ລາວ-ຫວຽດນາມ ເພີ່ມທະວີການຮ່ວມມືວຽກງານການຕ່າງປະເທດ

      ຕອບສະໜອງຕາມການເຊື້ອເຊີນຂອງສະຫາຍ ທອງລຸນ ສີສຸລິດ ຮອງນາຍົກ ລັດຖະມົນຕີ, ລັດຖະມົນຕີວ່າການກະຊວງ ການຕ່າງປະເທດແຫ່ງ ສປປ ລາວ, ສະຫາຍ ຟ້າມ ບິ່ງ ມິງ, ຮອງນາຍົກລັດຖະມົນຕີ, ລັດຖະມົນຕີວ່າການກະຊວງການ ຕ່າງ ປະເທດແຫ່ງ ສສ. ຫວຽດນາມ ພ້ອມດ້ວຍຄະນະໄດ້ເດີນທາງມາຢ້ຽມຢາມ ສປປ ລາວ ຢ່າງເປັນທາງການ ແຕ່ວັນທີ 4-5 ທັນວາ 2014.   ໃນຕອນບ່າຍຂອງວັນທີ 4 ທັນວາ 2014, ສະຫາຍ ຟ້າມ ບິ່ງ ມິງ ພ້ອມດ້ວຍຄະນະໄດ້ພົບປະຫາລື ກັບ ສະຫາຍ ທອງລຸນ ສີສຸລິດ ຮອງນາຍົກລັດຖະມົນຕີ, ລັດຖະມົນຕີວ່າການກະຊວງ ການຕ່າງປະເທດ, ເຊຶ່ງສອງຝ່າຍໄດ້ແຈ້ງສະພາບການ ອັນພົ້ນ ເດັ່ນກ່ຽວກັບການພັດທະນາ ເສດຖະກິດ-ສັງຄົມໃຫ້ກັນ ແລະ ກັນຊາບ,ແລກປ່ຽນທັດສະນະກ່ຽວກັບບັນຫາພາກພື້ນ ແລະ ສາກົນກໍຄືການຮ່ວມມືລະຫວ່າງສອງກະຊວງການຕ່າງປະເທດ ໃນຕໍ່ໜ້າ. ທັງສອງຝ່າຍຍັງໄດ້ລົງນາມໃນຂໍ້ຕົກລົງຮ່ວມມືລະ ຫວ່າງສອງກະຊວງການຕ່າງປະເທດໄລຍະ 2014-2020. ພ້ອມກັນນັ້ນ, ບັນດາພະນັກງານກົມ ຕ່າງໆຂອງສອງກະຊວງ

ຍັງໄດ້ ພົບປະກັນເພື່ອແລກປ່ຽນບົດຮຽນເຊິ່ງກັນ ແລະ ກັນຕື່ມອີກ. ສະຫາຍ ຟ້າມບິ່ງ ມິງ ໄດ້ຕາງ ໜ້າລັດຖະບານຫວຽດ ນາມມອບ ຫລຽນໄຊເອກະລາດຊັ້ນສອງ, ຫລຽນໄຊເອກະລາດຊັ້ນ ສາມ, ຫລຽນໄຊແຮງງານຊັ້ນ ສາມ ແລະ ຫລຽນໄຊມິດ ຕະພາບໃຫ້ ແກ່ການນຳຂອງຂະແໜງການຕ່າງປະເທດ ແລະ ບັນດາ ກົມທີ່ມີຜົນງານດີເດັ່ນໃນການ ເສີມຂະຫຍາຍການພົວ ພັນພິເສດ, ຮ່ວມມືຮອບດ້ານລະຫວ່າງສອງປະເທດລາວ ແລະ ຫວຽດນາມໃນໄລຍະທີ່ຜ່ານມາ.

