ລັດຖະບານເຮົາ ໄດ້ຕົກລົງກູ້ຢືມເງິນກອງທຶນ ເພື່ອການຮ່ວມມື ແລະ ພັດທະນາເສດຖະກິດ ສ ເກົາຫລີ ຈໍານວນ 80,8 ລ້ານໂດລາສະຫະລັດ, ເພື່ອນໍາມາພັດທະນາເຂື່ອນໄຟຟ້າເຊປຽນ-ເຊນ້ຳນ້ອຍ,
ເຊິ່ງເປັນໂຄງການໜຶ່ງທີ່ສໍາຄັນໃນການພັດທະນາພະລັງງານຂອງປະເທດເພື່ອປະກອບສ່ວນເຂົ້າໃນການພັດທະນາເສດຖະກິດ-ສັງຄົມຂອງ ຕົນໃຫ້ຂະຫຍາຍຕົວຕໍ່ເນື່ອງ ແລະ ຈະເປັນການສ້າງລາຍຮັບທີ່ໜັກແໜ້ນ ເພື່ອຊ່ວຍລາວຫລຸດພົ້ນອອກຈາກການເປັນປະເທດດ້ອຍພັດທະນາໄດ້,
ຊຶ່ງພິທີເຊັນສັນຍາກູ້ຢືມເງິນດັ່ງກ່າວ ໄດ້ມີຂຶ້ນໃນວັນທີ 27 ຕຸລານີ້ ທີ່ກະຊວງການເງິນ ລະຫວ່າງທ່ານ ດຣ.
ລຽນ ທິແກ້ວ ລັດຖະມົນຕີວ່າການກະຊວງການເງິນ ແລະ ທ່ານ
ຊອງ ເຮ ຢິມ ຮອງປະທານກອງທຶນ ເພື່ອການຮ່ວມມື
ແລະ ພັດທະນາເສດຖະກິດ ສ
ເກົາຫລີ ໂຄງການເຂື່ອນໄຟຟ້າເຊປຽນ-ເຊນ້ຳນ້ອຍ ຕັ້ງຢູ່ແຂວງຈໍາປາສັກ ຄາດວ່າຈະມີກໍາລັງຕິດຕັ້ງທັງໝົດ 410 ເມກາວັດ ເຊິ່ງທີ່ຈະຂາຍໄຟຟ້າໃຫ້ແກ່ປະເທດໄທ 90% ແລະ ລັດວິສາຫະກິດໄຟຟ້າລາວ 10%, ຊຶ່ງໂຄງການດັ່ງກ່າວໄດ້ກະກຽມມາແຕ່ປີ 2008 ແລະ ໄດ້ສໍາເລັດການເຊັນສັນຍາພັດທະນາໂຄງການໃນເດືອນ 11 ປີ
2008 ລະຫວ່າງລັດຖະບານລາວ ແລະ ຜູ້ພັດທະນາໃນຮູບແບບກໍ່ສ້າງ, ດໍາເນີນງານ ແລະ ມອບໂອນມີມູນຄ່າທັງໝົດ 1.020 ລ້ານໂດລາສະຫະລັດ ແລະ ໄດ້ສໍາເລັດການເຊັນສັນຍາຊື້-ຂາຍໄຟຟ້າຮ່ວມກັບການໄຟຟ້າຝ່າຍຜະລິດແຫ່ງປະເທດໄທ ໃນເດືອນ 2/2013 ຜ່ານມາ
ເຊິ່ງລັດວິສາຫະກິດຖືຫຸ້ນລາວເປັນຜູ້ຕາງໜ້າລັດຖະບານຖືຫຸ້ນໃນອັນຕາສ່ວນ 24% ຂອງບ້ວງການປະກອບຫຸ້ນໃນໂຄງການ ແລະ ມີບັນດາຜູ້ພັດທະນາຈາກ ສ.ເກົາຫລີ ເຂົ້າຮ່ວມລົງທຶນນໍາດ້ວຍ.
No comments:
Post a Comment