ທ່ານ ວິຊຽນ ເອັມປະເສີດສຸກ ກ່າວວ່າ: ຊຸດອົບຮົມດັ່ງກ່າວ ໄດ້ຈັດຂຶ້ນເພື່ອສ້າງຈິດສໍານຶກທີ່ດີໃຫ້ຜູ້ຂັບຂີ່
ມີຄວາມປອດໄພ ແລະ ເພື່ອແນໃສ່ສ້າງຄູຝຶກດ້ານການຂັບຂີ່ໃຫ້ບັນດາຕົວແທນຈໍາໜ່າຍລົດໂຕໂຍຕາ
ໃນ ສປປ ລາວ ແລະ
ເຈົ້າໜ້າທີ່ກະຊວງໂຍທາທິການ ແລະ ຂົນສົ່ງ ໄດ້ມີຄວາມຮູ້ ແລະ ເຂົ້າໃຈ ໃນເລື່ອງຂອງຄວາມປອດໄພ ແລະ
ສາມາດນໍາຄວາມຮູ້ເຫລົ່ານີ້ໄປຖ່າຍທອດໃຫ້ຜູ້ຂັບຂີ່ອື່ນໆອີກ. ການຝຶກອົບຮົມໄດ້ປະກອບມີ 2 ພາກຄື: ຕອນເຊົ້າເປັນພາກທິດສະດີ ທີ່ກ່ຽວກັບການຄາດການຂອງຜູ້ຂັບຂີ່ ເພື່ອປ້ອງກັນການເກີດອຸປະຕິເຫດ ແລະ ຕອນບ່າຍເປັນພາກປະຕິບັດຕົວຈິງ, ຊຶ່ງຜູ້ເຂົ້າຮ່ວມຈະໄດ້ຂັບລົດຕົວຈິງ
ແລະ ມີສ່ວນຮ່ວມໃນສະຖານີການທົດສອບຕ່າງໆ.
ນອກຈາກນີ້ ບໍລິສັດ
ໂຕໂຍຕ້າ ມໍເຕີ້ ປະເທດໄທ ໄດ້ຈັດກິດຈະກໍາຕ່າງໆ ເພື່ອສະໜັບສະໜູນດ້ານການສືກສາ, ກິລາ ແລະ ໄດ້ຈັດກິດຈະກໍາທາງດ້ານສິລະປະວັດທະນະທໍາຕ່າງໆຢ່າງຫລວງຫລາຍອີກດ້ວຍ.
No comments:
Post a Comment