມສົມບູນຍິ່ງຂຶ້ນ, ພ້ອມນັ້ນກໍໄດ້ແລກປ່ຽນທັດສະນະຕໍ່ບາງບັນຫາພາກພື້ນ
ແລະ
ສາກົນທີ່ສອງຝ່າຍມີຄວາມສົນໃຈ. ຕໍ່ການຮ່ວມມືສອງຝ່າຍ, ຜູ້ນໍາສອງປະເທດໄດ້ເປັນເອກະພາບກັນວ່າ: ນັບແຕ່ສອງປະເທດໄດ້ສ້າງສາຍພົວພັນແບບຄູ່ຮ່ວມຍຸດສາດໃນປີ 2009 ເປັນຕົ້ນມາ,
ຄວາມເຊື່ອໜັ້ນເຊິ່ງກັນ ແລະ ກັນທາງດ້ານການເມືອງນັບມື້ນັບເລິກເຊິ່ງ, ການຮ່ວມມືແບບຕ່າງຝ່າຍຕ່າງມີຜົນປະໂຫຍດໃນແຕ່ລະຂົງເຂດໄດ້ຮັບໝາກຜົນເປັນໜ້າເພິ່ງພໍໃຈຕາມທິດນຳທີ່ວ່າ: ໜັ້ນຄົງຍາວນານ, ເພື່ອນບ້ານທີ່ເປັນມິດ, ໄວ້ເນື້ອເຊື່ອໃຈກັນ, ບົນຈິດໃຈ 4 ດີຄື: ບ້ານໃກ້ເຮືອນຄຽງທີ່ດີ, ເພື່ອນທີ່ດີ, ສະຫາຍທີ່ດີ ແລະ ຄູ່ຮ່ວມມືທີ່ດີ ແລະ ທັງສອງຝ່າຍໄດ້ເຫັນດີຮ່ວມກັນໃນການສືບຕໍ່ຮັກສາການແລກປ່ຽນການຢ້ຽມຢາມ
ແລະ
ພົບປະລະຫວ່າງຜູ້ນຳຂັ້ນສູງຂອງສອງພັກ-ລັດ
ເປັນປະຈຳ
ແລະ ເຫັນດີເພີ່ມທະວີການສະໜັບສະໜູນ
ແລະ
ຮ່ວມມືປະສານສົມທົບກັນໃຫ້ສະໜິດແໜ້ນໃນຂອບການຮ່ວມມືໃນພາກພື້ນ
ແລະ
ສາກົນ, ເພື່ອຜົນປະໂຫຍດຂອງສອງຝ່າຍກໍຄືພາລະກິດສັນຕິພາບ, ມິດຕະພາບ
ແລະ
ການຮ່ວມມືພັດທະນາຂອງພາກພື້ນ ແລະ ໃນໂລກ.
ໃນໂອກາດນີ້, ຜູ້ນຳຂັ້ນສູງສອງຝ່າຍຍັງໄດ້ເຂົ້າຮ່ວມເປັນສັກຂີພິຍານໃນພິທີລົງນາມໃນເອກະສານຮ່ວມມືສອງຝ່າຍຈຳນວນ 11 ສະບັບລວມມູນຄ່າ 3,1 ຕື້ກວ່າໂດລາສະຫະລັດ.
No comments:
Post a Comment