ພິທີວາງສີລາລຶກໂຄງການກໍ່ສ້າງອາຄານປິ່ນປົວທົ່ວໄປ
ໂຮງ ໝໍກອງທັບປະຊາຊົນລາວ 103,
ໄດ້ມີຂຶ້ນໃນວັນທີ 27 ພຶດສະພານີ້, ທີ່ນະຄອນຫລວງວຽງຈັນ,
ໂດຍການໃຫ້ກຽດເຂົ້າຮ່ວມຂອງທ່ານ ພົນໂທ ຈັນທະສອນ ຈັນຍາລາດ
ລັດຖະມົນຕີກະຊວງປ້ອງກັນປະ ເທດ, ທ່ານ ພົນເອກ ສາງວ້ານສວນ
ລັດຖະມົນຕີກະຊວງປ້ອງກັນປະເທດ ສ.ປ ຈີນ, ເອກອັກຄະລັດ ຖະທູດ
ສ.ປ ຈີນ ປະຈຳລາວເຂົ້າຮ່ວມນຳດ້ວຍ.
ໂຄງການກໍ່ສ້າງອາຄານດັ່ງກ່າວ
ແມ່ນໄດ້ຮັບການຊ່ວຍເຫລືອຈາກກະຊວງປ້ອງກັນປະເທດຈີນ, ໂດຍຈະສ້າງໃຫ້ເປັນອາຄານ
9 ຊັ້ນ ປະກອບມີ: ອາຄານປິ່ນປົວທົ່ວໄປ, ອາຄານສຳລັບຊ່ຽວ
ຊານຈີນ,
ໃນເນື້ອທີ່ທັງໝົດ 24,756 ຕາແມັດ, ໂດຍແມ່ນກຸ່ມບໍລິສັດ ວິສະວະກໍາກໍ່ສ້າງຢຸນນານຈໍາກັດ ເປັນຜູ້ຮັບເໝົາກໍ່ສ້າງ
ຊຶ່ງຈະສ້າງໃຫ້ສໍາເລັດໃນເດືອນທັນວາປີ 2017 ນີ້
ແລະ ແມ່ນຜົນສຳເລັດໜຶ່ງແຫ່ງການພົວພັນຮ່ວມມືຊ່ວຍເຫລືອຊຶ່ງກັນ ແລະ ກັນ
ລະຫວ່າງລາວ-ຈີນ ກໍຄືຊາດ ລາວ-ຈີນ
ໃຫ້ນັບມື້ເຕີບໃຫຍ່ຂະຫຍາຍຕົວເພື່ອຜົນປະໂຫຍດຂອງປະຊາຊົນສອງຊາດ.
No comments:
Post a Comment