ຕອບສະໜອງຕາມຄຳເຊີນຂອງທ່ານ ທອງສິງ ທຳມະວົງ ນາຍົກລັດຖະມົນຕີ ແຫ່ງ ສາທາ ລະນະລັດ ປະຊາທິປະໄຕ
ປະຊາຊົນລາວ,
ທ່ານ ຮ່າງ ຄຽວ ອານ ນາຍົກລັດຖະມົນຕີ ແຫ່ງສາທາລະ ນະລັດ
ເກົາຫລີພ້ອມດ້ວຍຄະນະໄດ້ສຳເລັດການມາຢ້ຽມຢາມ
ສປປ ລາວ ຢ່າງເປັນທາງການໃນຕອນເຊົ້າວັນທີ 15 ທັນວາ 2015.
ໃນໄລຍະການເຄື່ອນໄຫວຢ້ຽມຢາມ, ທ່ານນາຍົກລັດຖະມົນຕີ ສ.ເກົາຫລີ
ໄດ້ເຂົ້າຢ້ຽມຄຳນັບທ່ານຈູມມາລີ ໄຊຍະສອນ ປະທານປະເທດແຫ່ງ ສປປ ລາວ ແລະ ທ່ານນາງ ປານີ
ຢາທໍ່ຕູ້ ປະທານສະພາແຫ່ງຊາດລາວ, ພ້ອມທັງໄດ້ພົບປະສອງຝ່າຍກັບທ່ານ ທອງສິງ
ທຳມະວົງ ເພື່ອທົບທວນຄືນກ່ຽວກັບການຈັດຕັ້ງປະຕິບັດວຽກງານພົວພັນ
ແລະ ຮ່ວມມືສອງຝ່າຍໃນໄລຍະຜ່ານມາ, ໂດຍໄດ້ຕີລາຄາສູງຕໍ່ສາຍພົວພັນມິດຕະພາບ ແລະ ການຮ່ວມມືທີ່ໄດ້ຮັບການສືບຕໍ່ຂະຫຍາຍຕົວຢ່າງຕໍ່ເນື່ອງ, ເຊິ່ງສະແດງອອກໃນການແລກປ່ຽນການຢ້ຽມຢາມລະດັບສູງເຊິ່ງກັນ ແລະ
ກັນຕະຫລອດມາ. ສອງຝ່າຍໄດ້ສະແດງຄວາມເພິ່ງພໍໃຈທີ່ເຫັນວ່າຕະຫລອດໄລຍະ 20 ປີການພົວພັນຂອງສອງປະເທດໄດ້ຮັບການສົ່ງເສີມໃຫ້ມີການເຕີບໃຫຍ່ຂຶ້ນເລື້ອຍໆ, ການຮ່ວມມືທາງດ້ານເສດຖະກິດ, ການຄ້າ, ການລົງທຶນ
ແລະ ການທ່ອງທ່ຽວຢູ່ໃນທວງທ່າຂະຫຍາຍຕົວໄວສົມຄວນ. ພ້ອມກັນນີ້, ສອງຝ່າຍໄດ້ເປັນເອກະພາບ ແລະ ລົງນາມເອກະສານຮ່ວມກັນ 2 ສະບັບເພື່ອເປັນບ່ອນອີງໃຫ້ແກ່ການພົວພັນຮ່ວມມືໃນຕໍ່ໜ້າເຊັ່ນ:ບົດບັນທຶກຊ່ວຍຈຳວ່າດ້ວຍໂຄງການຊ່ວຍເຫລືອເພື່ອການພັດທະນາສຳລັບປີ 2016 ລະຫວ່າງລັດຖະບານລາວ ແລະ ສ.ເກົາຫລີ ແລະ ໂຄງການກູ້ຢືມເງິນດອກເບ້ຍຕ່ຳຈາກກອງທຶນຮ່ວມມືເພື່ອການພັດທະນາເສດຖະກິດຂອງ
ສ.ເກົາຫລີ ສຳລັບສົກປີ 2016-2019.
ໃນໂອກາດດຽວກັນທ່ານນາຍົກລັດຖະມົນຕີ
ສ.ເກົາຫລີ ກໍໄດ້ເຂົ້າຮ່ວມງາມສຳມະນາວ່າດ້ວຍການເຊື່ອມໂຍງໂຄງການພັດທະນາແບບປະຊາຊົນມີສ່ວນຮ່ວມຂອງ ສ.ເກົາຫລີ ຫລື ເຊມາອຸດົງ ກັບວຽກງານສາມສ້າງຂອງລາວ; ຢ້ຽມຊົມພະທາດຫລວງວຽງຈັນ ແລະ ຢ້ຽມຢາມໂຮງໝໍເດັກ, ເຊິ່ງເປັນໂຮງໝໍທີ່ໄດ້ຮັບການຊ່ວຍເຫລືອລ້າຈາກລັດຖະບານ
ສ.ເກົາຫລີ ທີ່ໄດ້ເປີດນຳໃຊ້ໃນປີ
2011 ຜ່ານມາ.
No comments:
Post a Comment