ໃນວັນທີ 31 ສິງຫາ 2015ນີ້, ທີ່ນະຄອນຫລວງປັກກິ່ງ ສປ ຈີນ ໄດ້ມີພິທີລົງນາມສັນຍາກ່ຽວກັບແຜນ ການກໍ່ສ້າງເຂດຮ່ວມມືເສດຖະກິດບໍ່ຫານ-ບໍ່ເຕັນ ຈີນ-ລາວ ລະຫວ່າງທ່ານ ສົມສະຫວາດ ເລັ່ງສະຫວັດ ຮອງນາ ຍົກລັດຖະ ມົນຕີ
ແຫ່ງ ສປປ ລາວ ແລະ ທ່ານ ກາວຫູເສິງ ລັດຖະມົນຕີວ່າການກະຊວງການຄ້າ ສປ ຈີນ, ໂດຍການໃຫ້ກຽດເຂົ້າຮ່ວມຂອງທ່ານ ຈູມມາລີ ໄຊຍະສອນ ປະທານປະເທດແຫ່ງ ສປປ ລາວ ແລະ ທ່ານ ສີຈິ້ນຜິງ ປະທານປະເທດ ແຫ່ງ ສປ ຈີນ.
ເຂດຮ່ວມມືເສດຖະກິດ ບໍ່ຫານ-ບໍ່ເຕັນ ຈີນ-ລາວ ແມ່ນເຂດຮ່ວມມືເສດຖະກິດຂ້າມຊາຍແດນແຫ່ງທີ 2 ທີ່ຈີນ ກັບປະເທດໃກ້ຄຽງຮ່ວມກັນສ້າງຂຶ້ນ, ແມ່ນມາດຕະການທີ່ສຳຄັນຂອງຈີນ ແລະ ລາວ ໃນການປະດິດສ້າງຮູບແບບການຮ່ວມມືໃນການເປີດປະຕູສູ່ພາຍນອກ. ພາຍຫລັງແຜນການລວມດັ່ງກ່າວມີຜົນສັກສິດແລ້ວ, ຈະເປັນການກະຕຸກຊຸກຍູ້ການຊ່ວຍຊູຍູ້ໜູນກັນ ດ້ວຍທ່າແຮງດ້ານເສດຖະກິດລະຫວ່າງສອງປະເທດຕື່ມອີກ ເພື່ອສ້າງ
ຄວາມສະດວກໃຫ້ແກ່ການລົງທຶນ, ການຄ້າ ແລະ ການໄປມາຫາສູ່ກັນລະຫວ່າງປະຊາຊົນສອງຊາດ, ຊຸກຍູ້ການຮ່ວມມືດ້ານອຸດສາຫະກຳ ແລະ ພັດທະນາເຂດຊາຍແດນສອງປະເທດໃຫ້ວ່ອງໄວຂຶ້ນ ເພື່ອນຳມາຄວາມສົມບູນພູນສຸກໃຫ້ແກ່ປະຊາຊົນ ເຂດຊາຍແດນສອງປະເທດຈີນ-ລາວດີຂຶ້ນ.
No comments:
Post a Comment