ຫົວໜ້າຕຳຫຼວດຈະລາຈອນ ປກສ
ນະຄອນຫຼວງວຽງຈັນໃຫ້ຮູ້ວ່າ: ການສະຫຼອງ ແລະ ຄົບ ງັນບຸນອອກພັນສາ ປະວໍລະນາ 2558 ແລະ ຊ່ວງເຮືອປະເພນີທີ່ທ່າວັດຈັນ ນະຄອນ ຫຼວງວຽງຈັນ, ອັນເປັນບຸນປາງໃຫຍ່ຂອງພຸດທະສາສະນິກະຊົນລາວໄດ້ເລີ່ມມາແຕ່ວັນທີ 22-27 ຕຸລາ ແລະ ຜ່ານໄລຍະດັ່ງກ່າວເຖິງວ່າກຳລັງເຈົ້າໜ້າທີ່ໄດ້ເພີ່ມຄວາມພະຍາຍາມ ແລະ ສຸ່ມໃສ່ສະກັດກັ້ນ ແຕ່ກໍມີອຸປະຕິເຫດເກີດຂຶ້ນຫຼາຍເຖິງ 32 ລາຍສົ່ງຜົນໃຫ້ມີຜູ້ເສຍຊີວິດ 4 ຄົນ, ທຽບໃສ່ໄລຍະດຽວກັນຂອງປີຜ່ານມາແມ່ນມີຈຳນວນເພີ່ມຂຶ້ນ, ທັງຜູ້ເສຍຊີວິດ, ສາເຫດສ່ວນໃຫຍ່ຍັງແມ່ນການດຶ່ມສິ່ງມຶນເມົາ, ບໍ່ຄົບລົບກົດລະບຽບຈະລາຈອນ (ຂັບຂີ່ໄວເກີນຂອບເຂດ), ຊຶ່ງໂດຍລວມແລ້ວການສັນຈອນໄລຍະບຸນຊ່ວງເຮືອປີນີ້ ແມ່ນໜ້າແໜ້ນເໝືອນດັ່ງທຸກໆປີຜ່ານມາ, ຍ້ອນການຫຼັ່ງໄຫຼ່ເຂົ້າມາທ່ຽວຊົມໃນເຂດຊານເມືອງ ແລະ ແຂວງອ້ອມຂ້າງເປັນຈຳນວນຫຼາຍ; ຈຳນວນພາຫະນະກໍເພີ່ມຫຼາຍຂຶ້ນທຽບກັບເມືອກ່ອນ. ແຕ່ເຖິງຢ່າງກໍເປັນບົດຮຽນໃຫ້ຜູ້ໃຊ້ລົດໃຊ້ຖະໜົນ ແລະ ມວນຊົນໃນການສະກັດກັ້ນ ແລະ ແກ້ໄຂສະພາບອຸປະຕິເຫດໃນຕໍ່ໜ້າໃຫ້ຫຼຸດຜ່ອນລົງ.
No comments:
Post a Comment