ໃນວັນທີ
27 ພຶດສະພານີ້,
ທ່ານຫົວໜ້າກົມເສດຖະກິດ ກະຊວງການຕ່າງປະເທດ ທັງເປັນຫົວໜ້າເຈົ້າໜ້າທີ່ອາວຸໂສ
ຂອບການຮ່ວມມືແມ່ນ້ຳຂອງ-ສ.ເກົາຫລີ ໄດ້ນຳພາຄະນະຜູ້ແທນລາວ ເຂົ້າຮ່ວມກອງປະຊຸມດັ່ງກ່າວ
ທີ່ພະນົມເປັນ ປະເທດກຳປູ ເຈຍ ໂດຍການເປັນປະທານຮ່ວມຂອງທ່ານ ກັງ ຢຸນ-ຮຸນ
ຫົວໜ້າກົມກິດຈະການອາຊີໃຕ້ ແລະ ປາຊີຟິກ, ກະຊວງການຕ່າງປະເທດຂອງ
ສ.ເກົາ ຫລີ ແລະ ທ່ານ ສົກ ສີພັນນາ ທີ່ປຶກສາປະຈຳກະຊວງການຕ່າງປະເທດ ແລະ
ການຮ່ວມມືສາກົນ ກຳ ປູເຈຍ ແລະ ມີຫົວໜ້າເຈົ້າໜ້າທີ່ອາວຸໂສ ກຳປູເຈຍ, ສປປ ລາວ, ມຽນມາ, ໄທ
ແລະ ຫວຽດນາມ ເຂົ້າຮ່ວມຢ່າງພ້ອມພຽງ.
ກອງປະຊຸມຄັ້ງນີ້
ໄດ້ທົບທວນຄວາມຄືບໜ້າຂອງການຈັດຕັ້ງປະຕິບັດຂອບການຮ່ວມມືແມ່ນ້ຳ
ຂອງ-ສ.ເກົາຫລີ
ໃນໄລຍະຜ່ານມາ ໂດຍສະເພາະການຜັນຂະຫຍາຍແຜນປະຕິບັດງານຂອບການຮ່ວມມືແມ່ນ້ຳຂອງ-ສ.ເກົາຫລີ
ປີ 2014-2017 ແລະ ຖະແຫລງ
ການຂອງປະທານຮ່ວມກອງປະຊຸມລັດຖະມົນຕີຕ່າງປະເທດແມ່ນ້ຳຂອງ-ສ.ເກົາຫລີ ຄັ້ງທີ 5
ຮັບຮອງເອົາໃນປີ 2015 ແລະ
ປຶກສາຫາລືກ່ຽວກັບທິດທາງການຮ່ວມມືໃນຕໍ່ໜ້າເພື່ອກະກຽມໃຫ້ແກ່ກອງປະຊຸມລັດຖະມົນຕີຕ່າງປະ
ເທດຂອບການຮ່ວມມືແມ່ນ້ຳຂອງ-ສ.ເກົາຫລີ ຄັ້ງທີ 6 ທີ່ ສປປ ລາວ
ຈະເປັນເຈົ້າພາບຈັດຂຶ້ນໃນເດືອນກໍລະກົດ 2016 ທີ່ນະຄອນຫລວງວຽງຈັນ.
ກອງປະຊຸມ
ໄດ້ສະແດງຄວາມຊົມເຊີຍ ສ.ເກົາຫລີ ທີ່ໄດ້ປະກອບສ່ວນຢ່າງແຂງແຮງ
ເຂົ້າໃນກອງທຶນເພື່ອການຮ່ວມມື ແມ່ນ້ຳຂອງ-ສ.ເກົາຫລີ ນັບແຕ່ປີ 2014-2015
ເປັນຈຳນວນເງິນ 2,3 ລ້ານໂດລາສະຫະລັດ ແລະ ປະກາດວ່າຈະປະກອບສ່ວນໃນປີ 2016 ແລະ
ປີຕໍ່ໆໄປເປັນຈຳນວນເງິນເຖິງ 1 ລ້ານໂດລາສະຫະລັດຕໍ່ປີ, ເພື່ອນຳໃຊ້ເຂົ້າໃນການຈັດຕັ້ງປະຕິບັດໂຄງການ
ບູລິມະສິດຕ່າງໆໃນ 6 ຂະແໜງການຄື: ການພັດທະນາພື້ນຖານໂຄງລ່າງ, ເຕັກໂນໂລຊີຂໍ້ມູນຂ່າວສານ (ICT), ການພັດທະນາສີຂຽວ,
ການພັດທະນາແຫລ່ງຊັບພະຍາກອນນ້ຳ, ດ້ານກະສິກຳ,
ການພັດທະນາຊົນນະບົດ ແລະ ການພັດທະນາຊັບພະຍາກອນມະນຸດ.
ກອງປະຊຸມໄດ້ພິຈາລະນາ
6 ໂຄງການ ບູລິມະສິດທີ່ສະເໜີໃໝ່ ເພື່ອນຳໃຊ້ງົບປະມານໃນກອງທຶນດັ່ງກ່າວ, ຊຶ່ງໃນນັ້ນ, ສປປ ລາວ
ກໍໄດ້ຮັບຄັດເລືອກເອົາໜຶ່ງໂຄງການຄື: ການພັດທະນາຖານຂໍ້ມູນນິຕິກຳຂອງຂະແໜງອຸດສາຫະກຳ
ແລະ ການຄ້າ ເພື່ອເປັນການກະກຽມໃຫ້ການເຊື່ອມໂຍງ, ການຮ່ວມມືທາງດ້ານເສດຖະກິດ,
ສະຖານບັນ ແລະ ການເປີດກ້າວງທາງດ້ານການຄ້າຂອງກະຊວງອຸດສາຫະກຳ ແລະ
ການຄ້າ ຊຶ່ງມີມູນຄ່າປະມານ 350.000 ໂດລາສະຫະລັດ.
No comments:
Post a Comment