ເກີດອຸປະຕິເຫດລົດບັນທຸປະທະກັບລົດຮຸນໄດເສຍຊີວິດ 2 ຄົນ ແລະ ບາດເຈັບສາຫັດ 5 ຄົນ

ເຈົ້າໜ້າທີ່ພະແນກຈະລາ ຈອນ ນະຄອນຫລວງວຽງຈັນ ໃຫ້ ຮູ້ວ່າ: ໃນເວ ລາປະມານ 4:00 ໂມງຂອງວັນທີ 10 ມີນານີ້, ຢູ່ຖະ ໜົນເລກທີ 13 ໃຕ້ ເຂດບ້ານ ໂພນ ສະຫວັນ ເມືອງໄຊທານີ ນະຄອນ ຫລວງວຽງຈັນ ໄດ້ເກີດເຫດລົດ ບັນທຸກ 6 ລໍ້ ບໍ່ມີໝາຍເລກທະບຽນ, ຂັບຂີ່ໂດຍທ້າວ ບຸນມີ ອາຍຸ 40 ປີ, ກຳມະກອນຢູ່ບ້ານ ຈອມມະນີກາງ ເມືອງໄຊເສດຖານະຄອນຫລວງ ວຽງຈັນ ທີ່ມຸ້ງໜ້າໄປທາງເລກທີ 13 ໃຕ້ ດ້ວຍຄວາມໄວສູງ ເມື່ອມາ ຮອດຈຸດເກີດເຫດໄດ້ປະທະກັບລົດຮຸນໄດ ໝາຍເລກທະບຽນ ກສ 6474 ກຳແພງນະຄອນ ຂັບຂີ່ໂດຍ ທ້າວຄຳໄຜ່ ອາຍຸ 55 ປີ ກຳມະ ກອນຢູ່ບ້ານເພຍວັດ ເມືອງສີສັດ ຕະນາກນະຄອນຫລວງວຽງຈັນ ທີ່ເດີນທາງຈາກການຢ້ຽມຢາມພີ່ ນ້ອງຢູ່ແຂວງ ສະຫວັນນະເຂດ, ມີ ຄົນໂດຍສານນັ່ງມາໃນລົດທັງໝົດ 7 ຄົນ, ຈາກອຸປະຕິເຫດດັ່ງກ່າວ ສົ່ງຜົນໃຫ້ມີຄົນເສຍຊີວິດ 2 ຄົນຄື ທ້າວຄຳໄຜ່ ຄົນຂັບລົດຮຸນໄດ ແລະ ນາງ ປອມ ອາຍຸ 23 ປີ ຢູ່ບ້ານດົງ ນາໂຊກ ເມືອງສີໂຄດຕະບອງ ນະ ຄອນຫລວງວຽງ

ຈັນ ເສຍຊີວິດ ຄາທີ່ ແລະ ອີກ 5 ຄົນທີ່ນັ່ງມາໃນ ລົດໄດ້ຮັບບາດເຈັບສາຫັດ. ສ່ວນ ສາເຫດຂອງການເກີດເຫດຄັ້ງນີ້ ຍັງຢູ່ ໃນການສືບສວນ-ສອບສວນຂອງເຈົ້າໜ້າທີ່.

ເຈົ້າໜ້າທີ່ຍັງໃຫ້ຮູ້ຕື່ມວ່າ: ນັບ ແຕ່ວັນທີ 2-8 ມີນາຜ່ານມາ, ໃນ ທົ່ວປະເທດໄດ້ເກີດອຸປະຕິເຫດບົນ ທ້ອງຖະໜົນ 134  ກໍລະນີ, ມີຄົນ ເສຍຊີວິດ 25 ຄົນ, ມູນຄ່າເສຍຫາຍຫລາຍກວ່າ  1 ຕື້ກີບ, ໂດຍສະເພາະຢູ່ນະຄອນ ຫລວງວຽງຈັນໃນ 7 ວັນຜ່ານມາ, ມີອຸປະຕິເຫດບົນທ້ອງຖະໜົນ 35 ກໍລະນີ, ເສຍຊີວິດ 5 ຄົນ.