ຄະນະນໍາພ້ອມພະນັກງານຈາກສຳນັກຂ່າວສານປະເທດລາວໄດ້ເດີນທາງໄປຢ້ຽມຢາມ ແລະ
ພົບປະແລກປ່ຽບບົດຮຽນທາງດ້ານວິຊາການໃນສະພາບການປ່ຽນແປງໄລຍະໃໝ່ດ້ານອຸດສາຫະກໍາສື່ທີ່ມີຫລາຍສີຫລາຍສັນ, ວ່ອງໄວ ແລະ ທັນສະໄໝ ກັບ ສຳນັກຂ່າວສານຫວຽດ ນາມ ໃນລະຫວ່າງ
ວັນທີ 8
-12 ມິຖຸນານີ້, ທີ່ເມືອງຮົງລິງ,
ແຂວງແງະອານ ສສ ຫວຽດນາມ ເພື່ອສືບຕໍ່ເພີ່ມທະວີການຮ່ວມມືລະຫວ່າງສອງສໍານັກຂ່າວສານປະເທດລາວ-ຂ່າວສານຫວຽດນາມ.
ການແລກປ່ຽນຄັ້ງນີ້
ທັງສອງຝ່າຍໄດ້ປຶກສາຫາລື ແລະ ແລກປ່ຽນບົດຮຽນເຊິ່ງກັນ ແລະ
ກັນໂດຍສະເພາະໄດ້ລົງເລິກດ້ານການຂຽນຂ່າວ, ຂຽນບົດ,
ຂ່າວຕ່າງປະເທດ, ການຖ່າຍຮູບ ທີ່ມີຄຸນນະພາບ,
ການນໍາສະເໜີຂໍ້ມູນຂ່າວສານຜ່ານທາງເວັບໄຊ
ແລະ ລວມທັງການຫັນເປັນສື່ໜັງສືພິມອອນລາຍ (ທາງອິນເຕີເນັດ) ແລະ
ອື່ນໆເພື່ອຮັບມືກັບສິ່ງທ້າຍທາຍ ແລະ ສາມາດຕອບສະໜອງໄດ້ຄວາມຕ້ອງການໄລຍະໃໝ່, ເພື່ອນຳເອົາບົດຮຽນ ແລະ
ປະສົບການທີ່ມີປະໂຫຍດສູງສຸດໄປຈັດຕັ້ງປະຕິບັດເຂົ້າໃນວຽກງານຕົວຈິງໃຫ້ດີກວ່າເກົ່າ.
ໃນໂອກາດດັ່ງກ່າວ, ທ່ານ ດິງ ດົງກວາງ
ຮອງຜູ້ອຳນວຍການໃຫຍ່ ສຳນັກຂ່າວສານຫວຽດ ນາມ ກ່າວວ່າ: ການແລກປ່ຽນບົດຮຽນຄັ້ງນີ້
ເປັນການຈັດຕັ້ງຜັນຂະຫຍາຍ ສັນຍາການຮ່ວມມື ລະຫວ່າງສອງສຳນັກຂ່າວຫວຽດນາມ-ລາວ, ລາວ-ຫວຽດນາມ ພາຍຫລັງທີ່ມີການລົງນາມຮ່ວມມືກັນໃນທ້າຍປີ 2015 ຜ່ານມາ, ເຊິ່ງເປັນໂອກາດທີ່ພະນັກງານວິຊາການສອງປະເທດໄດ້ສະເໜີຄວາມຄິດຄວາມເຫັນ
ກ່ຽວກັບບົດຮຽນ ແລະ ປະສົບການຕົວຈິງໃນການເຄຶ່ອນໄຫວວຽກງານດ້ານຂໍ້ມູນ-ຂ່າວສານ
ຂອງແຕ່ລະປະເທດໃຫ້ກັນຊາບ,
ໂດຍສະເພາະການຮ່ວມມືພັດທະນາ ແລະ ຍົກລະດັບວຽກງານສື່
ໃຫ້ຈະແຈ້ງແຫລມຄົມ ແລະ ສາມາດນຳສະເໜີແນວທາງນະໂຍບາຍອັນຖືກຕ້ອງຂອງພັກ ແລະ ລັດຖະບານ
ໃຫ້ສັງຄົມໄດ້ເຂົ້າໃຈຢ່າງທົ່ວເຖິງ.
ການແລກປ່ຽນດ້ານວິຊາການຮ່ວມກັນນີ້ຍັງເປັນວຽກທີ່ສຳຄັນຂອງສອງສຳນັກຂ່າວຈະຕ້ອງໄດ້ຈັດຕັ້ງຜັນຂະຫຍາຍແຕ່ນີ້ຈົນຮອດປີ
2020.
ພ້ອມນັ້ນ ຍັງຈະມີການແລກປ່ຽນ
ການຢ້ຽມຂອງການນຳຂອງສອງສຳນັກຂ່າວນຳອີກ ເພື່ອຮັດແໜ້ນການພົວພັນຮ່ວມມືຊ່ວຍເຫລືອ
ເຊິ່ງກັນ ແລະ ກັນຕະຫລອດໄປ ທັງເປັນການປະກອບສ່ວນ ເສີມຂະຫຍາຍສາຍພົວພັນມິດຕະພາບ
ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ໂດຍສະເພາະສຳນັກຂ່າວສານປະເທດລາວ ແລະ
ສຳນັກຂ່າວສານຫວຽດນາມ ໃຫ້ນັບມື້ແຕກດອກອອກຜົນຍິ່ງໆຂຶ້ນ.
No comments:
Post a Comment