ອຳນວຍການທະນາຄານຊາຄອມແບັງສາຂາລາວໃຫ້ຮູ້ວ່າ: ທະນາຄານຊາຄອມແບັງລາວ ຫຼື
ທະນາຄານໄຊງ່ອນເທື່ອງຕິ່ນ ລາວ
ຈຳກັດ ເປັນທະນາຄານລູກທີ່ຂື້ນກັບທະນຄານ ຊາຄອມແບັງຫວຽດນາມ, ສ້າງຕັ້ງຂຶ້ນໃນວັນທີ 12 ທັນວາ 2008, ເປັນທະນາຄານຮຸ້ນສ່ວນການຄ້າແຫ່ງທຳອິດຂອງ ສສ ຫວຽດນາມ ທີ່ດຳເນີນທຸລະກິດຢູ່ ສປປ ລາວ ແລະ ມາຮອດເດືອນສິງຫາ 2015 ນີ້,ທະນາຄານແຫ່ງ ສປປ ລາວ ຈຶ່ງໄດ້ອອກຂໍ້ຕົກລົງຍົກລະດັບທະນາຄານດັ່ງກ່າວມາເປັນທະນາຄານທຸລະກິດລົງທືນຕ່າງປະເທດ
100%, ຊຶ່ງເປັນບາດກ້າວພົ້ນເດັ່ນແຫ່ງການພັດທະນາແບບໃໝ່ຂອງທະນາຄານດັ່ງກ່າວ.
ຜ່ານການດຳເນີນທຸລະກິດມາຮອດປັດຈຸບັນທະນາຄານຊາຄອມແບັງມີ
563 ຈຸດບໍລິການ, ໃນນັ້ນ 552 ຈຸດບໍລິຫານແມ່ນຢູ່ ສສ
ຫວຽດນາມ, ຢູ່ລາຊະອານາຈັກກຳປູເຈຍມີ
7 ສາຂາບໍລິການ ແລະ ຢູ່ ສປປ ລາວ
ມີ
2 ໜ່ວຍບໍລິການ, ທະນາຄານຊາຄອມແບັ່ງໄດ້ປະກອບສ່ວນ ແລະ ເຊື່ອມໂຍງເຂົ້າໃນບາດກ້າວຂະຫຍາຍຕົວແຫ່ງການພັດທະນາເສດຖະກິດຂອງລາວດ້ວຍການສະໜອງເຄື່ອງມືທາງດ້ານການເງິນ ແລະ ຜະລິດຕະພັນຕ່າງໆທາງດ້ານການເງິນທີ່ທັນສະໄໝໃຫ້ກັບລູກຄ້າ, ມາຮອດປັດຈຸບັນທະນາຄານຊາຄອມແບັງສາຂາລາວສາມາດລະດົມທຶນໄດ້ 78 ລ້ານໂດລາສະຫາລັດ ຫຼື
ປະມານ 624 ຕື້ກີບ, ສ່ວນສິນເຊື້ອບັນລຸໄດ້ຫຼາຍກວ່າ 500 ຕື້ກີບ, ຜົນກຳໄລກ່ອນເສຍອາກອນ 12,8 ຕື້ກີບ ຫຼື
ປະມານ 1,6 ລ້ານໂດລາສະຫາລັດ.
ທ່ານອຳນວຍການກ່າວວ່າ: ໃນຕໍ່ໜ້າທະນາຄານຊາຄອມແບັງຈະສືບຕໍ່ຊອກຫາຕະຫຼາດ, ສ້າງວິທີການດຳເນີນທຸລະກິດ, ເປີດກ້ວາງການຮ່ວມມືກັບສະຖາບັນການເງິນ-ການທະນາຄານໃນ ສປປ ລາວໃຫ້ຫຼາຍຂຶ້ນ, ແນ່ໃສ່ຍົກລະດັບທາງດ້ານການຮ່ວມມື, ຂະຫຍາຍຕາໜ່າງການດຳເນີນທຸລະກິດ,ເປັນຕົ້ນແມ່ນການຂະ ຫຍາຍສາຂາ,ໜ່ວຍບໍລິການ ແລະ ສ້າງຜະລິດຕະພັນ- ການບໍລິການທີ່ແທດ ເໝາະກັບຈຸດພິເສດ ແລະ ຄວາມຕ້ອງການຂອງຕະລະຂົງເຂດວຽກງານ, ພ້ອມທັງລົງທຶນກໍ່ສ້າງພື້ນຖານເຕັກນິກ-ຂ່າວສານໃຫ້ທັນສະໄໝ, ເພື່ອສະໜອງການບໍລິການລູກຄ້າໃຫ້ວ່ອງໄວ
ແລະ ມີຄຸນນະພາບສູງຂຶ້ນ.
No comments:
Post a Comment