ຮອງກຳມະການ ຜູ້ຈັດການໃຫຍ່ ບໍລິສັດ ໂຕໂຍຕາ ມໍເຕີ້ ປະເທດໄທ ຈຳກັດ ກ່າວວ່າ: ໂຕໂຍຕາ ມີຄວາມມຸ້ງໝັ້ນຮ່ວມເປັນສ່ວນໜຶ່ງໃນການສ້າງຄວາມສຸກ ແລະ ສ້າງຮອຍຍີ້ມສູ່ສັງຄົມລາວ ພາຍໃຕ້ຄໍາຂວັນ: “ໂຕໂຍຕາ ໄປໃສໄປນຳກັນ” ດ້ວຍການເປັນອົງການທີ່ດີ ມີຈິດສຳນຶກຄວາມຮັບຜິດຊອບ ແລະ ຮ່ວມພັດທະນາສັງຄົມລາວ, ໂດຍໃຫ້ການສະໜັບສະໜູນທາງດ້ານການສຶກສາ ແລະ ຍົກລະດັບຄຸນນະ ພາບຊີວິດໃຫ້ແກ່ຜູ້ດ້ອຍໂອກາດ, ເຊິ່ງໃນປີນີ້, ໂຕໂຍຕາ ໄດ້ຈັດຄອນເສີດການກຸສົນຂຶ້ນ ເພື່ອນຳເງິນລາຍໄດ້ ຈຳນວນ
230 ລ້ານກີບ ຈາກການຂາຍບັດ ເພື່ອນຳໄປຊ່ວຍເຫລືອຜູ້ທີ່ດ້ອຍໂອກາດໃນການສຶກສາ ແລະ ອື່ນໆ
ເຮັດໃຫ້ພວກເຂົາ
ເຫລົ່ານັ້ນ ໄດ້ມີໂອກາດເຂົ້າເຖິງການສຶກສາ ແລະ ການດຳລົງຊີວິດດີຂຶ້ນກວ່າເກົ່າ. ນອກຈາກນີ້ ໂຕໂຍຕາ ຍັງໄດ້ເຊີນເອົານ້ອງນັກຮຽນສິລະປະແຫ່ງຊາດ ເຂົ້າຮ່ວມຊົມຄອນເສີດແບບບໍ່ເສຍຄ່າ, ເພື່ອເປັນປະໂຫຍດໃນການຮຽນຮູ້ທາງດ້ານສິລະປະດົນຕີຂອງນ້ອງເຍົາວະຊົນອີກດ້ວຍ.
ການສະແດງຄອນເສີດຄັ້ງນີ້ ມີວົງບູດາເປສ ໂອເປີເຣັດຕ້າ ແລະ ມິວສິກໂຄວ
ເທຍເຕີ້ ນຳໂດຍຜູ້ອຳນວຍການເພງ Laszlo Maklary ຜູ້ຊະນະລາງວັນ Artisjus ແລະ
ສິລະປິນຊົງກຽດແຫ່ງ ປະເທດ ຮົງກາຣີ້ ຮ່ວມດ້ວຍສິລະປິນຂັບຮ້ອງຫລາຍທ່ານທີ່ມາສ້າງຄວາມມ່ວນຊື່ນໃຫ້ແກ່ມວນຊົນຜູ້ເຂົ້າຊົມ, ເຊິ່ງໄດ້ສະແດງໃນຫລາຍປະເທດໃນທະວີບເອີຣົບ ແລະ ເອເຊຍ ໃນປີ
2011 ສາມາດເອົາຊະນະລະຄອນລະດັບໂລກ ແລະ ຍາດເອົາສິດທິໃນການສະແດງລະຄອນເພງ ໂສມງາມກັບເຈົ້າຊາຍອາສູນ ໃນປະເທດທີ່ເວົ້າພາສາເຢຍລະມັນ ແລະ ຍັງໄດ້ຮັບລາງວັນອັນຊົງກຽດ ຊູເປີແບລນ
ໃນສາຂາວົງຍອດນິຍົມຕິດຕໍ່ກັນສາມປີຊ້ອນ. ນອກຈາກນີ້ ຄອນເສີດການກຸສົນ ໂຕໂຍຕາ ຄາສສິກ ໄດ້ຈັດຂຶ້ນຄັ້ງທຳອິດໃນປີ
1990 ເພື່ອເປັນການເຜີຍແຜ່ວັດທະນະທຳດົນຕີຄາສສິກ ອັນເປັນສິລະປະທາງດົນຕີຊັ້ນສູງໃຫ້ແກ່ປະເທດໃນພາກພື້ນເອເຊຍນຳສະເໜີການສະແດງຈາກວົງດົນຕີລະດັບໂລກ, ສົ່ງເສີມໃຫ້ປະຊາຊົນເກີດຄວາມປະທັບໃຈ ແລະ ມ່ວນຊື່ນໃນການຟັງດົນຕີຄຼາສສິກ, ເຊິ່ງໄດ້ມອບລາຍໄດ້ໃນການຈຳໜ່າຍບັດມອບໃຫ້ອົງການການກຸສົນ ໂດຍຈັດສະແດງມາແລ້ວ 175 ຄັ້ງ, ມີຜູ້ເຂົ້າຮ່ວມຫລາຍກວ່າ 2 ແສນຄົນໃນເຂດປະເທດເອເຊຍ.
No comments:
Post a Comment