ກະຊວງ ຖວທ ຫວນຄືມູນເຊື້ອວັນ ສ້າງຕັ້ງພັກຄົບຮອບ 60 ປີ

ກະຊວງຖະແຫລງຂ່າວ, ວັດທະ ນະທໍາ ແລະ ທ່ອງທ່ຽວ (ຖວທ) ໄດ້ ຈັດຕັ້ງເຊື່ອມຊຶມມູນເຊື້ອວັນສ້າງ ຕັ້ງພັກປະຊາຊົນປະຕິວັດລາວ ຄົບຮອບ 60 ປີ (22/3/ 1955-22/3/2015) ໃນວັນ ທີ 10 ມີນາ 2015 ຢູ່ຫໍວັດ ທະນະທໍາ ແຫ່ງຊາາດເພື່ອເຮັດໃຫ້ບັນດາພະນັກງານຫລັກແຫລ່ງກໍາແໜ້ນເຊື່ອມຊຶມ ຢ່າງ ເລິກເຊິ່ງ ແລະ ມີຄວາມເຊື່ອໝັ້ນ ຕໍ່ການນໍາພາຂອງພັກ, ແນວທາງນະໂຍບາຍ ແລະ ລະບຽບກົດໝາຍຂອງ ລັດວາງອອກຢ່າງກວ້າງຂວາງ, ພ້ອມ ທັງເປັນການປຸກລະ ດົມຊຸກຍູ້ຂະບວນ ການຮັກຊາດ ແລະ ພັດທະນາເຊິ່ງໃຫ້ກຽດປາຖະກະ ຖາໂດຍ ທ່ານ ສຈ.ດຣ. ບໍ່ແສງຄໍາ ວົງດາລາ ກໍາມະການສູນ ກາງພັກ, ເລຂາຄະນະພັກ, ລັດຖະມົນຕີວ່າການກະຊວງຖະແຫລງຂ່າວ, ວັດທະນະທໍາ ແລະ ທ່ອງທ່ຽວ.

ໃນໂອກາດນີ້ ທ່ານ ສຈ.ດຣ. ບໍ່ແສງຄໍາ ວົງດາລາ ໄດ້ຍົກໃຫ້ເຫັນປະ ຫວັດຄວາມເປັນມາ, ການກໍເນີດເກີດ ຂຶ້ນ ແລະ ການເຕີບໃຫຍ່ຂະຫຍາຍຕົວຂອງພັກປະຊາຊົນ ປະຕິວັດລາວ, ການເຄື່ອນໄຫວຕະຫລອດໄລຍະ 60 ປີ  ແຫ່ງການ ຊີ້ນໍາໆພາຂອງ ພັກປະຊາຊົນປະຕິວັດລາວເຊິ່ງ ຍາມໃດພັກກໍໄດ້ເປັນຄັນທຸງນໍາພາປະຊາຊົນລາວບັນດາເຜົ່າຕໍ່ສູ້ປົດ ປ່ອຍຊາດ ຢ່າງອົງອາດກ້າຫານຈົນສາມາດຍາດໄດ້ໄຊຊະນະ, ຜົນ ງານ ແລະ ຜົນສໍາເລັດທີ່ສະຫງ່າ ງາມພາຍໃຕ້ການຊີ້ນໍາອັນສະຫຼາດ

ສ່ອງໄສຂອງພັກສໍາລັບພາລະກິດ ປົກປັກຮັກສາ ແລະ ສ້າງສາປະ ເທດພັດທະນາປະເທດຊາດໃນປັດ ຈຸບັນ ກໍຄືໃນອະ ນາຄົດພັກໄດ້ວາງ ຄາດໝາຍສູ້ຊົນໃນປີ 2015 ຈະ ຕ້ອງສູ້ຊົນແກ້້ໄຂບັນຫາຄວາມທຸກຍາກໃຫ້ໄດ້ໂດຍພື້ນຖານ ແລະ ວາງຍຸດທະສາດການພັດທະນາ ແຕ່ປີ 2016-2025 ຕ້ອງຍູ້ແຮງ ການພັດທະນາປະເທດຊາດໃຫ້ ກ້າວຂຶ້ນເປັນປະເທດ ທີ່ມີການພັດ ທະນາ ໃນລະດັບປານກາງ  ແລະ ວາງວິໄສທັດຮອດປີ 2030 ຕ້ອງ ຍູ້ແຮງໃຫ້ປະເທດມີການພັດທະນາ ແລະ ມີລາຍຮັບປານກາງຈະຢູ່ໃນ ລະດັບປະມານ 5-6 ພັນໂດລາສະ ຫະລັດ/ຄົນ/ປີ ແລະ ຮອດປີ 2020 ຕ້ອງນໍາພາປະທດ ຊາດຫລຸດພົ້ນ ອອກຈາກສະຖານະພາບປະເທດ ດ້ອຍພັດທະ ນາ.

ທ່ານລັດຖະມົນຕີຍັງກ່າວ ຕື່ມອີກວ່າ:ເພື່ອເຮັດໃຫ້ວຽກງານ ຕ່າງໆໄດ້ຮັບຜົນສໍາເລັດໂດຍສະ ເພາະກໍຄື ການສຶບຕໍ່ ສ້າງ ແລະ ພັດ ທະນາວຽກງານຖະແຫລງຂ່າວ, ວັດທະນະທໍາ ແລະ ທ່ອງທ່ຽວ ໃຫ້ ກາຍເປັນອຸດສະຫະກໍາ ແລະ ທັນ ສະໄໝນັ້ນກ່ອນອື່ນໝົດຕ້ອງຢຶດ ໝັ້ນ ແລະ ຮູ້ຈັກໝູນໃຊ້ທິດສະດີ ຂອງລັດທິມາກ-ເລນິນ, ຕ້ອງມີຫົວ ຄິດປະດິດສ້າງ, ໝູນໃຊ້ທິດສະດີໃຫ້ເຂົ້າກັບຕົວຈິງໃນວຽກງານດັ່ງ ກ່າວ, ຢຶດໝັ້ນ ແລະປ ະຕິບັດແນວ ທາງຢ່າງຖືກຕ້ອງພ້ອມທັງຖືສໍາ ຄັນການເສີມຂະຫຍາຍແບບແຜນວິທີເຮັດວຽກແບບລວມສູນປະຊາທິປະໄຕເຮັດວຽກເປັນໝູ່ຄະນະ, ເປັນເຈົ້າການປະຕິບັດ ແບບແຜນ ການນໍາພາຂອງພັກ, ປັບປຸງ ແລະ ຖອດຖອນບົດຮຽນຕາມແນວທາງນະໂຍບາຍຂອງພັກໃຫ້ຖືກຕ້ອງ ແລະສອດຄ່ອງ, ພ້ອມກັນນັ້ນ ກໍ ຕ້ອງເສີມຂະຫຍາຍໝາກຜົນ, ຜົນ ງານ ແລະ ໄຊຊະນະທີ່ຍາດມາໄດ້ ຕະຫລອດ 60 ປີຜ່ານມາ ເພື່ອນໍາ ພາປະເທດຊາດກ້າວຂຶ້ນສັງຄົມນິ ຍົມຕາມເປົ້າໝາຍທີ່ວາງໄວ້.

ໃນໂອກາດດຽວກັນໄດ້ມີພິທີມອບບັດໃຫ້ສະມາຊິກພັກຈໍານວນ 36 ສະຫາຍ ທີ່ມາຈາກໜ່ວຍພັກ ກົມກອງ, ໜ່ວຍພັກຮາກຖານ ອ້ອມຂ້າງກະຊວງ ຖວທ.