ສ.ເກົາຫລີ ໄດ້ມອບເກີບກິລາ ຈຳນວນ 5.010 ຄູ່ ເພື່ອເປັນເຄື່ອງຊ່ວຍເຫລືອໃຫ້ແກ່ປະຊາຊົນລາວ ຜູ້ທຸກຍາກ ແລະ ຂາດເຂີນ ເຊິ່ງພິທີມອບ-ຮັບໄດ້ຈັດຂຶ້ນທີ່ເມືອງບູຊານ ໃນວັນທີ 26 ຕຸລານີ້ ລະຫວ່າງທ່ານຈອງ ເຈ ໂຢນ (Mr. Cheong Jae Yeol) ຫົວໜ້າ ຫ້ອງການພາສີບູຊານ ແລະ ທ່ານ
ຄຳສວຍ ແກ້ວດາລາວົງ
ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ສປປ ລາວ ປະຈຳ ສ.ເກົາຫລີ, ມີທ່ານ ໂອມຸງ ຮວານ (Oh Myung
Hwan) ປະທານສະມາຄົມມິດຕະພາບ ເກົາຫລີ-ລາວ, ພະນັກງານສະຖານທູດ, ບັນດາຫົວໜ້າກົມ ແລະ ພະນັກງານຫ້ອງການພາສີ ເມືອງບູຊານເຂົ້າຮ່ວມ.
ເກີບຈຳນວນດັ່ງກ່າວແມ່ນສິນຄ້ານຳເຂົ້າຈາກຕ່າງປະເທດທີ່ຫ້ອງການພາສີເມືອງບູຊານກວດພົບ ແລະ ຢຶດໄດ້ຍ້ອນມີການລະເມີດລິຂະສິດນ ຈຶ່ງໄດ້ມອບໃຫ້ລາວເພື່ອນຳໄປຊ່ວຍເຫລືອປະຊາຊົນຜູ້ທຸກຍາກຂາດເຂີນໃນເຂດຫ່າງໄກສອກຫລີກ
ລວມມີມູນຄ່າທັງໝົດປະມານ 250.000 ໂດລາສະຫະລັດ.
No comments:
Post a Comment