ໃນວັນທີ 28 ຕຸລານີ້ ຢູ່ສະພາແຫ່ງຊາດໄດ້ຈັດກອງປະຊຸມແລກປ່ຽນບົດຮຽນດ້ານການປັບປຸງລັດຖະທໍາມະ ນູນ ແລະ ກົດໝາຍ
ລະຫວ່າງ ສະພາແຫ່ງຊາດລາວ ແລະ ສສ ຫວຽດນາມ
ເພື່ອຍົກລະດັບຄວາມຮູ້ຕໍ່ການປັບປຸງລັດ ຖະທໍາມະນູນ,
ກົດໝາຍທີ່ພົວພັນເຖິງສະພາແຫ່ງຊາດ, ສະພາປະຊາຊົນທ້ອງຖິ່ນ, ໂດຍການໃຫ້ກຽດເຂົ້າຮ່ວມຂອງທ່ານນາງ ປານີ
ຢາທໍຕູ້ ປະທານສະພາແຫ່ງຊາດລາວ, ທ່ານ ອາຊາງ ລາວລີ ຮອງນາຍົກລັດຖະມົນຕີ, ຜູ້ຊີ້ນໍາວຽກງານຂົງເຂດການປົກຄອງ, ທ່ານ ຫງວຽນ
ວັນຖ້ວນ ປະທານກໍາມະທິການກົດໝາຍ ຊຸດທີ 12 ສະພາແຫ່ງຊາດ ສສ ຫວຽດນາມ, ມີບັນດາສະມາຊິກສະພາແຫ່ງຊາດ ແລະ ຜູ້ຊຽວຊານດ້ານກົດໝາຍຂອງສອງຝ່າຍເຂົ້າຮ່ວມເປັນຈຳ ນວນຫລາຍ.
ໃນກອງປະຊຸມ ບັນດາຜູ້ຊ່ຽວຊານດ້ານກົດໝາຍ ຂອງສະພາແຫ່ງຊາດ ລາວ ແລະ ຫວຽດນາມ ໄດ້ປຶກສາຫາລື ແລະ ແລກປ່ຽນຄໍາຄິດຄໍາເຫັນກ່ຽວກັບທິດສະດີ
ແລະ ພຶດຕິກໍາໃນການສ້າງ ແລະ ປັບປຸງລັດຖະທໍາມະນູນ ແລະ ກົດໝາຍ
ເປັນຕົ້ນແມ່ນການແບ່ງປັນສິດໜ້າທີ່ ລະຫວ່າງ ສະພາແຫ່ງຊາດ, ປະທານປະເທດ ແລະ ນາຍົກລັດຖະມົນຕີ, ພື້ນຖານທິດສະດີຂອງການສ້າງສະພາປະຊາຊົນທ້ອງຖິ່ນ, ການສ້າງຕັ້ງຄະນະກໍາມະການປະຊາຊົນທ້ອງຖິ່ນ, ພຶດຕິກໍາຂອງຫວຽດນາມ ໃນການກໍານົດການພົວພັນ ລະຫວ່າງ ສະພາປະຊາ ຊົນທ້ອງຖິ່ນ ແລະ
ບັນຫາສຳຄັນອື່ນໆອີກ.
No comments:
Post a Comment