ຕາມການໃຫ້ສຳພາດຂອງທ່ານ ຮອງສາດສະດາຈານ
ດຣ ພູທອນ ປາກເມືອງ ,ອຳນວຍການໂຮງໝໍມິດຕະ ຕະພາບ 150 ຕຽງຕໍ່ນັກຂອງພວກເຮົາເມື່ອມໍໆນີ້ວ່າ:
ການປະຕິບັດວຽກງານຂອງໂຮງໝໍໃນປີຜ່ານມາມີອັນພົ້ນເດັ່ນຫຼາຍດ້ານ, ຊຶ່ງຕົ້ນຕໍແມ່ນການປະຕິບັດຕາມວິໃສ່ທັດຂອງໂຮງໝໍທີ່ວ່າ
“ສູ້ຊົນໃຫ້ໂຮງໝໍສະອາດ, ບໍລິການດີແລະ ມີຄຸນນະພາບ”, ດັ່ງນັ້ນທາງໂຮງໝໍໄດ້ເອົາໃຈໃສ່ປັບປຸງສະພາບແວດລ້ອມພາຍໃນແລະອ້ອມຂ້າງໂຮງໝໍໃຫ້ມີ
ຄວາມສະອາດງາມຕາ, ໂດຍສະເພາະແມ່ນຫົນທາງເຂົ້າສູ່ໂຮງໝໍແລະປ້າຍຊີ້ບອກຕ່າງໆ,
ເຂົ້າສູ່ລະບຽບເຮັດການບໍລິການຕາມຈັນຍາບັນ, ຈັນຍາທຳດີຂຶ້ນ, ເຊິ່ງເຫັນໄດ້ຈາກທ່າທີ,
ການເວົ້າຈາ, ການປິ່ນປົວຕ່າງໆຂອງພະນັກງານ ແພດໝໍຕໍ່ຄົນເຈັບອ່ອນນ້ອມຖອມຕົນແລະສິ່ງດັ່ງກ່າວໂຮງໝໍໄດ້ຖືເປັນສ່ວນສຳຄັນຂອງແພດໝໍ,
ແຕ່ກໍມີພະນັກ ງານຈຳນວນໜຶ່ງຍັງເຮດບໍ່ໄດ້ດີຊຶ່ງພວກເຮົາພວມ ສຸມໃສ່ປັບ ປຸງແກ້ໄຂ, ພ້ມນັ້ນກໍເລັ່ງພັດທະນາໂຮງໝໍຕົນກ້າວສູ່ຄວາມທັນສະໄໝ,ດ້ວຍການນຳເອົາເຄື່ອງກວດກະດູກ,
ກວດວິເຄາະເລືອດ ແລະ ອື່ນເປັນມາດຕະຖານສາກົນແລະເມື່ອມໍ້ໆມານີ້ກໍໄດ້ເປີດສູນກວດພະຍາດດ້ວຍເຄື່ອງ
MRI ຊຶ່ງເປັນເຄື່ອງກວດດວ້ຍຄື່ນແມ່ເຫຼັກ, ມີຄວາມທັນສະໄໝສາມາດກວກພະຍາດໄດ້ຫຼາກຫຼາຍ
ແລະ ບົ່ງມະຕິໄດ້ຖືກຕ້ອງແລະເປັນສູນທຳອິດ
ຂອງປະເທດເຮົາ, ນອກນັ້ນບັນດາພະແນກການຕ່າງໆຂອງໂຮງໝໍກໍມີການພັດທະນາເປັນຕົ້ນແມ່ນພະແນກໄຂຫຼັງທຽມໄດ້ມີການພັດທະນາເຄື່ອນຈັກຈາກ
10 ເຄືອງ, ເປັນ 222 ເຄື່ອງ, ສາມາດຮອງຮັບຄົນເຈັບໄດ້ເປັນສ່ວນຫຼາຍ ແລະ ອື່ນໆ,
ເຖິງຢ່າງໃດກໍດີໃນປີ 2015 ນີ້ໂຮງໝໍມິດຕະພາບ 150 ຕຽງຈະສືບຕໍ່ເລັ່ງ ປັບປຸງສິ່ງແວດລ້ອມພາຍໃນແລະອ້ອມຂ້າງໂຮງໝໍ
ແລະ ນຳພາພະນັກງານປະຕິບັດຕາມຄຳຂັວນຂອງໂຮງໝໍທີ່ວ່າ: ຄິດດີ, ປະພຶດດີ, ຂະຫຍັນໝັ່ນພຽງຕາມແນວທາງຂອງພັກ,
ພ້ອມນັ້ນກໍຈະເລັ່ງໃສ່ປັບປຸງກົດລະບຽບຕ່າງໆ, ໂດຍສະເພາະດ້ານການບໍລິການ,
ກິລິຍາມາລະຍາດຂອງແພດໝໍໃຫ້ໄດ້ຕາມຫຼັກຈັນຍາບັນຂອງແພດ, ສ່ວນດ້ານວິຊາການແມ່ນຈະເລັ່ງໃສ່ປັບປຸງການຮັບຕ້ອນສຸກເສີມໃຫ້ມີປະສິດທິຜົນກວ່າເກົ່າ,
ໄດ້ທັນເວລາແລະວ່ອງໄວ, ພ້ອມຈະຫັນເປັນທັນສະໄໝເຊັ່ນຫັນເປັນບໍລິການພາຍໃນດ້ວຍຄອມພິວເຕີຫຼາຍຂຶ້ນ
ແລະ ນຳສົ່ງພະນັກງານເຕັກນິກໄປຮຽນສ້ອມແປງເຄື່ອງມືປິ່ນປົວຕ່າງໃຫ້ຮັບປະກັນ,
ພ້ອມນັ້ນທາງໂຮງໝໍຍັງມີແຜນຈະສ້າງສູດສາຍແສງຜູ້ທີ່ເປັນມະເຮັງອີກດ້ວຍ.
No comments:
Post a Comment