ບໍ່ວ່າແນວໃດ,
ຄໍ່າບໍ່ໄດ້ຢືນຄືນບໍ່ໄດ້ຢູ່ມັນເປັນຄຳເວົ້າທຳມະດາໄປແລ້ວສຳລັບນັກຮົບຈະ ລາຈອນ ແລະ ໃນຄວາມຈິງມັນກໍແມ່ນແນວນັ້ນແທ້ ເພື່ອຮັບປະກັນຄວາມສະຫງົບປອດໄພ ແລະ ຄວາມເປັນລະບຽບຮຽບຮ້ອຍຂອງສັງຄົມ ໂດຍສະເພາະແມ່ນບັ້ນງານບຸນໃຫຍ່ສຳຄັນຕ່າງໆຂອງຊາດຄືເມື່ອຜ່ານມາມໍ່ໆນີ້ກໍແມ່ນບຸນນະມັດສະການພະທາດຫລວງ ແລະ ການສະເຫລີມສະຫລອງໃຫຍ່ວັນສະຖາປະນາ ສປປ ລາວ
ຄົບຮອບ
40 ປີຢ່າງມີຜົນສຳເລັດ ແລະ ສາມາດຮັບປະກັນໄດ້ຄວາມສະຫງົບປອດໄພໄດ້ເປັນຢ່າງດີ.
ດັ່ງທ່ານພັນຕີ ສັງຄົມ ພົມມະລາດ ຮອງຫົວໜ້າພະແນກຈະລາຈອນ ປກສ ນະຄອນຫລວງວຽງຈັນ ໄດ້ເປີດເຜີຍໃຫ້ຮູ້ວ່າ: ພາຍຫລັງໄດ້ຮັບຄຳສັ່ງຈາກກອງບັນຊາການກໍຄືກະຊວງປ້ອງກັນຄວາມ
ສະຫງົບໃຫ້ກຳລັງນັກຮົບຈະລາຈອນເພີ່ມທະວີຮັກສາຄວາມສະຫງົບ ແລະ ຄວາມເປັນລະ ບຽບຮຽບຮ້ອຍຂອງການຈະລາຈອນໃນນະຄອນຫລວງວຽງຈັນ ໂດຍສະເພາະແມ່ນໃນໄລຍະບັ້ນບຸນໃຫຍ່ຕ່າງໆຂອງຊາດ, ພະແນກຈະລາຈອນກໍໄດ້ວາງແຜນໂດຍນຳກຳລັງລົງປະຈຳການເພື່ອຕິດຕາມ ແລະລະບາຍການສັນຈອນຢູ່ຈຸດຫລໍ່ແຫລມຕ່າງໆຈຳນວນ 100 ກວ່າຈຸດ ໂດຍສະເພາະໃນເຂດຈະຈັດງານຄືເຂດເດີ່ນທາດຫລວງ, ສູນການຄ້າລາວ-ໄອເຕັກ ແລະ ເສັ້ນທາງເຂົ້າ-ອອກເມືອງທັງ 4 ທິດ ໃຫ້ຮັບປະກັນ ໂດຍເລັ່ງໃສ່ລະບາຍການຈະລາຈອນ, ການກວດກາ ແລະ ຕັກເຕືອນຜູ້ລະເມີດລະບຽບຈະລາຈອນ ໂດຍສະເພາະແມ່ນການຈອດລົດຊະຊາຍ ເຊິ່ງເປັນຕົ້ນເຫດຫລັກກໍ່ໃຫ້ເກີດການສັນຈອນແອອັດນັ້ນໃຫ້ຫລຸດຜ່ອນລົງ, ພ້ອມປະຕິບັດຕາມແຈ້ງການຂອງພະແນກໂຍທາທິການ ແລະຂົນສົ່ງ, ສັ່ງປິດບາງສາຍທາງເປັນບາງຄັ້ງຄາວໃນມື້ບຸນ ແລະ ຫ້າມລົດບັນທຸກຫີນຊາຍແລ່ນເຂົ້າ-ອອກໃນຕົວເມືອງຢ່າງເດັດຂາດ. ຈາກນັ້ນ ຈຶ່ງເຮັດໃຫ້ການຈະລາຈອນໃນໄລຍະງານບຸນໃຫຍ່ດັ່ງກ່າວມີຄວາມເປັນລະບຽບຮຽບຮ້ອຍ ແລະ ສາມາດຮັບປະກັນໄດ້ຄວາມສະຫງົບປອດໄພດີກວ່າເວລາໃດໝົດຄືນັບແຕ່ວັນທີ
28 ພະຈິກຫາວັນທີ
2 ທັນວາ 2015 ຜ່ານມານີ້ຢູ່ທົ່ວນະຄອນຫລວງວຽງຈັນມີອຸປະຕິເຫດເກີດຂຶ້ນພຽງ 22 ກໍລະນີສົ່ງຜົນໃຫ້ມີຜູ້ເສຍຊີວິດພຽງ 5 ຄົນເທົ່ານັ້ນ.
No comments:
Post a Comment