ເນື່ອງໃນໂອກາດສະເຫລີມສະຫລອງວັນເດັກນ້ອຍສາກົນ ແລະ ວັນປູກຕົ້ນໄມ້ແຫ່ງຊາດ ວັນທີ 1 ມີຖຸນານີ້, ບ້ານຊ່ວຍເຫລືອເດັກກຳພ້າ (SOS) ຮ່ວມກັບກະຊວງແຮງງານ
ແລະ ສະຫວັດດີການສັງຄົມ,
ໄດ້ຈັດກິດຈະກຳເພື່ອສະເຫລີມສະຫລອງວັນດັ່ງກ່າວຂຶ້ນໃນວັນທີ 30 ພຶດສະພານີ້, ຢູ່ນະຄອນຫລວງວຽງຈັນ,
ດ້ວຍບັນຍາກາດຟົດຟື້ນ, ໂດຍການໃຫ້ກຽດເຂົ້າຮ່ວມຂອງທ່ານລັດຖະ ມົນຕີກະຊວງແຮງງານ ແລະ ສະຫວັດດີການສັງຄົມ
ຄຳແພງ ໄຊສົມແພງ,
ພ້ອມດ້ວຍຄູ-ອາຈານ ແລະ ນັກຮຽນເຂົ້າຮ່ວມເປັນຈຳນວນຫລາຍ.
ໃນໂອກາດນີ້
ນ້ອງນັກຮຽນຊັ້ນອະນຸບານ ຕາງກໍໄດ້ປະກອບສ່ວນຮ້ອງເພງ, ຂັບລຳ ແລະ ຟ້ອນລວມໝູ່ຍິງ-ຊາຍ, ເພື່ອສ້າງຄວາມເບີກບານມ່ວນຊື່ນໃຫ້ແກ່ງານດັ່ງກ່າວ ແລະ ພ້ອມນັ້ນ ລັດຖະມົນຕີ
ກໍ
ໄດ້ນຳເອົາເຄື່ອງກິລາ,
ເຂົ້າໜົມ, ນົມ ແລະ
ຂອງຂວັນຕ່າງໆມອບເປັນກຳລັງໃຈໃຫ້ແກ່ນ້ອງນັກຮຽນຜູ້ທີ່ຂາດຄວາມອົບອຸ່ນຈາກຜູ້ປົກຄອງ, ເພື່ອຕັ້ງໃຈສຶກສາຮ່ຳຮຽນ.
ຜູ້ບໍລິຫານໂຮງຮຽນອະນຸບານດັ່ງກ່າວ
ໃຫ້ຮູ້ວ່າ: ໂຮງຮຽນອະນຸບານແຫ່ງນີ້ ເປັນໂຮງຮຽນລ້ຽງເດັກກຳພ້າ ນັບແຕ່ອາຍຸ 2-5 ປີ, ເຊິ່ງລວມມີ 4 ຫ້ອງຮຽນ, ມີອາຈານສອນ 6 ຄົນ, ຊຶ່ງນ້ອງນັກຮຽນທຸກຄົນແມ່ນຈະໄດ້ຮ່ຳຮຽນໜັງສື
ເປັນພາສາລາວ ແລະ ພາສາອັງກິດ ຄວບຄູ່ກັນໄປ, ຕາມປຶ້ມແບບຮຽນທີ່ກະຊວງສຶກສາທິການ ແລະ ກິລາ ວາງອອກ, ຂະນະດຽວກັນ ກໍຍັງມີບາງຂໍ້ຫຍຸ້ງ ຍາກເປັນຕົ້ນ
ເດັກນ້ອຍທີ່ເຂົ້າມາຮ່ຳຮຽນທຸກຄົນ ເປັນເດັກກຳພ້າ, ຊຶ່ງຍັງມີຫລາຍອັນທີ່ຄູ-ອາຈານ, ສະນັ້ນ ຄູ-ອາຈານຈະໄດ້ເອົາໃຈໃສ່ແບບພິເສດ ເພື່ອສ້າງໃຫ້ເດັກນ້ອຍຈຳນວນນັ້ນ
ເປັນເດັກຄຳຮູ້,
ອ່ອນໂຍນ ແລະ ມີຄຸນສົມບັດທີ່ດີເລີດ. ບ້ານຊ່ວຍເຫລືອເດັກກຳພ້າ
ເປັນອົງກອນໜຶ່ງທີ່ໃຫ້ຄວາມສຳຄັນໃນການຊ່ວຍເຫລືອເດັກ, ໂດຍຖືເອົາສົນທິສັນຍາວ່າດ້ວຍການປົກປ້ອງສິດທິເດັກເປັນຫລັກໃນການລ້ຽງດູ, ສຶກສາອົບຮົມເດັກ, ເພື່ອສິດຜົນປະໂຫຍດສູງສຸດຂອງເດັກຄື: ໃຫ້ເດັກໄດ້ກິນອີ່ມ-ນຸ່ງອຸ່ນ, ໄດ້ຮັບການສຶກສາທີ່ດີ ເພື່ອກາຍເປັນອະນາຄົດທີ່ດີຂອງຊາດ.
No comments:
Post a Comment