ໂຄງການບ້ານຈັດສັນດັ່ງກ່າວ ໄດ້ຮັບການກໍ່ສ້າງຂຶ້ນໃນເຂດເນື້ອທີ່ຮາບພຽງ ແລະ ກວ້າງຂວາງດີ ເພື່ອປຸກສ້າງເຮືອນຢູ່ໃຫ້ແກ່ປະຊາຊົນຈຳນວນ 59 ຄອບຄົວ
ລວມມີສະມາຊິກທັງໝົດ 400 ຄົນ
ທີ່ຍົກຍ້າຍອອກມາຈາກເຂດອ່າງເຂື່ອນໄຟຟ້າເຊຂະໜານໜຶ່ງ ເພື່ອເຂົາເຈົ້າມີເງື່ອນໄຂພັດທະນາຊີວິດການເປັນຢູ່ດີຂຶ້ນກວ່າເກົ່າ. ດັ່ງນັ້ນ
ທາງບໍລິສັດຈຶ່ງໄດ້ສຸມໃສ່ກໍ່ສ້າງພື້ນຖານໂຄງລ່າງ, ນອກຈາກເຮືອນຢູ່ທີ່ມີມາດຕະຖານແລ້ວ
ຍັງໄດ້ສ້າງຖະໜົນ
ຫົນທາງ, ລະບົບນ້ຳສະອາດ, ໄຟຟ້າ, ໂຮງຮຽນ, ສຸກສາລາ, ບ່ອນປູກຝັງ, ລ້ຽງສັດອື່ນໆອີກ ເຊິ່ງແຕ່ລະຄອບຄົວຈະໄດ້ຮັບເຂດຢູ່ອາໄສກວ້າງ 800 ຕາແມັດ
ລວມມີເຮືອນຢູ່, ຫ້ອງຄົວ, ຄອກສັດ, ຫວິດຖ່າຍ ແລະ
ສິ່ງສາທາລະນະອື່ນໆອີກ
ຕົກເປັນມູນຄ່າປະມານ 500 ລ້ານດົງຕໍ່ຄອບຄົວ. ນອກນັ້ນ
ທາງບໍລິສັດຍັງໄດ້ບຸກເບີກ ແລະ
ສະໜອງເນື້ອທີ່ການຜະລິດໃຫ້ແຕ່ລະຄອບຄົວຕື່ມອີກ
ຄືດິນນາ ແລະ
ດິນໄຮ່ຢ່າງລະ 1 ເຮັກຕາ, ສວນຄົວ 0,08 ເຮັກຕາ, ສວນປູກໄມ້ໃຫ້ໝາກຫລາຍກວ່າ 1 ເຮັກຕາ, ດິນປູກໄມ້ຮັກສາສິ່ງແວດລ້ອມ 1 ເຮັກຕາ ແລະ
ບ່ອນລ້ຽງສັດອື່ນໆອີກ 1 ເຮັກຕາ. ໃນເບື້ອງຕົ້ນ
ຝ່າຍບໍລິສັດຈະໄດ້ສະໜອງປັດໄຈການຜະລິດຕ່າງໆເຊັ່ນ: ແນວພັນພືດ, ພັນສັດປະເພດງົວ-ຄວາຍ, ໝູ ແລະ
ສັດປີກຈຳນວນໜຶ່ງ ເພື່ອສ້າງເງື່ອນໄຂໃຫ້ປະຊາຊົນບ້ານຈັດສັນດັ່ງກ່າວສາມາດສ້າງຊີວິດໃໝ່ຂອງຕົນຄືນສູ່ສະພາບປົກກະຕິໂດຍໄວ ແລະ ໃນໄລຍະເວລາ 2 ປີທຳອິດ, ຝ່າຍບໍລິສັດເຊຂະໜານ 1 ຍັງໄດ້ຕອບສະໜອງເຂົ້າກິນໃຫ້ຊາວບ້ານດັ່ງກ່າວຜູ້ລະ 30 ກິໂລກຣາມເຂົ້າສານຕໍ່ເດືອນ.
ທ່ານ ດຣ. ນາມ ວິຍາເກດ ເຈົ້າແຂວງອັດຕະປື ໄດ້ຕີລາຄາສູງຕໍ່ຜົນສຳເລັດຂອງບ້ານຈັດສັນດັ່ງກ່າວ ເຊິ່ງຈະເປັນເງື່ອນໄຂສຳຄັນໃຫ້ແກ່ຊາວບ້ານຊົນນະບົດຫ່າງໄກສອກຫລີກແຫ່ງນີ້ສາມາດພັດທະນາຊີວິດການເປັນຢູ່ຂອງຕົນດີຂຶ້ນ ແລະ
ສາມາດຫລຸດພົ້ນອອກຈາກຄວາມທຸກຍາກໄດ້ໂດຍໄວ ເພາະເມື່ອກ່ອນ
ຊາວບ້ານແຫ່ງນີ້ແມ່ນມີຊີວິດການເປັນຢູ່ທຸກຍາກຂາດເຂີນຫລາຍ, ການຜະລິດຕົ້ນຕໍແມ່ນອີງໃສ່ທຳມະຊາດເປັນສ່ວນໃຫຍ່, ບໍ່ມີໄຟຟ້າ, ນ້ຳປະປາ, ຫົນທາງໄປມາພົບຄວາມຫຍຸ້ງຍາກ, ຊາວບ້ານຫ່າງເຫີນຈາກການບໍລິການຂອງການສຶກສາ ແລະ
ສາທາລະນະສຸກ. ແຕ່ມາບັດນີ້ ໂດຍອາໄສການພັດທະນາຂອງບໍລິສັດເຊຂະໜານ 1 ຈະຊ່ວຍໃຫ້ຊາວບ້ານແຫ່ງນີ້ມີຊີວິດການເປັນຢູ່ໝັ້ນຄົງຖາວອນ
ປະກອບສ່ວນສຳຄັນໃນການແກ້ໄຂຄວາມທຸກຍາກ ແລະ
ການປົກປັກຮັກສາຄວາມສະຫງົບໃນເສັ້ນຊາຍແດນສອງປະເທດ.
ປັດຈຸບັນ ບໍລິສັດດັ່ງກ່າວພວມສຸມໃສ່ກໍ່ສ້າງບ້ານຈັດສັນຫ້ວຍດຸມ ເພື່ອຊ່ວຍປະຊາຊົນຜູ້ໄດ້ຮັບຜົນກະທົບຈາກໂຄງການໄຟຟ້ານ້ຳຕົກເຊຂະໜານ 1 ມີອບ່ອນຢູ່ອາໄສ ແລະ
ສ້າງຊີວິດໃໝ່ຂອງຕົນດີຂຶ້ນ.
No comments:
Post a Comment