ໃນວັນທີ 14-15 ທັນວານີ້, ກະຊວງສຶກສາທິການ ແລະ ກິລາ ແລະ ກະຊວງຮ່ວມມືເສດຖະກິດ ແລະ ການພັດທະນາ ສສ.
ເຢຍລະມັນ ໄດ້ຈັດກອງປະຊຸມອາຊີວະສຶກສາຂອງປະເທດພາກພື້ນ ຄັ້ງທີ
3 ຂຶ້ນທີ່ນະຄອນລຫວງວຽງຈັນ ພາຍໃຕ້ຫົວຂໍ້: “ສະໜັບສະໜູນການເຊື່ອມໂຍງປະຊາຄົມເສດຖະກິດອາຊຽນ ດ້ວຍການເລັງໃສ່ການຮຽນຮ່ວມ ແລະ ຕະ
ຫລາດແຮງງານ”, ໂດຍການໃຫ້ກຽດເຂົ້າຮ່ວມຂອງທ່ານ ພັນຄຳ ວິພາວັນ ຮອງນາຍົກລັດຖະມົນຕີ ລັດຖະມົນຕີວ່າການກະຊວງສຶກສາທິການ ແລະ ກິລາ, ທ່ານ ໂທມັດສ໌ ຊີນເບີຮອນ ເລຂາປະຈຳສະພາ ແລະ ລັດຖະມົນຕີຊ່ວຍວ່າການກະຊວງຮ່ວມມືເສດຖະກິດ ແລະ ການພັດທະນາ ສສ
ເຢຍລະມັນ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.
ໃນໂອກາດນີ້ ທ່ານ ພັນຄຳ ວິພາວັນ ໄດ້ມີຄຳເຫັນວ່າ: ເມື່ອເວົ້າເຖິງການພັດທະນາຊັບພະ ຍາກອນມະນຸດແລ້ວ ບັນດາປະເທດອາຊຽນຖືວຽກງານດັ່ງກ່າວເປັນບູລິມະສິດສຳຄັນໃນການເຊື່ອມໂຍງໃຫ້ສອດຄ່ອງກັບການພັດທະນາເສດຖະກິດທີ່ກຳລັງຂະຫຍາຍຕົວຂອງພາກພື້ນ ໄດ້ເຮັດໃຫ້ຄວາມຕ້ອງການກຳມະກອນທີ່ມີຄວາມຊຳນານງານສູງໃນທຸກລະດັບ, ບັນຫາດັ່ງກ່າວໄດ້ຖືກຕ້ອງ ແລະ ສອດຄ່ອງກັບຄວາມຕ້ອງການຂອງລາວ, ໂດຍສະເພາະແມ່ນໄລຍະທີ່ຈະກ້າວເຂົ້າສູ່ການປະຕິບັດແຜນພັດທະນາເສດຖະກິດ-ສັງຄົມ 5 ປີຄັ້ງທີ 8
(2016-2020), ເຊິ່ງເປັນຊ່ວງເວລາທີ່ໜັກໜ່ວງ ແລະ ເຕັມໄປດ້ວຍສິ່ງທ້າທາຍທີ່ໃຫຍ່ກວ່າເກົ່າ. ທ່ານຮອງນາຍົກກ່າວຢໍ້າວ່າ: ເຖິງຢ່າງໃດກໍຕາມ ພວກຂ້າພະເຈົ້າ ກໍບໍ່ໄດ້ຢູ່ໂດດດ່ຽວໃນການແກ້ໄຂບັນຫາ ແລະ ສິ່ງທ້າທາຍຕ່າງໆ ພວກຂ້າພະເຈົ້າມີຫລາຍປະເທດ ແລະ ອົງການຈັດຕັ້ງສາກົນ ທີ່ໄດ້ໃຫ້ການສະໜັບສະໜູນຊ່ວຍເຫລືອຕະຫລອດມາ ສຳລັບການຊ່ວຍເຫລືອທີ່ໂດດເດັ່ນທາງດ້ານອາຊີວະສຶກສາໃນການຝຶກອົບຮົມວິຊາຊີບ ກໍແມ່ນ ສສ.
ເຢຍລະມັນ, ກອງປະຊຸມຄັ້ງນີ້ ເປັນການເປີດໂອກາດໃຫ້ຜູ້ແທນໄດ້ແລກປ່ຽນບົດຮຽນ, ປະສົບການ ແລະ ມີຄຳເຫັນກ່ຽວກັບສະຖານະພາບຂອງວຽກງານການສຶກສາ ແລະ ການຝຶກອົບຮົມວິຊາຊີບໃນພາກພື້ນ ແລະ ສາກົນ.
