ເຊົ້າວັນທີ 29 ຕຸລານີ້, ທ່ານ
ບຸນຫລາຍ ວົງດາລາ ຮອງເຈົ້າເມືອງປາກລາຍ ໄດ້ໃຫ້ກຽດເຂົ້າຮ່ວມພິທີສູ່ຂວັນ ແລະ ເປີດຂະບວນຄາລະວານຊ້າງໄປສູ່ເມືອງມໍລະດົກໂລກຫລວງພະບາງ
ເພື່ອຮ່ວມພິທີສະເຫລີມສະຫລອງການເປັນເມືອງມໍລະດົກໂລກ ຄົບຮອບ 20 ປີ (9/12/1995-9/12/2015), ໃນນັ້ນ
ຊ້າງ 3 ເຊືອກຂອງເມືອງປາກລາຍ ໄດ້ເລີ່ມເດີນທາງອອກຈາກເມືອງປາກລາຍ ເຊິ່ງຈະໄປຮອດເມືອງທົ່ງມີໄຊ ໃນວັນທີ 30 ຕຸລານີ້ ເພື່ອສົມທົບກັບຊ້າງອີກ 6 ເຊືອກຢູ່ເມືອງທົ່ງມີໄຊ ແລະ ເມືອງພຽງ ລວມ 9 ເຊືອກ ຈະໄດ້ພ້ອມກັນເດີນທາງຜ່ານເມືອງໄຊຍະບູລີ ແລະ ເມືອງຫົງສາ ເພື່ອມຸ່ງໜ້າເຂົ້າສູ່ເມືອງຫລວງພະບາງ ໂດຍຈະໃຊ້ເວລາປະມານ 45 ວັນ.
20 ປີ ຜ່ານມາ ເມືອງມໍລະດົກໂລກ ໄດ້ຮັບການພັດທະນາໃຫ້ມີການຫັນປ່ຽນຢ່າງຕັ້ງໜ້າ
ເຕີບໃຫຍ່ຂະຫຍາຍ ຕົວຢ່າງຕໍ່ເນື່ອງ
ໂດຍສະເພາະທາງດ້ານເສດຖະກິດ-ສັງຄົມ ແລະ
ການບໍລິການ, ດ້ານວັດທະນະທຳກໍໄດ້ມີການບູລະ ນະ ແລະ
ປົກປັກຮັກສາເອກະລັກວັດທະນະທຳໃຫ້ຄົງຢູ່ກັບຊາວຫລວງພະບາງຕະຫລອດໄປ.
No comments:
Post a Comment