   ໃນຕອນບ່າຍຂອງວັນດຽວ ກັນນັ້ນ, ສະຫາຍ ຟ້າມ ບິ່ງ ມິງ ພ້ອມດ້ວຍຄະນະກໍໄດ້ເຂົ້າຢ້ຽມ ຄໍານັບສະຫາຍ ຈູມມາລີ ໄຊຍະ ສອນ ເລຂາທິການໃຫຍ່ປະ ທານປະເທດແຫ່ງ ສປປ ລາວ ແລະ ສະຫາຍ ທອງສິງ ທຳມະ ວົງ ນາຍົກລັດຖະມົນຕີ ແຫ່ງ ສ ປປ ລາວ. ໃນໂອກາດດັ່ງກ່າວ, ການນຳສູງສຸດຂອງພັກ, ລັດ ລາວໄດ້ຕີລາຄາສູງການມາ ຢ້ຽມຢາມຂອງຄະນະ, ເຊິ່ງເປັນການປະກອບ ສ່ວນສຳຄັນເຂົ້າ ໃນການເພີ່ມພູນຄູນສ້າງສາຍພົວພັນມິດຕະພາບທີ່ມີມູນເຊື້ອ,ຄວາມສາມັກຄີພິເສດ, ການຮ່ວມມືຮອບດ້ານລະ ຫວ່າງສອງພັກ, ສອງລັດ ແລະ ປະຊາຊົນສອງຊາດຫວຽດນາມ-ລາວ, ໄດ້ຊົມ ເຊີຍຜົນສຳເລັດໃນ ການພັດທະນາເສດຖະກິດ-ສັງຄົມຂອງ ສສ ຫວຽດນາມ ແລະ ຕີລາຄາສູງ ຕໍ່ການພົວພັນຮ່ວມມືລະຫວ່າງ ສອງປະເທດເວົ້າ ລວມ, ເວົ້າສະເພາະລະຫວ່າງ ສອງກະຊວງການຕ່າງປະເທດໃນໄລຍະຜ່ານມາ, ໄດ້ສະແດງຄວາມຂອບໃຈ ຢ່າງຈິງໃຈ, ຄວາມຮູ້ບຸນຄຸນ ຢ່າງເລິກເຊິ່ງຕໍ່ພັກ, ລັດ ແລະ ປະຊາຊົນຫວຽດນາມອ້າຍນ້ອງທີ່ໄດ້ໃຫ້ການຊ່ວຍເຫລືອຕະ ຫລອດໄລຍະ ຕໍ່ສູ້ກູ້ຊາດ ແລະ ໄລຍະປົກປັກຮັກສາ ແລະ ພັດທະ ນາປະເທດຊາດຂອງລາວ ແລະ ຢືນຢັນວ່າຈະຮ່ວມ ມືກັບຫວຽດ ນາມເພື່ອສືບຕໍ່ເສີມຂະຫຍາຍ ແລະ ປົກປັກຮັກສາສາຍ ພົວພັນມິດຕະພາບອັນມີມູນເຊື້ອ ແລະ ຄວາມສາ ມັກຄີພິເສດນີ້ໃຫ້ ນັບມື້ນັບມີປະສິດທິຜົນ ແລະ ງອກງາມຍິ່ງໆຂຶ້ນເພື່ອຜົນປະ ໂຫຍດຂອງປະຊາຊົນສອງຊາດກໍຄືຜົນ ປະໂຫຍດຂອງສັນຕິ ພາບ, ມິດຕະພາບ ແລະ ການຮ່ວມມືໃນພາກພື້ນ ແລະ ໃນໂລກ. ສະຫາຍ ຟ້າມ ບິ່ງ ມິງ ກໍໄດ້ສະແດງ ຄວາມປິຕິຊົມຊື່ນ ທີ່ໄດ້ມາຢ້ຽມຢາມ ສປປ ລາວ ໃນຄັ້ງນີ້ ແລະ ໄດ້ແຈ້ງໃຫ້ການນຳຂັ້ນ ສູງຂອງລາວຊາບກ່ຽວກັບການພົບປະ ກັບຮອງນາຍົກ ລັດຖະມົນຕີ, ລັດຖະມົນຕີຕ່າງປະເທດລາວ, ໄດ້ຕີລາຄາສູງການພົວ ພັນຮ່ວມມືລະຫວ່າງຫວຽດນາມ-ລາວ ໃນໄລຍະທີ່ ຜ່ານມາ ແລະ ໄດ້ສະແດງຄວາມຊົມເຊີຍຕໍ່ຜົນສຳເລັດອັນສຳຄັນຂອງປະ ຊາຊົນລາວອ້າຍນ້ອງໃນການພັດທະນາສ້າງສາປະ ເທດຊາດໃນຊຸມປີທີ່ຜ່ານມາ, ພ້ອມທັງໄດ້ອວຍພອນໃຫ້ປະຊາຊົນລາວ ພາຍ ໃຕ້ການນຳພາອັນຖືກຕ້ອງຂອງພັກປະຊາຊົນ ປະຕິວັດລາວຈົ່ງຍາດໄດ້ຜົນສຳເລັດໃໝ່ຍິ່ງໃຫຍ່ກວ່າເກົ່າໃນພາລະກິດສ້າງສາພັດທະນາ ປະເທດລາວໃຫ້ນັບມື້ນັບເຂັ້ມ ແຂງ; ສະຫາຍຮອງນາຍົກລັດຖະມົນຕີ, ລັດຖະມົນຕີວ່າການ ກະຊວງການຕ່າງປະເທດຫວຽດ ນາມຍັງໄດ້ຢືນຢັນວ່າຈະສືບຕໍ່ ຮ່ວມມືກັບກະຊວງການຕ່າງປະ ເທດລາວເພື່ອພ້ອມກັນເປັນເຈົ້າການໃນການເຊື່ອມໂຍງກັບສາ ກົນໃຫ້ມີຜົນສຳເລັດ ແລະ ນຳຜົນປະໂຫຍດນັບມື້ນັບຫລາຍໃຫ້ແກ່ປະເທດຊາດ ແລະ ປະຊາຊົນຂອງສອງປະເທດ.