ນອກນັ້ນ ຍັງຈະໄດ້ໃຫ້ຜູ້ທີ່ເຂົ້າຮ່ວມໄດ້ແບ່ງປັນສິ່ງທ້າທາຍໃນອະນາຄົດຂ້າງໜ້າ, ສິ່ງສຳຄັນແມ່ນເປັນເວທີປຶກສາຫາລືເຖິງວິທີການຕ່າງໆຂອງບັນດາປະເທດອາຊຽນໃນການສ້າງຄວາມກົມກຽວດ້ານການພັດທະນາວຽກງານດັ່ງກ່າວ ຫລັງຈາກປີ 2015, ໃນນີ້ ຜູ້ແທນທີ່ເຂົ້າຮ່ວມກອງປະຊຸມ ຍັງໄດ້ຮຽນຮູ້ບົດຮຽນອັນໃໝ່ໆ ຈາກການປະຕິບັດ ແລະ ການມີສ່ວນຮ່ວມຂອງບັນດາຜູ້ຊ່ຽວຊານດ້ານວຽກງານອາຊີວະສຶກສາ
ທີ່ມາຈາກປະເທດອາຊຽນ ແລະ ຮຽນຮູ້ສິ່ງທ້າທາຍໃນການເຂົ້າເປັນປະຊາຄົມເສດຖະກິດອາຊຽນຕໍ່ກັບຕະຫລາດແຮງງານທ້ອງຖິ່ນ ແລະ ພາກພື້ນ, ເຊິ່ງມັນມີຄວາມຈຳເປັນ ທີ່ຈະຕ້ອງມີການປັບປຸງລະບົບອາຊີວະສຶກສາ, ລວມເຖິງພາກເອກກະຊົນໃຫ້ເຂົ້າມາມີສ່ວນຮ່ວມໃນວຽກງານອາຊີວະສຶກສາກັບພາກລັດ ແລະ ຄູ່ຮ່ວມພັດທະນາຫລາຍຂຶ້ນ,
ເຊິ່ງວຽກງານອາຊີວະສຶກສາ ຍັງເປັນອົງປະກອບທີ່ສຳຄັນຂອງການສຶກສາ ທີ່ຈະນໍາໄປສູ່ການປະກອບອາຊີບໃນອານາຄົດ, ທັງນີ້ ກໍເພື່ອປະກອບສ່ວນເຂົ້າໃນການປັບປຸງຄຸນນະພາບຂອງການສຶກສາດ້ານອາຊີວະສຶກສາ ແລະ ເພີ່ມການຮ່ວມມືເຊິ່ງກັນ ແລະ ກັນໃຫ້ຫລາຍຂຶ້ນ, ໂດຍອີງໃສ່ມາດຕະຖານດຽວກັນ. ນອກຈາກນີ້ ໃນກອງປະຊຸມ ຍັງໄດ້ເນັ້ນໜັກເຖິງ 4 ຫົວຂໍ້ໃຫຍ່ຄື:
ການບໍລິຫານວຽກງານອາຊີວະສຶກສາ, ການຈັດການຮຽນ-ການສອນໃຫ້ແກ່ຜູ້ດ້ອຍໂອກາດ, ການຮ່ວມມືພາກລັດ ແລະ ເອກກະຊົນ ແລະ ການພັດທະນາບຸກຄະລາກອນໃຫ້ນັບມື້ມີຄຸນນະພາບດີຂຶ້ນເລື້ອຍໆ.
ການຮ່ວມມືລະຫວ່າງ ສປປ
ລາວ ແລະ ສສ.
ເຢຍລະມັນ ແມ່ນແນໃສ່ເພື່ອປັບປຸງລະບົບອາຊີວະສຶກສາ, ຊຶ່ງກວມເອົາກຸ່ມຄົນທີ່ດ້ອຍໂອກາດ, ໂດຍສະເພາະຄວາມຕ້ອງການຂອງຕະຫລາດແຮງງານລາວ, ໃນປັດຈຸບັນ ສສ.
ເຢຍລະມັນ ພວມຈັດຕັ້ງປະຕິບັດອາຊີວະສຶກສາຫລາຍໂຄງການ ເຊິ່ງໄດ້ກວມເອົາຜູ້ດ້ອຍໂອກາດປະມານ 70%, ໂດຍການສະໜັບສະໜູນຫລັກທາງດ້ານວິຊາການ, ອຸປະກອນ, ງົບປະມານ ແລະ ອື່ນໆອີກຫລາຍຢ່າງ.
No comments:
Post a Comment